މޫސުން ގޯސްވުމުގެ ސަބަބުން ވެލާނާ އިންޓަނޭޝަނަލް އެއަރޕޯޓްގެ އޮޕަރޭޝަންތަކަށް ބުރޫއަރާފާނެތީ އެކަމަށް ސަމާލުވުމަށް އެމްއޭސީއެލް އިން އިލްތިމާސް ކޮށްފިއެވެ.

މޯލްޑިވްސް އެއަރޕޯޓްސް ކޮމްޕެނީ ލިމިޓެޑުން މިއަދު ބުނެފައިވަނީ، މާލޭ ސަރަޙައްދަށް މޫސުން ގޯސްވެ ގަދަ ވަޔާއެކު ބޯކޮށް ވާރޭވެހޭނެ ކަމަށް ލަފާކުރެވޭތީ، އެއަރޕޯޓްގެ އޮޕަރޭޝަންތަކަށް ބުރޫއަރާފާނެ ކަމަށެވެ. އެހެންކަމުން ފަސިންޖަރުން އެކަމަށް ސަމާލުވުމަށް އެމްއޭސީއެލުން ވަނީ އިލްތިމާސް ކޮށްފައެވެ.

މެޓް އޮފީހުން މިހާރު ވަނީ މާލެ ހިމެނޭ ގޮތުން ރާއްޖޭގެ ބައެއް އަތޮޅުތަކަށް އޮރެންޖް އެލަރޓް ނެރެފައެވެ. އެގޮތުން މެޓް އޮފީހުން ނެރެފައިވާ އެލާޓުގައި ވަނީ ބޯކޮށް ވާރޭވެހި ގަޑިއަކު 40-34 މޭލަށް ވައިގަދަވާނެ ކަމަށާއި، ވިލާގަނޑުގައި 55 މޭލަށް ވައިގަދަވާނެ ކަމަށެވެ.

Attention travelers! 🚨 The Met Office has issued an Orange Warning for Strong winds of 34-40mph and gust winds of 55mph and rough seas. We advise all passengers traveling through Velana International Airport to take precautionary measures and stay updated on your flight status.… https://t.co/kSefsNG7yo

— Maldives Airports Company Ltd (@MACLmedia) May 22, 2024

މޫސުން ގޯސްވުމުގެ ސަބަބުން ވީއައިއޭގެ އޮޕަރޭޝަންތަކަށް ބުރޫއަރާފާނެ ކަމަށް ބުނެފައިވާއިރު، ފުރަން ޝެޑިއުލްކޮށްފައިވާ ބައެއް ފްލައިޓުތައް ވަނީ ޑިލޭ ވެފައެވެ. އަދި ބައެއް ފްލައިޓުތަކަށް ވީއައިއޭގައި ނުޖެއްސިފައިވާ ކަމަށް މަޢުލޫމާތުލިބެއެވެ.