ރަސްމީ ދަތުރުފުޅެއްގައި ނާއިބު ރައީސް ހުސެއިން މުހައްމަދު ލަތީފް ކުޅުދުއްފުއްޓަށް ފުރާވަޑައިގެންފި އެވެ.

މިއަދު ހެނދުނު ފެއްޓެވި އެ ދަތުރުފުޅުގައި ނާއިބު ރައީސާއެކު ސަރުކާރުގެ މަތީ ފަންތީގެ ވަފުދެއް ވެސް ބައިވެރިވެވަޑައިގަންނަވާ ކަމަށް ރައީސް އޮފީހުން ބުނެފައި ވެއެވެ.

ރައީސް އޮފީހުން ބުނީ ނައިބު ރައީސްގެ އެ ދަތުރުފުޅުގައި "ހަށިހެޔޮ ރާއްޖެ" ޕްރޮގްރާމް އިފްތިތާހުކޮށްދެއްވާނެ ކަމަށެވެ.

"ހަށިހެޔޮ ރާއްޖެ" ޕްރޮގުރާމަށް ލީޑަރުން ތަމްރީނުކުރުމަށްޓަކާ ހަ ޒޯނަކަށް ބަހާލައިގެން، "ލީޑިން ލީޑާރސް"ގެ ނަމުގައި ސްޕޯޓްސް މިނިސްޓްރީން އިއްޔެ ވަނީ ޕްރޮގުރާމެއް ވެސް ފަށާފަ އެވެ.

މީހުން ބިނާކުރުމާއި ތަމްރީނުކުރުމަކީ ގައުމުގެ ކުރިމަގު އުޖާލާކުރުމަށް ރައީސް ޑރ. މުހައްމަދު މުއިއްޒު ގެންގުޅުއްވާ ސިޔާސަތެކެވެ.

އެގޮތުން މިއަދު އިފްތިތާހުކުރާ "ހަށިހެޔޮ ޕްރޮގްރާމް" އަކީ ވެސް މޮޅެތި އެތުލީޓުން އުފެއްދުމާބެހޭ ދިގު ރާސްތާގެ ޕްރޮގްރާމް ފަރުމާކުރުމުގެ ސިޔާސަތުގެ ތެރެއިން ކުރިއަށް ގެންދާ ހަރަކާތެއް ކަމަށް ރައީސް އޮފީހުން ބުނެފައި ވެއެވެ.