50 މޭލަށް ވައި ގަދަވެ ރާޅު އަރާނެކަމަށް ލަފާކޮށް ރާއްޖޭގެ ދެކުނުގެ އަތޮޅުތަކަށް "ހުދު ސަމާލް" ނެރެފިއެވެ.

މޫސުމާ ބެހޭ ގައުމީ އިދާރާ، މެޓް އޮފީހުން ވައިޓް އެލާޓް ނެރެފައިވަނީ، ހައްދުންމަތިން ފެށިގެން އައްޑޫ ސިޓީއާއި ދެމެދުގެ ސަރަހައްދަށެވެ.

މިދުވަސްވަރަކީ މުޅި ރާއްޖެއަށްވެސް މޫސުން ގޯސް ދުވަސްވަރެކެވެ. އިއްޔެވެސް ވަނީ ކަނޑުމަތީގެ ގިނަ ޙާދިސާތަކެއް ހިނގައި ބައެއް އުޅަނދުފަހަރު އަޑިއަށްވެސް ގޮސްފައެވެ.

White Alert for heavy rain. pic.twitter.com/bNjffzYaXo

— Maldives Meteorology (@MetMaldives) July 19, 2020

މިއަދު ހެނދުނު 07:00 އިން މެންދުރު 12:00 އަށް ނެރެފައިވާ ވައިޓް އެލާޓްގައި ބުނެފައިވަނީ، އެލާޓްގެ ވަގުތުގައި ރާއްޖޭގެ ދެކުނުގެ ސަރަހައްދަށް ގުގުރުމާ އެކު ބޯކޮށް ވާރޭވެހި، ވިލާގަނޑުގައި ގަޑިއަކު ގާތްގަނޑަކަށް 50 މޭލަށް ވައި ގަދަވެ، ކަނޑުތައް ގަދަވުމުގެ ސަބަބުން ބައެއް ރަށްތަކަށް ރާޅު އެރުމުގެ ފުރުޞަތު އެބައޮތް ކަމަށެވެ.