ކުދި ކުށްތަކަށް އަރައިގަންނަ ބިދޭސީން 48 ގަޑިއިރު ތެރޭ ރާއްޖޭން ޑީޕޯޓު ކޮށްލުމަކީ އަމާޒެއްކަމަށް ހޯމް މިނިސްޓަރު ޢަލީ އިހުސާން ވިދާޅުވެއްޖެއެވެ.
އިހުސާން މިހެން ވިދާޅުވީ، މިއަދު އެ މިނިސްޓްރީގެ ފަރާތުން ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުންނެވެ.
އެ ބައްދަލުވުމުގައި އިހުސާން ވިދާޅުވީ، ބިދޭސީން ރާއްޖޭގައި ކުރާ ކުށްތައް މަދު ކުރުމަށް ސަރުކާރުން ގިނަ މަސައްކަތްތަކެއް ކުރަމުން ގެންދާކަމަށެވެ. އެގޮތުން، ދިވެހި ރައްޔިތެއްގެ ބޮޑު ހައްގަކަށް އަރައި ނުގަނެ، ކުދި ކުށްތަކަށް އަރިގަންނަ މީހުންނާމެދު އަމަލުކުރަން ނިންމާފައިވާ ގޮތަކީ 48 ގަޑިއިރުތެރޭ ރާއްޖެއިން އެމީހަކު ފުރުވާލުންކަމަށް އިހުސާން ވިދާޅުވިއެވެ.
އޭނާ ވިދާޅުވީ، މިކަން މިހާރު ވެސް ކުރިއަށް ދާކަމަށާއި ނަމަވެސް، ބައެއް ބިދޭސީންނަކީ އެއްވެސް ލިޔެކިޔުމެއް ނެތް ފަރާތްތަކަށްވުމުން އެފަދަ ފަރާތްތައް ފޮނުވާލުމުގައި ލަސްވެފައި ހުންނަކަމަށެވެ. ނަމަވެސް، އެކަންކަންވެސް އެމްބަސީތަކާއި ވާހަކަ ދައްކައިގެން ހައްލުކޮށް ޑީޕޯޓު ކުރުމުގެ މަސައްކަތް ކުރެވޭކަމަށް ވިދާޅުވިއެވެ.
އިހުސާން ވިދާޅުވީ، ކުށްކުރާ އެފަދަ ފަރާތްތައް ޑީޕޯޓު ކުރުމަކީ ވަރަށް ބޮޑު ހަރަދެއް ހިނގާ ކަމަކަށް ވީނަމަވެސް، އެކަން ނުކޮށް އެމީހުން މި ގައުމުގައި ބައިތިއްބައިފިނަމަ ލިބޭ ގެއްލުން މާބޮޑުވާނެ ކަމަށެވެ. އެހެންކަމުން ހަރަދު ބޮޑުވިނަމަވެސް އެކަން އެގޮތަށް ކުރުމަކީ ސަރުކާރުގެ އަމާޒެއްކަމަށް އޭނާ ވިދާޅުވިއެވެ.
މި ބައްދަލުވުމުގައި އިހުސާން ވިދާޅުވީ އެފަދަ ބިދޭސީން ފޮނުވާލަން ޓިކެޓް ނެގުމަށް ހަރަދުކުރަނީ އެމީހުން ރާއްޖެއަންނައިރު ދައްކާ ޑިޕޮސިޓް ފައިސާއިންކަމަށެވެ.
އެ ބައްދަލުވުމުގައި އިހުސާން ވިދާޅުވީ، ބިދޭސީން ރާއްޖޭގައި ކުރާ ކުށްތައް މަދު ކުރުމަށް ސަރުކާރުން ގިނަ މަސައްކަތްތަކެއް ކުރަމުން ގެންދާކަމަށެވެ. އެގޮތުން، ދިވެހި ރައްޔިތެއްގެ ބޮޑު ހައްގަކަށް އަރައި ނުގަނެ، ކުދި ކުށްތަކަށް އަރިގަންނަ މީހުންނާމެދު އަމަލުކުރަން ނިންމާފައިވާ ގޮތަކީ 48 ގަޑިއިރުތެރޭ ރާއްޖެއިން އެމީހަކު ފުރުވާލުންކަމަށް އިހުސާން ވިދާޅުވިއެވެ.
އޭނާ ވިދާޅުވީ، މިކަން މިހާރު ވެސް ކުރިއަށް ދާކަމަށާއި ނަމަވެސް، ބައެއް ބިދޭސީންނަކީ އެއްވެސް ލިޔެކިޔުމެއް ނެތް ފަރާތްތަކަށްވުމުން އެފަދަ ފަރާތްތައް ފޮނުވާލުމުގައި ލަސްވެފައި ހުންނަކަމަށެވެ. ނަމަވެސް، އެކަންކަންވެސް އެމްބަސީތަކާއި ވާހަކަ ދައްކައިގެން ހައްލުކޮށް ޑީޕޯޓު ކުރުމުގެ މަސައްކަތް ކުރެވޭކަމަށް ވިދާޅުވިއެވެ.
މި ބައްދަލުވުމުގައި އިހުސާން ވިދާޅުވީ އެފަދަ ބިދޭސީން ފޮނުވާލަން ޓިކެޓް ނެގުމަށް ހަރަދުކުރަނީ އެމީހުން ރާއްޖެއަންނައިރު ދައްކާ ޑިޕޮސިޓް ފައިސާއިންކަމަށެވެ.
ކިޔުންތެރިންގެ ހިޔާލު