އަވައްޓެރި އިންޑިއާއިން 300 ޓަނުގެ މުދާ ބަރުކޮށްގެން އައްޑު ސިޓީއަށް ދަތުރު ކުރަމުންދާކަމަށް މޯލްޑިވްސް ޕޯޓްސް ލިމިޓެޑު (އެމްޕީއެލް) އިން ބުނެފިއެވެ.
އެމްޕީއެލްގެ ސީއީއޯ މުހައްމަދު ވަޖީހު ވިދާޅުވީ އިންޑިއާގެ ޓުޓިކޮރިން އިން އައްޑޫ ސިޓީ އަށް 300 ޓަނުގެ މުދާ ގެންނަން "އެމްވީ ނިއުމަތު" ދަތުރު ފަށާފައިވާ ކަމަށެވެ. ހިތަދޫ ރީޖެނަލް ޕޯޓަށް މި ބޯޓު ދަތުރު ފަށާފައިވާއިރު ޝެޑިއުލްގައިވާ ގޮތުން މި ބޯޓު ހިތަދޫ ޕޯޓަަށް ބަނދަރު ކުރާނީ މި މަހުގެ 11 ވަނަ ދުވަހު ކަމަށް ވަޖީހު ވިދާޅުވި އެވެ.
މި ބޯޓުން ގެންދާ މުދަލުގެ ތެރޭގައި ތަރުކާރީ އާއި މޭވާ އަދި ޖެނެރަލް ކާގޯގެ ބާވަތްތައް ހިމެނޭ ކަމަށް ވަޖީހު ވިދާޅުވި އެވެ.
ވަޖީހު ވިދާޅުވީ މިއީ އިންޑިއާ އިން ދާއިމީ ގޮތެއްގައި އައްޑޫ އަށް ކާގޯ ގެންދިއުމަށްޓަކައި މި ސަރުކާރުން ކުރި މަސައްކަތް ކާމިޔާބުވެ، މި މަސައްކަތް ފެށި ފަހުން، މެދުނުކެނޑި އެ އޮޕަރޭޝަނަށް އިތުރު ކުރެވިގެން ދިޔަ ބޮޅެއް ކަމަށެވެ.
ވަޖީހު ވިދާޅުވީ މިއީ އިންޑިއާ އިން ދާއިމީ ގޮތެއްގައި އައްޑޫ އަށް ކާގޯ ގެންދިއުމަށްޓަކައި މި ސަރުކާރުން ކުރި މަސައްކަތް ކާމިޔާބުވެ، މި މަސައްކަތް ފެށި ފަހުން، މެދުނުކެނޑި އެ އޮޕަރޭޝަނަށް އިތުރު ކުރެވިގެން ދިޔަ ބޮޅެއް ކަމަށެވެ.
ކިޔުންތެރިންގެ ހިޔާލު