އިލެކްޝަންސް ކޮމިޝަނުން ވަކިކުރަން ނިންމާފައިވާ 3 މެންބަރުންގެ މައްޗަށް އީސީގެ ޑާޓާބޭސް ވިއްކުމާއި ރީރެޖިސްޓްރޭޝަން އޮޅުވާލުން ފަދަ ބޮޑެތި ތުހުމަތުތަކެއް ކުރެވޭ ކަމަށް މިނިވަން މުއައްސަސާތަކުގެ ކޮމިޓީން ހާމަކޮށްފިއެވެ.
އިލެކްޝަންސް ކޮމިޝަނުން ވަކިކުރަން މަޖިލީހުގެ ކޮމިޓީން އިއްޔެ ނިންމާފައިވަނީ ކޮމިޝަންގެ ނައިބު ރައީސް އަލީ ނަޝާތާއި މެންބަރު މުހައްމަދު އާސިފާއި މެންބަރު ޑރ. މުހައްމަދު ޒާހިރެވެ.
މި ތިން ބޭފުޅުން ވަކިކުރަން ނިންމި ގޮތުގެ ރިޕޯޓު މިއަދުގެ މަޖިލީހުގެ ތަޅުމުގައި އިއްވާފައިވާއިރު އެބޭފުޅުންގެ މައްޗަށް 19 ތުހުމަތެއް ވަނީ ކޮށްފައެވެ.
އެގޮތުން ނިމިދިޔަ ރިޔާސީ އިންތިހާބުގައި އީސީގެ ޑޭޓާބޭސް ބޭނުންކޮށްގެން ނަޝާތު އެޕްލިކޭޝަންތައް ހަދައި، އެ އެޕްލިކޭޝަންތައް ވިއްކައި ބައެއް ސިޔާސީ ޕާޓީތަކަށް ދީފައިވާކަމަށް ތުހުމަތު ކޮށްފައިވެއެވެ. އަދި ވަކި ޕާޓީއަކަށް ރިޔާސީ އިންތިޚާބު ކާމިޔާބު ކޮށްދިނުމަށް މަސައްކަތް ކޮށްފައިވާކަމުގެ ތުހުމަތުވެސް މި ތިން ބޭފުޅުންގެ މައްޗަށް ވަނީ ކޮށްފައެވެ.
އޭގެ އިތުރުން އީސީއަށް ބޭނުންވާ އައިޓީ ސާމާނު ވަކި ވިޔަފާރި ކުންފުންޏެއް މެދުވެރިކޮށް ހޯއްދެވުމާއި ސިންގަލް ސޯސް ޕްރޮކިއުމެންޓް އުސޫލުން އެ މެންބަރުންނާ ގުޅުން އޮންނަ ވިޔަފާރިކުރާ ފަރާތެއްގެ ކުންފުނިން އީސީއަށް ބައެއް އެއްޗެހި ހޯއްދަވައި އެކަމުން ނަފާ ހޯއްދަވާފައިވާ ކަމަށް ތުހުމަތުކޮށްފައިވެއެވެ.
އަދި މުވައްޒަފުންނާ ބޭއަދަބީ ބަހުން ނައިބު ރައީސް ނަޝާތު މުއާމަލާތް ކުރަށްވާ ކަމަށާއި މުވައްޒަފުންގެ މައްޗަށް ނުފޫޒު ފޯރުވައި އީސީގެ ބިޑް ކޮމިޓީގެ މުވައްޒަފުންނަށް ބިރުދައްކައި ކޮރަޕްޝަނަށް ހިތްވަރުދެއްވާ ކަމަށްވެސް ވަނީ ތުހުމަތު ކޮށްފައެވެ.
ހަމައެހެންމެ ވަކި ސިޔާސީ ޕާޓީއެއް އުފައްދަން ސޮއިކުރި މެންބަރުންގެ ލިސްޓެއް ރައީސް އޮފީހުގެ އިސްވެރިންނަށް ފޮނުއްވައި އެ ޕާޓީ އުފެއްދުމަށް ހުރަސްއެޅުމަށް މަސައްކަތްތަކެއް ކުރެއްވި ކަމަށްވެސް ވަނީ ތުހުމަތު ކޮށްފައެވެ.
އޭގެ އިތުރުން މީގެ ކުރިންވެސް ރިޔާސީ އިންތިހާބެއްގެ ރީ-ރެޖިސްޓްރޭޝަންގައި މަކަރު ހަދައި އޮޅުވާލުމުގެ އަމަލުތަކެއް މި ތިން މެންބަރުން ކުރައްވާފައިވާ ކަމަށާއި ގަސްދުގައި ވަކި ސިޔާސީ ޕާޓީއެއް އުވާލުމަށް ވަގު ފޯމު ހެދުމުގައި އަމަލީ ގޮތުން މަސައްކަތް ކުރައްވައި އެ ޕާޓީއަށް 3،000 މެންބަރުން ހަމަވިޔަ ނުދޭން މަސައްކަތް ކުރަށްވާފައިވާ ކަމަށްވެސް ތުހުމަތު ކޮށްފައިވެއެވެ.
މީގެ އިތުރުންވެސް އީސީގެ ރަސްމީ ލިޔުންތައް އޮޅުވާލުމާއި ސެކެޓްރީ ޖެނެރަލްގެ މަގާމަށް އެކަށީގެންނުވާ ފަރާތެއް އައްޔަންކުރުމަށް ނުފޫޒު ފޯރުވުމާއި އީސީގެ ރައީސްގެ އަގުވައްޓާލުމަށް ފާޅުގައި މަސައްކަތް ކުރެއްވުމާއި ސިޔާސީ ފަރާތްތަކާ ގާތް ގުޅުންތައް ބާއްވާ ކަމަށްވެސް ވަނީ ތުހުމަތު ކޮށްފައެވެ.
އީސީގެ މެންބަރުންގެ މައްޗަށް ބޮޑެތި ތުހުމަތުތަކެއް ކޮށްފައިވާއިރު އެ ބޭފުޅުން ވަކިކުރަން މަޖިލީހުގެ ތަޅުމުގައި މިއަދު ވޯޓު ނެގުމަށް ވަނީ އެޖެންޑާކޮށްފަ އެވެ.
މި ތިން ބޭފުޅުން ވަކިކުރަން ނިންމި ގޮތުގެ ރިޕޯޓު މިއަދުގެ މަޖިލީހުގެ ތަޅުމުގައި އިއްވާފައިވާއިރު އެބޭފުޅުންގެ މައްޗަށް 19 ތުހުމަތެއް ވަނީ ކޮށްފައެވެ.
އެގޮތުން ނިމިދިޔަ ރިޔާސީ އިންތިހާބުގައި އީސީގެ ޑޭޓާބޭސް ބޭނުންކޮށްގެން ނަޝާތު އެޕްލިކޭޝަންތައް ހަދައި، އެ އެޕްލިކޭޝަންތައް ވިއްކައި ބައެއް ސިޔާސީ ޕާޓީތަކަށް ދީފައިވާކަމަށް ތުހުމަތު ކޮށްފައިވެއެވެ. އަދި ވަކި ޕާޓީއަކަށް ރިޔާސީ އިންތިޚާބު ކާމިޔާބު ކޮށްދިނުމަށް މަސައްކަތް ކޮށްފައިވާކަމުގެ ތުހުމަތުވެސް މި ތިން ބޭފުޅުންގެ މައްޗަށް ވަނީ ކޮށްފައެވެ.
އަދި މުވައްޒަފުންނާ ބޭއަދަބީ ބަހުން ނައިބު ރައީސް ނަޝާތު މުއާމަލާތް ކުރަށްވާ ކަމަށާއި މުވައްޒަފުންގެ މައްޗަށް ނުފޫޒު ފޯރުވައި އީސީގެ ބިޑް ކޮމިޓީގެ މުވައްޒަފުންނަށް ބިރުދައްކައި ކޮރަޕްޝަނަށް ހިތްވަރުދެއްވާ ކަމަށްވެސް ވަނީ ތުހުމަތު ކޮށްފައެވެ.
ހަމައެހެންމެ ވަކި ސިޔާސީ ޕާޓީއެއް އުފައްދަން ސޮއިކުރި މެންބަރުންގެ ލިސްޓެއް ރައީސް އޮފީހުގެ އިސްވެރިންނަށް ފޮނުއްވައި އެ ޕާޓީ އުފެއްދުމަށް ހުރަސްއެޅުމަށް މަސައްކަތްތަކެއް ކުރެއްވި ކަމަށްވެސް ވަނީ ތުހުމަތު ކޮށްފައެވެ.
މީގެ އިތުރުންވެސް އީސީގެ ރަސްމީ ލިޔުންތައް އޮޅުވާލުމާއި ސެކެޓްރީ ޖެނެރަލްގެ މަގާމަށް އެކަށީގެންނުވާ ފަރާތެއް އައްޔަންކުރުމަށް ނުފޫޒު ފޯރުވުމާއި އީސީގެ ރައީސްގެ އަގުވައްޓާލުމަށް ފާޅުގައި މަސައްކަތް ކުރެއްވުމާއި ސިޔާސީ ފަރާތްތަކާ ގާތް ގުޅުންތައް ބާއްވާ ކަމަށްވެސް ވަނީ ތުހުމަތު ކޮށްފައެވެ.
އީސީގެ މެންބަރުންގެ މައްޗަށް ބޮޑެތި ތުހުމަތުތަކެއް ކޮށްފައިވާއިރު އެ ބޭފުޅުން ވަކިކުރަން މަޖިލީހުގެ ތަޅުމުގައި މިއަދު ވޯޓު ނެގުމަށް ވަނީ އެޖެންޑާކޮށްފަ އެވެ.
ކިޔުންތެރިންގެ ހިޔާލު