ރައީސް ޔާމީނާ ބައްދަލު ކުރުމަށް ދަތުރުފަތުރު ހަމަޖައްސައި ލޯންޗްގެ ބުރަފަތި ހުރީ ރަނގަޅަށްތޯ ބަލަންވާނީ ޔާމީންގެ ވަކީލުން ކަމަށް ދާޚިލީ ވަޒީރު އިމްރާން ޢަބްދުﷲ ވިދާޅުވެއްޖެއެވެ.
މަނީލޯންޑަރިންގެ ކުށުގައި 5 އަހަރަށް ޖަލަށްލާފައިވާ އަދި މިހާރުވެސް ޚިޔާނާތާއި، މަނީ ލޯންޑަރިން އާއި ޓެރަރިޒަމްގެ އެތައް ތުޙުމަތެއް ކުރެވިފައިވާ ކުރީގެ ރައީސް ޔާމީން އަށް ވަކީލުންނާއި ބައްދަލު ކުރުމުގެ ފުރުސަތުނުދޭ ކަމަށް ބުނެ އެމަނިކުފާނުގެ ވަކީލުންނާއި، ޕީޕީއެމްގެ އިސް ފަރާތްތަކުން ދައްކަމުންދާ ވާހަކަތައް ދޮގުކޮށް ޝެއިޚް އިމްރާން ވިދާޅުވީ، ލޯޔަރުން ރައީސް ޔާމީނާ ބައްދަލުކުރުމަށް ދިއުމުގެ ދަތުރުފަތުރާއި ލޯންޗުގެ އިންތިޒާމު ކުރުމަކީ ކަރެކްޝަނުން ކުރަންޖެހޭ ކަމެއް ނޫން ކަމަށެވެ.
"އެބޭފުޅުން ޖެހޭނީ އެހެންފަރާތްތަކުން ހޯދަންޖެހޭ ހުއްދައެއް އޮތްތޯ، ލޯންޗުގެ ބުރަފަތި ހުރީ ރަނގަޅަށްތޯ ބައްލަވަންވާނީ އެބޭފުޅުން." ދާޚިލީ ވަޒީރު އިމްރާން ވިދާޅުވިއެވެ.
އިމްރާން ވަނީ، ލޯޔަރުން އެބޭފުޅުންގެ ޒިންމާ އަދާކުރެއްވުމަށް އެދިވަޑައިގެންފައެވެ. އަދި ކަރެކްޝަންގެ ފަރާތުން ރައީސް ޔާމީނާއި ބައްދަލުކުރުމަށް ލޯޔަރުންނަށް އެއްވެސް ހުރަހެއް އަޅާފައި ނުވާނެކަމަށް އިމްރާން ވިދާޅުވިއެވެ.
ކުރީގެ ރައީސް ޔާމީންގެ މުޅިން އާ ދެ މައްސަލައެއްގައި މިއަދު ޝަރީއަތް ބޭއްވުމަށް ތާވަލް ކޮށްފައިވާއިރު އެމަނިކުފާނަށް ޤާނޫނު އަސާސީން ކަށަވަރުކޮށްދޭ ވަކީލުންގެ ފުރުސަތު ނުދެއްވާކަމަށް ޤާނޫނީ ޓީމުން ވަނީ ވިދާޅުވެފައެވެ.
"އެބޭފުޅުން ޖެހޭނީ އެހެންފަރާތްތަކުން ހޯދަންޖެހޭ ހުއްދައެއް އޮތްތޯ، ލޯންޗުގެ ބުރަފަތި ހުރީ ރަނގަޅަށްތޯ ބައްލަވަންވާނީ އެބޭފުޅުން." ދާޚިލީ ވަޒީރު އިމްރާން ވިދާޅުވިއެވެ.
އިމްރާން ވަނީ، ލޯޔަރުން އެބޭފުޅުންގެ ޒިންމާ އަދާކުރެއްވުމަށް އެދިވަޑައިގެންފައެވެ. އަދި ކަރެކްޝަންގެ ފަރާތުން ރައީސް ޔާމީނާއި ބައްދަލުކުރުމަށް ލޯޔަރުންނަށް އެއްވެސް ހުރަހެއް އަޅާފައި ނުވާނެކަމަށް އިމްރާން ވިދާޅުވިއެވެ.
ކުރީގެ ރައީސް ޔާމީންގެ މުޅިން އާ ދެ މައްސަލައެއްގައި މިއަދު ޝަރީއަތް ބޭއްވުމަށް ތާވަލް ކޮށްފައިވާއިރު އެމަނިކުފާނަށް ޤާނޫނު އަސާސީން ކަށަވަރުކޮށްދޭ ވަކީލުންގެ ފުރުސަތު ނުދެއްވާކަމަށް ޤާނޫނީ ޓީމުން ވަނީ ވިދާޅުވެފައެވެ.
ކިޔުންތެރިންގެ ހިޔާލު