ރައްޔިތުންގެ މަޖިލީހުގެ އިންތިޚާބަށް ކުރިމަތިލުމަށްއެދި ހުށައެޅި 14 މީހެއްގެ ކެންޑިޑެސީ ފޯމު ބަލައިގެންފައިވާ ކަމަށް އިލެކްޝަންސް ކޮމިޝަނުން ހާމަކޮށްފިއެވެ.

މަޖިލިސް އިންތިޚާބުގައި ވާދަކުރުމުގެ ފުރުސަތު އިލެކްޝަންސް ކޮޝަނުން ހުޅުވާލީ މިދިޔަ ޖެނުއަރީ މަހުގެ 30ވަނަ ދުވަހުއެވެ. އިންތިޚާބުގައި ވާދަކުރުމަށް ފޯމު ހުށަހެޅުމުގެ ދޮރު ބަންދުވާނީ މި މަހުގެ 14 ވާ ބުދަ ދުވަހުގެ މެންދުރު 14:00 އަށެވެ.

އީސީގެ ނާއިބު ރައީސް އިސްމާޢީލް ޙަބީބު ވިދާޅުވީ، ރައްޔިތުންގެ މަޖިލީހުގެ އިންތިޚާބަށް ކުރިމަތިލުމަށް އިލެކްޝަންސް ކޮމިޝަނަށް އިއްޔެއާ ހަމައަށް 15 އެޕްލިކޭޝަން ލިބިފައިވާ ކަމަށެވެ. އޭގެ ތެރެއިން ޖުމްލަ 14 އެޕްލިކޭޝަން ބަލައިގެންފައިވާ ކަމަށް ޙަބީބު ވިދާޅުވިއެވެ.

"މިއަދު ލިބުނީ 4 އެޕްލިކޭޝަން. އެއީ، ޕީއެންސީ ގެ 2، އެމްޑީއޭގެ 1، އަމިއްލަގޮތުން 1. 4 އެޕްލިކޭޝަން ވެސް އިލެކްޝަންސް ކޮމިޝަނުން ވަނީ ބަލައިގެންފައި." ޙަބީބު އިއްޔެ ވިދާޅުވިއެވެ.

ރައްޔިތުންގެ މަޖިލީހުގެ އިންތިޚާބަށް ކުރިމަތިލުމަށް އިލެކްޝަންސް ކޮމިޝަނަށް މިއަދާ ހަމައަށް 15 އެޕްލިކޭޝަން ލިބިފައިވޭ. މިއަދު ލިބުނީ 4 އެޕްލިކޭޝަން. އެއީ، ޕީއެންސީ ގެ 2، އެމްޑީއޭގެ 1، އަމިއްލަގޮތުން 1.
4 އެޕްލިކޭޝަން ވެސް އިލެކްޝަންސް ކޮމިޝަނުން ވަނީ ބަލައިގެންފައި. #vihi24… pic.twitter.com/gNU0qeWvZI

— Ismail Habeeb (@IsmailHabeeb) February 8, 2024

މިއަހަރުގެ މަޖިލިސް އިންތިޚާބު އަންނަ މާޗު މަހުގެ 17 ވަނަ ދުވަހު ބޭއްވުމަށް އީސީން ނިންމާފައިވީ ނަމަވެސް އިންތިޚާބާ ބެހޭ ޤާނޫނު އިސްލާޙު ކުރުމަށް މަޖިލީހަށް މިހާރު ހުށައަޅާފައިވާ އިސްލާޙު އަންނަ ހަފްތާގައި ފާސްކުރުމުން އެ ތާރީޚަށް ބަދަލު އަންނާނެއެވެ.