މީމު މަސް ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތުގެ 83 އިންސައްތަ ނިމިފައިވާކަމަށް އެމްޓީސީސީން ހާމަކޮށްފިއެވެ.

މަސައްކަތުގެ ކޮންޓްރެކްޓަރ އެމްޓީސީސީން ބުނީ މި މަޝްރޫއުގެ ދަށުން، ބިން ހިއްކުމުގެ މަސައްކަތާއި ބޮލާރޑް އާއި ވީ- ފެންޑަރ ހަރުކުރުމުގެ މަސައްކަތް ވަނީ ނިމިފައި ކަމަށާއި އަދި އެއްގަމުތޮށީގެ ކޮންކްރީޓް މަސައްކަތް ތަކުގެ 91 އިންސައްތަވެސް ނިމިފައިވާ ކަމަށެވެ.

މި މަޝްރޫޢުގެ ދަށުން 22240 ކިއުބިކް މީޓަރުގެ ސަރަޙައްދެއްގެ ބިން ހިއްކުމާއި 8640 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 160 މީޓަރުގެ ސަރަޙައްދެއްގައި އެއްގަމުތޮށިލުން ހިމެނެއެވެ.

އޭގެއިތުރުން 68.90 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 640 އަކަ މީޓަރުގެ ސަރަޙައްދެއްގައި ހާބަރ ޕޭވްމަންޓް ހެދުމާއި، ބަނދަރު ބައްތި އާއި ނެރު ބައްތި ހަރުކުރުމާއި، ބޮލާރޑް އާއި ވީ- ފެންޑަރ ހަރުކުރުމާއި، ޑްރެއިނޭޖް ސިސްޓަމެއް ހަރުކުރުމުގެ މަސައްކަތްވެސް ހިމެނެއެވެ.

މ. މުލަށް މިފްކޯ މަސް ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތުގެ 83 ޕަސެންޓް ނިމިއްޖެ. މި މަޝްރޫއުގެ ދަށުން، ބިން ހިއްކުމުގެ މަސައްކަތާއި ބޮލާރޑް އާއި ވީ – ފެންޑަރ ހަރުކުރުމުގެ މަސައްކަތް ވަނީ ނިމިފައި. އަދި އެއްގަމުތޮށީގެ ކޮންކްރީޓް މަސައްކަތް ތަކުގެ 91 ޕަސެންޓް ވަނީ… pic.twitter.com/ks6i2NMXKW

— MTCC Plc (@MTCCPlc) July 15, 2023

300 ދުވަހުގެ ތެރޭގައި ނިންމުމަށް 2021 ވަނަ އަހަރުގެ ފެބްރުއަރީ 21 ވަނަ ދުވަހު އެމްޓީސީސީއާ ޙަވާލުކުރި މި މަޝްރޫޢަކީ 52.95 މިލިއަން ރުފިޔާގެ މަޝްރޫޢެކެވެ.