ލ. ގަމު، ތުނޑިއާ ދިމާލުން ރޯވެ ދޯންޏެއް އަޑިއަށް ދިޔަ ހާދިސާއެއްގައި މީހަކު ގެއްލިގެން ހޯދަން ފަށައިފި އެވެ.

އެމްއެންޑީއެފުން ބުނީ، އެމްއެންޑީއެފްގެ ކޯސްޓްގާޑް މެރިޓައިމް ރެސްކިއު ކޯޑިނޭޝަން ސެންޓަރަށް އެހާދިސާގެ މަޢުލޫމާތު ލިބިފައި ވަނީ މިއަދު 15:00 ގައި ކަމަށެވެ.

އެގޮތުން މިހާރު އެމްއެންޑީއެފް ސެންޓްރަލް އޭރިއާ ކޯސްޓްގާޑް ސްކޮޑްރަން އިން އެ ސަރަހައްދުގައި ހަރަކާތްތެރިވަމުން އަންނަ ކަމަށާއި ގެއްލިގެން ހޯދަމުން އަންނަނީ ބިދޭސީއެއް ކަމަށް އެމްއެންޑީއެފުން ބުނެ އެވެ.

L. Gamu thundi aa dhimaalun roave adiah dhiya dhoanyeh gai huri meehaku gellifaivaa kamah report libumaa gulhigen MNDF CA CG Sqn in harakaaiytherivaan fashaifi. Mi haadhisaa ge report libuny 15:00 haairu. Mi dhoanin dhathurukury 10 meehun kamah mauloomaathu libifaivey pic.twitter.com/pFGYWjuR2s

— Maldives National Defence Force (@MNDF_Official) August 10, 2020

އެމްއެންޑީއެފް އިން ބުނީ އަޑިއަށް ދިޔަ އެ ދޯނީގައި 10 މީހުން ތިބި ކަަމަށް އެ ދޯނީގެ ކެޕްޓަން މައުލޫމާތު ދޭ ކަމަށެވެ.

މިއީ މިއަދު ހިނގި ކަނޑުމަތީގެ ދެވަނަ ހާދިސާއެެވެ. މިއަދު 1:14 ހާއިރު ވަނީ ކ. ކޮށްދިޕަރު ކައިރީގައި އޮތް ފިނޮޅަކަށް ދަތުރު ދިޔަ ލޯންޗެއް އަޑިއަށް ގޮސްފައެވެ.

އެ ލޯންޗުން 7 މީހަކު ދަތުރުކޮށްފައިވާ ކަމަށް އެމްއެންޑީއެފުން މައުލޫމާތު ދެއެވެ. ލޯންޗު ބަންޑުން ޖަހާލި އިރު އޭގައި ތިބި މީހުން ވަނީ ފިނޮޅަށް އަރައިފައެވެ. ލޯންޗު އަޑިއަށް ދިޔައީ ލޯންޗަށް ދިޔަ އަރައި ދިޔަ ކޮންޓްރޯލު ނުވެގެންނެވެ. ލޯންޗުުގައި ތިބި އެންމެންގެ ހާލުވެސް ރަނގަޅު ކަމަށް އެމްއެންޑީއެފް އިން ބުނެއެވެ.