އިސްރާއިލު ޕާސްޕޯޓް މަނާކުރުން އަވަސްކުރަން ހުށަހެޅި ގަރާރު ބޭރުކޮށްލައިފި އެވެ.

އިދިކޮޅު އެމްޑީޕީގެ ފަރާތުން ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (ކުޑޫ) ހުށަހެޅުއްވި ގަރާރަށް މިއަދު ބަހުސްކޮށް އެ ގަރާރު ބަަލައިގަތުމާމެދު މިއަދު ވަނީ ވޯޓަށް އަހައިފަ އެވެ.

ނަމަވެސް އެ ގަރާރު ބަލައިގަންނަން ވޯޓު ދެއްވީ އެންމެ 15 މެމްބަރުން ނެވެ. ނުފެންނަކަމަށް 63 މެމްބަރަކު ޥޯޓު ދެއްވި އެެވެ.

އެ ގަަރާރު ހުށަހެޅިއިރު އިދިކޮޅު އެމްޑީޕީން ސްޕޮންސާކޮށްގެން އިސްރާއިލުގެ ޕާސްޕޯޓް މަނާކުރަން ގަލޮޅު ދެކުނު ދާއިރާގެ މެމްބަރު މީކާއިލް ނަސީމް ހުށަހެޅުއްވި ބިލު މަޖިލީހުގެ ތަޅުމުން ބަލައިގަނެ މަޖިލީހުގެ 241 ކޮމިޓީއަށް މިދިޔަ ޖޫން މަހުގެ 10 ވަނަ ދުވަހު އޮތީ ފޮނުވައިފަ އެވެ. އަދި އެ ބިލު ފަސް މަސް ވަންދެން ކޮމިޓީގައި ބޭއްވުމަށް ފަހު މި މަހުގެ 12 ވަނަ ދުވަހު ވަނީ އެ ބިލުގެ މަސައްކަތް ފުރަތަމަ ފަހަރަށް ކުރިއަށް ގެންގޮސްފަ އެވެ.

އެ ދުވަހު ނިންމީ އެ ބިލުގެ މަސައްކަތް އަންނަ އަހަރުގެ ފެބްރުއަރީ މަހަށް ނިންމުމަށެވެ.

އިސްރާއިލުގެ ޕާސްޕޯޓް މަނާކުރަން ނިންމާފައިވާ ކަމަށް މިދިޔަ ޖޫން މަހު ސަރުކާރުން ވެސް އޮތީ އިއުލާންކޮށްފަ އެވެ.