ކުރިއަށް އޮތް ސަރުކާރު ބަންދު ދުވަސްތަކުގައި އިމަޖެންސީކޮށް އައިޑީކާޑު ހެއްދުމަށް ބޭނުންވާ ފަރާތްތަކަށް އެކަމަށް ޚާއްސަ ހޮޓްލައިނެއް ޤާއިމްކޮށްފިއެވެ.

ޑިޕާޓްމަންޓް އޮފް ނެޝަނަލް ރެޖިސްޓްރޭޝަނުން މިއަދު ބުނެފައިވަނީ ސަރުކާރު ބަންދު ދުވަސްތަކުގައި އިމަޖެންސީކޮށް އައިޑީކާޑު ހެއްދުމަށް ބޭނުންވާ ފަރާތްތަކުން އެ އިދާރާގެ 7280368 ނަންބަރު ފޯނަށް ގުޅުއްވުމުން އެކަމުގެ އިންތިޒާމްތައް ހަމަޖެހޭނެ ކަމަށެވެ.

During this public holiday period, the Department of National Registration is here to assist with emergency ID card needs. For help, please reach out to 7280368.

— Department of National Registration (@dnrmaldives) March 30, 2024

ޑީއެންއާރް އިން މިހާރު ވަނީ ރޯދަމަހު ފަހު 10 ގައި އައިޑީކާޑު ދޫކުރުމުގެ ހިދުމަތް ދޭނެ ގަޑިތަކާއި ދުވަސްތަކުގެ މައުލޫމާތުވެސް އާންމުކޮށްފަ އެވެ.

އެގޮތުން ރޯދަ މަހު ފަހު 10ގައި އައިޑީ ކާޑު ދޫކުރާނީ އޭޕްރީލް އެއް ވަނަ ދުވަހާއި ތިންވަނަ ދުވަހުގެ އިތުރުން އަށް ވަނަ ދުވަހު އެވެ. އެ ދުވަސް ތަކުގައި ހިދުމަތް ދޭނީ ހެނދުނު 09:15 އިން 11:30 އަށެވެ. އަދި ދޫކުރާނީ 150 ނަންބަރެވެ.

ރޯދަ މަހު ސަރުކާރުގެ އިދާރާތައް އާންމުކޮށް ހުޅުވިފައި ހުންނަނީ ހެނދުނު ނުވަޔަކުން އެކަކަށެވެ. ނަމަވެސް މި ފަހަރުގެ ރޯދަ މަހުގެ ފަހު 10 ގައި ސަރުކާރު އޮފީސްތައް ބަންދު ކުރުމަށް ރައީސް ޑރ. މުޢިއްޒު ވަނީ ނިންމަވާފައެވެ.