ފަތުރުވެރިންގެ ބޭނުމަށް މޯލްޑިވިއަންގެ ބޯޓުތަކުން ގެންނަ ސާފް ބޯޑަށް ނަގާ "ސާފްބޯޑު ސާޗާޖް" ކުޑަކޮށްދޭނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސް މިމޭރުމުން ވިދާޅުވީ ޢާންމުންގެ ސުވާލުތަކަށް މީސްމީޑިއާގައި ސީދާ ރައީސުލްޖުމްހޫރިއްޔާ ޖަވާބުދެއްވުމުގެ ގޮތުން، ރައީސުލްޖުމްހޫރިއްޔާގެ އޮފީހުން ކުރިއަށް ގެންދާ "ރައީސްގެ ޖަވާބު" ގައި ވާހަކަފުޅު ދައްކަވަމުންނެވެ.

އެގޮތުން ރާޅާއެޅުމަށް ފަތުރުވެރީން ބޭނުންކުރާ ސާފް ބޯޑު، މޯލްޑިވިއަންގެ މަތިންދާބޯޓުތަކުން ގދ. ގައްދުއަށް އުފުލުމަށް ދެކޮޅު ޓިކެޓާއެކު 800 ޑޮލަރު ނަގާކަން ފާހަގަކޮށް ގދ. ގައްދޫ، ފެހިވިނަ، އަޙްމަދު ރަޝީދު ކަންބޮޑުވުން ފާޅުކުރެއްވުމާ ގުޅިގެން ރައީސް ވިދާޅުވީ، ސާފް ބޯޑަށް ނަގާ ޗާޖަކީ ގިނަ ރާޅާއެޅުންތެރިންނާއި އެ ދާއިރާގައި މަސައްކަތް ކުރާ މީހުންގެ ފަރާތުން ފާހަގަވެފައިވާ ކަންބޮޑުވުމެއް ކަމަށެެވެ.

"އަޅުގަނޑު މިކަމާ ވާހަކަ ދައްކައިގެން އިރާދަ ކުރެއްވިއްޔާ ރަނގަޅު ހައްލެއް ގެނެސްދޭނަން،" ރައީސް ވިދާޅުވިއެވެ.

ރައީސްގެ ޖަވާބު
21 ފެބްރުވަރީ 2024

ގދ. ގައްދޫ، ފެހިވިނަ، އަޙްމަދު ރަޝީދު، ރާޅާއެޅުމަށް ފަތުރުވެރީން ބޭނުންކުރާ ކަނދު، މޯލްޑިވިއަންގެ މަތިންދާބޯޓުތަކުން އުފުލުމަށް ނަގާ ފީ ބޮޑުކަން ފާހަގަކޮށް ދެންނެވި ސުވާލަށް ރައީސުލްޖުމްހޫރިއްޔާ ދެއްވި ޖަވާބު pic.twitter.com/2n2bcgUhx4

— Government of Maldives (@governmentmv) February 21, 2024

ރާއްޖޭގެ ޒުވާނުންނަށް ރަށާއި ގާތުން ފަތުރުވެރިކަމުގެ ދާއިރާގެ ވަޒީފާގެ ފުރުސަތުތައް ތަނަވަސްކޮށްދިނުމަކީ ރައީސް ޑރ. މުޢިއްޒުގެ އިންތިޚާބީ ވަޢުދެކެވެ.