ސްޓެލްކޯގެ ސަބްސްޓޭޝަންތަކުގެ ތަޅުތައް ހަލާކޮށް، އެތަންތަނަށް ވަދެ ޓްރާންސްފޯމަރުތައް ނިއްވާލައި، އެ ޓްރާންސްފޯމަރުތަކުގެ އެކި ބައިތައް ވަގަށް ނަގަމުންދާކަން ފާހަގަ ކުރެވިފައިވާތީ އެކަން ފުލުހުންގެ ސަމާލުކަމަށް ގެނެވިފައިވާކަމަށް ސްޓެލްކޯއިން ބުނެފިއެވެ.
ސްޓެލްކޯގެ މެނޭޖިންގ ޑިރެކްޓަރ ޙުސައިން ފަހުމީ މިރޭ ވިދާޅުވީ، ރޭ ފަތިހު އަދި މިރޭ ހުޅުމާލޭގެ އެކި ސަރަހައްދުތަކުން ކަރަންޓު ކެނޑެން މެދުވެރިވީ ސްޓެލްކޯގެ ސަބްސްޓޭޝަންތަކުގެ ތަޅުތައް ހަލާކޮށް، އެތަންތަނަށް ވަދެ ޓްރާންސްފޯމަރުތައް ނިއްވާލައި، އެ ޓްރާންސްފޯމަރުތަކުގެ އެކި ބައިތައް ވަގަށް ގެންގޮސްފައިވާތީ ކަމަށެވެ.
ފަހުމީ ވިދާޅުވީ، އެކަމަކީ އެކަން ކުރާ ފަރާތްތަކަށްވެސް ބޮޑު ނުރައްކަލަކަށް ވާއިރު، މިއީ ކަރަންޓުގެ އަސާސީ ޚިދުމަތް 24 ގަޑިއިރު މެދުނުކެނޑި ދޭން ކުންފުނިން ކުރަމުންގެންދާ މަސައްކަތަށް އެޅޭ ވަރަށްބޮޑު ހުރަހެއްކަމަށެވެ.
އަދި އެފަދަ ކަންކަން ކުރަމުންގެންދާ ފަރާތްތައް ހުއްޓުވައި އެފަރާތްތަކަށް ފިޔަވަޅު އަޅައިދީ، އަދި ވަގަށް ނަގައިގެން ވިއްކާ މިދަފަ ތަކެތި ގަންނަ ފަރާތްތަކަށްވެސް ފިޔަވަޅުއަޅައިދިނުމަށް ކަމާއި ބެހޭ ފަރާތްތަކަށް ފަހުމީ ވަނީ އިލްތިމާސް ކުރައްވާފައެވެ.
ސްޓެލްކޯގެ ޓްރާންސްފޯމަރުތަކުން ވައްކަން ކުރުމުގެ މައްސަލައަކީ މީގެކުރިން ވެސް ދިމާވާ މައްސަލަތަކެކެވެ. އޭގެ ސަބަބުން އެކިފަހަރު ކަރަންޓްގެ ހިދުމަތަށް ބުރޫއަރާފައިވާކަން ވެސް ފާހަގަކޮށްލެވެއެވެ.
ފަހުމީ ވިދާޅުވީ، އެކަމަކީ އެކަން ކުރާ ފަރާތްތަކަށްވެސް ބޮޑު ނުރައްކަލަކަށް ވާއިރު، މިއީ ކަރަންޓުގެ އަސާސީ ޚިދުމަތް 24 ގަޑިއިރު މެދުނުކެނޑި ދޭން ކުންފުނިން ކުރަމުންގެންދާ މަސައްކަތަށް އެޅޭ ވަރަށްބޮޑު ހުރަހެއްކަމަށެވެ.
އަދި އެފަދަ ކަންކަން ކުރަމުންގެންދާ ފަރާތްތައް ހުއްޓުވައި އެފަރާތްތަކަށް ފިޔަވަޅު އަޅައިދީ، އަދި ވަގަށް ނަގައިގެން ވިއްކާ މިދަފަ ތަކެތި ގަންނަ ފަރާތްތަކަށްވެސް ފިޔަވަޅުއަޅައިދިނުމަށް ކަމާއި ބެހޭ ފަރާތްތަކަށް ފަހުމީ ވަނީ އިލްތިމާސް ކުރައްވާފައެވެ.
ސްޓެލްކޯގެ ޓްރާންސްފޯމަރުތަކުން ވައްކަން ކުރުމުގެ މައްސަލައަކީ މީގެކުރިން ވެސް ދިމާވާ މައްސަލަތަކެކެވެ. އޭގެ ސަބަބުން އެކިފަހަރު ކަރަންޓްގެ ހިދުމަތަށް ބުރޫއަރާފައިވާކަން ވެސް ފާހަގަކޮށްލެވެއެވެ.
ކިޔުންތެރިންގެ ހިޔާލު