ފެން ބޮޑުވާނެ ކަމަށް ލަފާކޮށް ކ. އަތޮޅުން ފެށިގެން އދ. އަތޮޅަށް އޮރެންޖު އިންޒާރު ނެރެފިއެވެ.

މޫސުމާބެހޭ ޤައުމީ އިދާރާ މެޓް އޮފީހުން ބުނެފައިވަނީ މިއަދު 15:15 އިން 17:30 އަށް ކ. އަތޮޅުން ފެށިގެން އދ. އަތޮޅަށް ބޯކޮށް ވާރޭ ވެހި، ގުގުރާނެ ކަމަށެވެ.

މީގެ އިތުރުން ފެން ބޮޑުވާނެ ކަމަށްވެސް އެ އިދާރާއިން ލަފާކޮށްފައިވެއެވެ.

Alert Orange for Torrential rain and possible flooding. pic.twitter.com/phpeuePa5r

— Maldives Meteorology (@MetMaldives) December 31, 2023

އަދި، ގުގުރުމާ އެކު ބޯކޮށް ވާރޭވެހި، ވިލާގަނޑުގައި ގަޑިއަކު 45 މޭލަށް ވައިގަދަ ވާނެ ކަމަށް ލަފާކޮށް ހަވީރު 5:00 އާ ހަމައަށް ނ. އަތޮޅުން ފެށިގެން ލ. އަތޮޅަށް މެޓް އޮފީހުން ވަނީ ރީނދޫ ސަމާލު ނެރެފައެވެ.

މެޓް އޮފީހުން އޮރެންޖު ސަމާލު ނެރެފައިވާއިރު މާލެ ހިމެނޭހެން ބައެއް ރަށްރަށުގައި މިހާރުވެސް ވަނީ ފެންބޮޑުވެފައެވެ.