އަށް ކޯޓަކަށް މެޖިސްޓްރޭޓުން ހޯދަން އިއުލާންކޮށްފި އެވެ.

ޖުޑީޝަލް ސާވިސް ކޮމިޝަނުން މިއަދު ކުރި އިއުލާނެއްގައި މަޖިސްޓްރޭޓުން ހޯދަން އިއުލާންކުރީ ހަތް އަތޮޅެއްގެ ރަށްތަކުގެ ކޯޓުތަކަށެވެ. އޭގެ ތެރޭގައި ހއ.ބާރަށާއި، ނ. މާފަރާއި، ބ. ކެންދޫ އާއި، ބ. ތުޅާދޫއާއި، ކ. ހިންމަފުއްޓާއި، ކ. ކާށިދޫ އާއި ލ. މާވަށާއި، ގދ. ގައްދޫ ކޯޓު ހިމެނެ އެވެ.

މެޖިސްޓްރޭޓުންނަށް މުސާރައިގެ ގޮތުގައި 26،350 ލިބިވަޑައިގަންނަވާ އިރު އެލަވަންސްތަކާއެކު 40،000 ރުފިޔާ އަށް ވުރެ ބޮޑު އަދަދެއް ލިބިވަޑައިގަންނަވަ އެވެ.

އެ މަގާމަށް ކުރިމަތިލުމުގެ ޝަރުތުތަކުގެ ތެރޭގައި އުމުރުން 25 އަހަަރުވުމާއެކު ގާނޫނީ ދާއިރާއިން ޑިޕްލޮމާ ހާސިލްކޮށްފައިވުން ހިމެނެ އެވެ. އަދި ފަނޑިޔާރުކަމުގައި ނުވަތަ ގާނޫނީ ވަކީލުކަމުގައި ނުވަތަ ޝަރުއީ ކޯޓެއްގެ ލީގަލް މަގާމެއްގައި މަދުވެގެން 2 އަހަރު ދުވަހުގެ ތަޖްރިބާ ލިބިފައިވަމަކީވެސް ޝަރުތުތަކުގެ ތެރޭގައި ހިމެނޭ ކަމެކެވެެ.

އޭގެ އިތުރުން ސުންނީ މުސްލިމަކަށް ވެފައި އެއްވެސް ސިޔާސީ ޕާޓީއެއްގައި ނުވަތަ ސިޔާސީ ކަމެއްގައި ޝާމިލުވެގެން އުޅޭ މީހަކަށް ވެގެން ނުވާނެ ކަމަށް ވެސް ޝަރުތުތަކުގެ ތެރޭގައި ހިމެނެ އެވެ. ހަަމަ އެހެންމެ އިސްލާމްދީނުގައި ހައްދެއް ކަނޑައެޅިފައިވާ ކުށެއް، ނުވަތަ ހިޔާނާތުގެ ކުށެއް، ނުވަތަ ރިޝްވަތުގެ ކުށެއް ކުރިކަން ޝަރީއަތަށް ސާބިތުވެފައިވާ މީހަކު ކަމުގައި ވެގެން ނުވާނެ ކަމަށް ވެސް ބުނެފައި ވެއެވެ.

އެ މަގާމަށް ކުރިމަތިލުމުގެ ފުުރުސަތު އަންނަ މަހުގެ 20 ވަަނަ ދުވަހާ ހަަމައަށް ވަނީ ހުޅުވާލައިފަ އެވެ.