ގދ. ކޫއްޑޫ އެއަރޕޯޓްގެ ޑިޕާޗަރ ޓާމިނަލްގެ އޭސީތައް ހަލާކުވެފައި ހުންނަތާ އެތަކެއް މަސްވެފައިވާ ކަމަށް ޖުމްހޫރީ ޕާޓީގެ ލީޑަރ ޤާސިމް އިބްރާހިމްގެ ސްޕެޝަލް އެންވޯއި އިލްހާމް އަޙްމަދު މިއަދު ވިދާޅުވެއްޖެއެވެ.

އިލްހާމް މިއަދު ވިދާޅުވީ ކޫއްޑޫ އެއަރޕޯޓްގެ އޭސީތައް ހަލާކުވެފައިވާތީ އެކަމުގެ ތަކްލީފް އެތައްބަޔަކަށް އުފުލަން ޖެހިފައިވާ ކަމަށެވެ. އެހެންކަމުން އެމައްސަލަ ޙައްލުކޮށްދެއްވުމަށް އިލްހާމް ވަނީ ގޮވާލައްވާފައެވެ.

އިލްހާމް ވިދާޅުވީ އޭސީތައް ހަލާޚުވެފައި ހުރުމުން އެއަރޕޯޓުން ޚިދުމަތް ހޯދާ ފަތުރުވެރިންނާއި، ދަތުރުވެރިންތިބީ ދާހިއްލާ ފޯވެފައިކަމަށެވެ.

“މިއަދު އަޅުގަނޑަށްވެސް މިއޮތީ އެކަން ތަޖުރިބާކުރަން ޖެހިފައި. މިކަން ހައްލުކޮށްދެއްވާނީ ކޮންއިރަކުންތޯ؟” އިލްހާމް މިއަދު ވިދާޅުވެފައިވެއެވެ.

ކޫއްޱޫގެ ޑިޕާޗަރ ޓާމިނަލްގެ އޭސީތައް ހާލާކްވެފައި ހުންނަތާ އެތެކެއް މަސްވެއްޖެ ކަމަށްވަނީ.ފަތުރުވެރިންނާއި، ދަތުރުވެރިންތިބީ ދާހިއްލާ ފޯވެފައި.

މިއަދު އަޅުގަނޑަށްވެސް މިއޮތީ އެކަން ތަޖުރިބާކުރަން ޖެހިފައި. މިކަން ހައްލުކޮށްދެއްވާނީ ކޮންއިރަކުންތޯ؟@presidencymv pic.twitter.com/a5LPq3KfFD

— Ilham Ahmed (@ilhammaldives) July 16, 2023

އިޤްތިޞާދީ ވުޒާރާއިން މީގެ ކުރިން ބުނެފައިވަނީ އޯގަސްޓް 2017 އިން ފެށިގެން ކޫއްޑޫ އެއާޕޯޓް ހިންގަނީ ސިންގަޕޫރުގެ ކިއޮން ހޮންގު ކޮންސްޓްރަކްޝަން އާއި ރާއްޖޭގެ ހޮޓެލްސް ރިސޯޓްސް ކޮންސްޓްރަކްޝަން ގުޅިގެން އުފައްދާފައިވާ ޕްރިސްޓީން އައިލެންޑް އިންވެސްޓްމަންޓް މޯލްޑިވްސްއިން ކަމަށެވެ.