ދިމާވި ޓެކްނިކަލް މައްސަލައަކާ ގުޅިގެން މޯލްޑިވިއަންގެ ދެ ފްލައިޓެއް ކެންސަލްކޮށްފިއެވެ.

ޤައުމީ އެއާލައިން މޯލްޑިވިއަނުން މިއަދު ބުނީ ދިމާވި ޓެކްނިކަލް މައްސަލައަކާއި ގުޅިގެން އެކުންފުނިން ބަނގްލަދޭޝްގެ ވެރިރަށް ޑާކާއަށް މިއަދު ފުރަން ހަމަޖެހިފައިވާ ދެ ޕްލައިޓެއް މިހާރު ކެންސަލް ކޮށްފައިވާ ކަމަށެވެ.

އެގޮތުން ކިއު.2 2502 އާއި ކިއު.2 502 ގެ ދަތުރު ކެންސަލް ކޮށްފައިވާ ކަމަށާއި އެކަމާ ގުޅިގެން ކަސްޓަމަރުންނަށް ދިމާވާނެ ދަތިތަކަށް މާފަށް އެދޭކަމަށް މޯލްޑިވިއަނުން ވަނީ ބުނެފައެވެ.

customers with alternative travel options.

Please reach us at 1671 or email cc@iasl.aero for assistance. Customers in Dhaka can contact +880 1708‑810798

Thank you for your patience and understanding. Stay tuned for updates.

— MaldivianAero (@MaldivianAero) July 6, 2024

މަޢުލޫމާތު ލިބިފައިވާ ގޮތުގައި މޯލްޑިވިއަނުން ކެންސަލްކޮށްފައިވަނީ މިރޭ 6:35 ގައި އޮތް ފްލައިޓާއި މިރޭ ފަތިހު 4:45 ގައި ޑާކާ އަށް ދަތުރުކުރުމަށް ޝެޑިއުލް ކޮށްފައިވާ ފްލައިޓެވެ.

މޯލްޑިވިއަނުން ވަނީ މި ފްލައިޓްތަކުން ޑާކާއަށް ދަތުރު ކުރާ ކަސްޓަމަރުން ދަތުރު ކުރާނެ އެހެން ގޮތެއް އޮތްނަމަ، 1671 އަށް ގުޅައި މައުލޫމާތު ހިއްސާ ކުރުމަށް އެދިފައެވެ. އޭގެ އިތުރުން ޑާކާގައި ތިބި ކަސްޓަމަރުން މުޢާމަލާތު ކުރާނެ ނަންބަރެއްވެސް އެކުންފުނިން ވަނީ ޢާއްމު ކޮށްފައެވެ.

ފްލައިޓްތައް ކެންސަލް ކުރި ސަބަބު މޯލްޑިވިއަނުން ހާމަކޮށްފައެއް ނުވެއެވެ.