އަމިއްލަ ގަޔަށް ބަޑި ޖެހުމުގެ ސަބަބުން ޒަހަމްވި ބޮލީވުޑްގެ ވެޓެރަން ތަރި ގޯވިންދާއަށް އަދިވެސް ހޮސްޕިޓަލުގައި ފަރުވާ ދެމުންދާކަމަށް މީޑިއާތަކުން ރިޕޯޓު ކޮށްފިއެވެ.

ބޮލީވުޑް ހަންގާމާގައިވާ ރިޕޯޓެއްގައި ބުނެފައިވަނީ އަމިއްލައަށް ގަޔަށް ބަޑި ޖަހައި ޒަހަމްވި ގޯވިންދާގެ ހާލު ސްޓޭބަލް ނަމަވެސް އޭނާ އަދިވެސް އޮތީ ހޮސްޕިޓަލްގައި ކަމަށާއި، ޑޮކްޓަރުން ލަފާ ކުރާ ގޮތުގައި އޭނާ ގެއަށް ފޮނުވާލެވޭ ވަރު ވާނީ އަދި ދުވަސްކޮޅަކަށް ފަހުގައި ކަމަށެވެ. ގޯވިންދާގެ ފަޔަށް ވަޒަނެއް އަރާފައިވަނީ މިދިޔަ އަންގާރަ ދުވަހު އޭނާގެ ހަތިޔާރުތައް ސާފު ކުރަން އުޅުމުގެ ތެރޭގައެވެ.

އަދި މި ހާދިޘާ ދިމާވުމާއެކު އޭނާ ހޮސްޕިޓަލަށް ގެންގޮސް ފަރުވާ ދީފައިވާއިރު، އެ ވަޒަން ނެގުމަށް ވަނީ ކަކުލުގެ ސާޖަރީއެއްވެސް ކޮށްފައެވެ. މި ހާދިޘާ ހިނގިއިރު އޭނާގެ އަންހެނުން ހުރީ ކަލްކަޓާގައި ކަމަށްވީއިރު، އޭނާވަނީ މިހަބަރު ލިބުމާއެކު މުމްބާއީ އަށް ގޮސްފައެވެ.

ރިޕޯޓުތައް ބުނާ ގޮތުގައި މި ހާދިޘާއާ ގުޅޭ ގޮތުން ގޯވިންދާ ފުލުހަށް މައްސަލަ ހުށަހަޅާފައި ނުވިނަމަވެސް އޭނާގެ ބަޑި މިހާރު ވަނީ ފުލުހުންގެ ބެލުމުގެ ދަށުގައެވެ. އަދި ފުލުހުން ވަނީ މިހާރު މި ހާދިޘާ އިތުރަށް ތަހުގީގު ކުރަން ފަށާފައި ކަމަށްވެސް ރިޕޯޓުގައި ވެއެވެ. އަދި ގޯވިންދާ އާއި އޭނާގެ އާއިލާގެ ސަލާމަތްތެރިކަމާމެދު ވިސްނައި ފުލުހުން ވަނީ ހޮސްޕިޓަލުގެ ސެކިއުރިޓީވެސް މަތިކޮށްފައެވެ.