ކުޅިވަރުގެ ދާއިރާ ތަރައްޤީކުރުމަށްް އިންޑިއާއިން 40 މިލިއަން ޑޮލަރުގެ ލޯނެއް ދީފިއެވެ.

ކުޅިވަރާއި، ހަށިހެޔޮކަމާއި ބެހޭ ވުޒާރާއިން މިއަދު ބުނީ އިންޑިއާގެ ލައިން އޮފް ކްރެޑިޓްގެ ދަށުން ހިންގާ މަޝްރޫޢުތަކަށް ކޮންސަލްޓެންސީ ފޯރުކޮށްދިނުމަށްޓައި ކޮލާޖް ޑިޒައިން ޕްރައިވެޓް ލިމިޓެޑާއެކު އެއްބަސްވުމެއްގައި ސޮއިކޮށްފައިވާކަމަށެވެ.

އެވުޒާރާއިން އިތުރަށް ބުނީ ރާއްޖޭގެ ކުޅިވަރުގެ ދާއިރާ އިތުރަށް ތަރައްޤީ ކުރުމަށް އިންޑިއަން އެގްޒިމް ބޭންކުން 40 މިލިއަން ޑޮލަރުގެ ލޯން ދޭން ނިންމާފައިވާކަމަށެވެ.

Agreement signing with Collage Design Pvt. Ltd., for Project Management Consultancy (PMC) on LOC-funded projects by India.

Indian Exim Bank will provide $40 million, under Line of Credit (LOC) for the development of sports infrastructure in the Maldives. pic.twitter.com/8DnYP63sjy

— Ministry of Sports, Fitness and Recreation (@MoSFR_mv) May 20, 2024

އިންޑިއާގެ މި ކްރެޑިޓް ފެސިލިޓީގެ ދަށުން ހިންގާ މަޝްރޫޢުތަކުގެ ތަފްސީލެއް މިހާތަނަށް ކުޅިވަރާއި، ހަށިހެޔޮކަމާއި ބެހޭ ވުޒާރާއިން ހާމަކޮށްފައެއް ނުވެއެވެ.

އިންޑިއަން އެގްޒިމް ބޭންކުން 40 މިލިއަން ޑޮލަރުގެ ކްރެޑިޓް ފެސިލިޓީއެއް ރާއްޖެއަށް ދީފައިވާއިރު، ކުރީގެ ރައީސް ސާލިހްގެ ސަރުކާރުން ސްޓޭޓް ބޭންކް އޮފް އިންޑިއާ އިން ނެގި 200 މިލިއަން ޑޮލަރުގެ ޓްރެޝަރީ ބޮންޑުން 50 މިލިއަން ޑޮލަރު އަނބުރާ ދެއްކުން އިތުރު އެއް އަހަރަށް ފަސްކޮށްދިނުމަށް އިންޑިއާ އިން ދާދިފަހުން ވަނީ ނިންމާފައެވެ.

އިންޑިއާ އިން އެގޮތަށް ނިންމީ ރައީސް ޑރ. މުހައްމަދުގެ ސަރުކާރުން ރަސްމީކޮށް އެކަމަށް އެންޑިއާގެ ކިބައިން އެދުމާ ގުޅިގެންނެވެ.