ރައީސް ޞާލިޙް ވެރިކަން ކުރަށްވަނީ ވަރަށްގިނަ ބައެއްގެ ހެޔޮ ދުޢާ ލިބިގެން ކަމަށް ދާޚިލީ ވަޒީރު އިމްރާން ޢަބްދުالله ވިދާޅުވެއްޖެއެވެ.

ޝައިޚް އިމްރާން މިއަދު ވިދާޅުވީ ރައީސް ޞާލިޙް އަމާންކަމާއެކު މިދައުރު ފުރިހަމަ ކުރައްވައި ދެވަނަ ދައުރަކަށް އިންތިހާބު ވުމުގައި ވަރަށް ގިނަ ބައެއްގެ ހެޔޮދުޢާ ޝާމިލްވާ ކަމަށެވެ. އެގޮތުން އެއީ ވަރަށް ގިނަ ހެޔޮލަފާ އަޅުންގެ އިހުލާސްތެރި ހެޔޮ ދުއާތަކުގެ ބަރަކާތާއެކު ވެފައިވާ ކަމެއްކަމަށް އިމްރާން ވިދާޅުވި އެވެ.

އިމްރާން ވިދާޅުވީ ރައީސް ޞާލިޙްގެ ދައުރު އަމާންކަމާއެކު ކުރިއަށްދާތީ އެކަމާ ރުޅިއައިސް މަލާމާތް ކުރިޔަސް އެންމެ ރަނގަޅު ކަމަށެވެ.

‘

“ރުޅި އަންނަ މީހަކު ރުޅިއަޔަސް، މަލާމާތް ކުރާ މީހަކު މަލާމާތް ކުރިޔަސް ވެރިކަމުގައި ހުންނެވީ ރައީސް ޞާލިޙް.” އިމްރާން ވިދާޅުވެފައިވެއެވެ.

Rulhi anna meehaku rulhi ayas,malaamaaiy kuraa meehaku malaamaaiy kuriyas,@ibusolih verikamah aee ves,
Amaankamaa eku dhaureh furihama kurahvaneeves,Allah ge rahumatha eku dhevana dhaurakah hoveyneeves.
V gina heyolafa alhunge ikhlaastheri heyo Dhuathakuge barakaatha ekueve.

— Imran Abdulla (@ShimranAb) July 10, 2023

އިމްރާން މިމޭރުމުން ވިދާޅުވެފައިވާއިރު ރައީސްގެ ރިޔާސީ ކެމްޕެއިން ރަސްމީކޮށް މިހާރު ވަނީ ފަށާފަ އެވެ. އަދާލަތު ޕާޓީ އާއި އެމްޑީއޭގެ އިއްތިހާދާއެކު ރައީސް ކެމްޕެއިން ކުރައްވަނީ "އުފާވެރި އަމާން ރާއްޖެ" ޝިއާރުގެ ދަށުންނެވެ.

ރައީސްގެ ކެމްޕޭން ޓީމުން ބުނެފައިވަނީ މި އިންތިކާބު އެއްބުރުން ރައީސް ޞާލިޙް ކާމިޔާބު ކުރަށްވާނެ ކަމަށެވެ.