އަންނަ ރިޔާސީ އިންތިޚާބުގައި ވޯޓުލުމުގެ ޙައްޤު ލިބިފައިވާ މީހުންގެ ލިސްޓަށް ޝަކުވާ ހުށަހެޅުމަށް އިލެކްޝަންސް ކޮމިޝަނުން ހުޅުވާލި މުއްދަތުގައި ހުށަހަޅާފައިވަނީ ޖުމުލަ 18 ޝަކުވާކަމަށް އެކޮމިޝަނުން ހާމަކޮށްފިއެވެ.

ވޯޓުލާމީހުންގެ ލިސްޓަށް ހުށަަޅާފައިވާ ޝަކުވާތައް ބެލުމަށްފަހު މިހަފްތާގެތެރޭގައި ދާއިމީ ލިސްޓު ޢާންމުކުރާނެކަމަށް އެކޮމިޝަނުން ބުނެއެވެ.

ވޯޓުލުމުގެ ހައްޤު ލިބިފައިވާ މީހުންގެ ލިސްޓަށް ހުށަހަޅާފައިވާ ޝަކުވާތަކުގެތެރޭގައި މަރުވެފައިވާ 17 މީހެއްގެ ނަން ލިސްޓުގައި އޮތުމުގެ ޝަކުވާއާއި، އެޑްރެސް ބަދަލުވެފައިވާ މީހެއްގެ ނަން ކުރީގެ އެޑްރެހުގައި އޮތުމުގެ ޝަކުވާ ހިމެނެއެވެ.

ރަށްވެހިފައިވާ ތަން ނޫން ތަނެއްގައި ވޯޓުލުމަށް ބޭނުންވާ މީހުން އަލުން ރަޖިސްޓްރީވުމަށް އާދީއްތަދުވަހު ހުޅުވާލާނެކަމަށް އިލެކްޝަންސް ކޮމިޝަނުން ވަނީ ބުނެފައެވެ. އެހެންނަމަވެސް 2020ވަނަ އަހަރުގެ ލޯކަލް ކައުންސިލް އިންތިހާބުގައި ވޯޓުލުމަށް މާލޭގައި ރަޖިސްޓްރީކުރި މީހުން މާލޭގައި މިފަހަރު ވޮޓުލާނަމަ އަލުން ރަޖިސްޓްރީ ކުރަން ނުޖެހޭނެކަމަށް އިލެކްޝަންސް ކޮމިޝަނުން ބުނެއެވެ.