ރާއްޖެއަށް އެތެރެ ކުރަން އުޅުނު ނުވަ ކިލޯ އަށްވުރެ ގިނަ މަސްތުވާތަކެތި ކަސްޓަމުން އަތުލައިގެންފިއެވެ.

ކަސްޓަމުން ބުނީ މި މަހުގެ 16 އަދި 18 ވަނަ ދުވަހު ވައިގެ މަގުން ރާއްޖެއަށް އެތެރެކުރަން އުޅުނު ގިނަ އަދަދެއްގެ މަސްތުވާތަކެތި އަތުލައިގަނެފައިވާ ކަމަށާއި އޭގެ ތެރޭގައި ހެރޮއިން / ސިންތެޓިކް ކެތިނޯން / ކެނަބިސް / އެކްސްޓަސީ ހިމެނޭ ކަމަށެވެ.

މި މަސްތުވާތަކެތީގެ ތެރެއިން 3.48 ކިލޯގްރާމް ހެރޮއިން މި މަހުގެ 16 ވަނަ ދުވަހު އަތުލައިގަނެފައިވާއިރު މި މަހުގެ 18 ވަނަ ދުވަހު 582 ކިލޯގްރާމް ސިންތެޓިކް ކެތިނޯން އަދި 5210 ކިލޯގްރާމް ކެނަބިސްގެ އިތުރުން 2870 ކިލޯގްރާމް ގެ އެކްސްޓަސީ ވަނީ އަތުލައިގަނެފައެވެ.

ވައިގެ މަގުން މިމަހުގެ 16 ވަނަ ދުވަހު 3.5 ކިލޯގެ މަސްތުވާތަކެތި ރާއްޖެއަށް އެތެރެކުރަން އުޅެނިކޮށް ވެސް ކަސްޓަމުން ވަނީ އަތުލައިގަނެފައެވެ. ކަސްޓަމުން ބުނީ މިތަކެތި ރާއްޖެއަށް އައީ އެއަރކާގޯގެ ޝިޕްމެންޓަކާއި ހަމަ އެ ދުވަހު ރާއްޖެ އައި މެލޭޝިޔާގެ ފްލައިޓަކުން އައި މީހެއްގެ އަތުން ކަމަށެވެ.