މަޤާމުން ވަކިކުރުމަށް ވޯޓަށް އެހުމަށް ތައްޔާރުވެފައި ވަނިކޮށް އޭސީސީގެ ނައިބު ރައީސް އަބްދުއްސަލާމާއި އެ ކޮމިޝަންގެ މެންބަރު ޠާހާ މުހައްމަދު އޭސީސީން އިސްތިއުފާ ދެއްވައިފިއެވެ.
އޭސީސީގެ ނައިބުރައީސް ސަލާމާއި ޠާހާގެ މައްޗަށް ބޮޑެތި ތުހުމަތުތަކެއް ކުރެވޭތީ އެބޭފުޅުން އެ ކޮމިޝަނުން ވަކިކުރުމަށް ރައްޔިތުންގެ މަޖިލިހަށް ހުށަހެޅުމުން ދެ ބޭފުޅުންވެސް މަޤާމުން ވަކިކުރުމަށް މަޖިލިހުގެ މިނިވަން މުއައްސަސާތަކާ ބެހޭ ކޮމިޓީން އިއްޔެ ވަނީ ފާސްކޮށްފައެވެ.
ނަމަވެސް އެ ދެބޭފުޅުން މިއަދު ރައީސް އޮފީހަށް ފޮނުއްވި ސިޓީގައި ވިދާޅުވެފައިވަނީ އޭސީސީގެ މަޤާމުގެ ޒިންމާތައް މިނިވަންކަމާއި ނަޒާހަތްތެރިކަމާއެކު ޤާނޫނުއަސާސީ އަދި ޤާނޫނުގައި ބުނާގޮތަށް ތެދުވެރިކަމާއި އިހްލާސްތެރިކަމާއެކު ކުރަމުން ދަނިކޮށް، އެއްވެސް އަސާސެއް ނެތް ދޮގު ތުހުމަތުތަކެއް އެ ދެބޭފުޅުންގެ މައްޗަށް ކޮށްފައިވާ ކަމަށެވެ.
އެހެންކަމުން އޭސީސީގެ ޒިންމާތައް މިނިވަންކަމާއެކު އަދާކުރެވޭނެ މާހައުލެއް އޮތް ކަމަށް ނުފެންނާތީ އިސްތިއުފާ ދެއްވަން ނިންމެވީ ކަމަށް ސިޓީގައިވެއެވެ.
މަޖިލީހުގެ މިނިވަން މުއައްސަސާތަކާބެހޭ ކޮމިޓީން ސަލާމާއި ޠާހާގެ މައްޗަށް ކުރާ ތުހުމަތުތަކުގެ ތެރޭގައި މަޤާމުގެ މަސްއޫލިއްޔަތު އަދާކުރުމުގައި އިހުމާލުވުމާއި، މުވައްޒަފުންނާމެދު ތަފާތު ކުރެއްވުމާއި މަޤާމުގައި ތިއްބަވައިގެން ޤަވާއިދާ ޚިލާފަށް އެތައް ކަމެއް ކުރުން ހިމެނެއެވެ.
އޭގެއިތުރުން ބިންވެރިޔާ ސްކީމްގެ މައްސަލަ އިތުރަށް ތަހުގީގު ކުރުމަށް އިރުޝާދު ދީފައި ވަނިކޮށް އެ މައްސަލަ އިތުރަށް ތަހުގީގު ކުރުމަށް ފުރުސަތު ނުދީ ރައްޔިތުންގެ މަސްލަހަތު ހިމެނޭ ބޮޑު ކަމެއްގައި އަމިއްލަ މަސްލަހަތު އިސްކުރުމާއި އޭސީސީން ބަލަމުންދާ މައްސަލަތަކުގައި ވަކި ގޮތަކަށް މައްސަލަ ނިންމަން އެހެން މެންބަރުންނަށް ބާރުއެޅުމާއި ކުރީގެ ބަންޑާރަނައިބެއްގެ މައްޗަށް ތުހުމަތުކުރެވުނު މައްސަލައެއްގައި ދައުވާ ކުރެވޭ ވަރަށް ހެކި ހުރި ނަމަވެސް ދައުވާ ނުކުރެވޭނެ ކަމަށް ނިންމައި މައްސަލަ ފައިލް ކުރުންވެސް ހިމެނެއެވެ.
ސަލާމާއި ޠާހާ އޭސީސީން އިސްތިޢުފާ ދެއްވާފައިވާއިރު އެ ދެބޭފުޅުން މަޤާމުން ވަކިކުރުމަށް މިއަދުގެ ޖަލްސާގެ ވޯޓުގެ ގަޑީގައި ވޯޓަށް އަހަން ވަނީ އެޖެންޑާ ކޮށްފައެވެ.
ނަމަވެސް އެ ދެބޭފުޅުން މިއަދު ރައީސް އޮފީހަށް ފޮނުއްވި ސިޓީގައި ވިދާޅުވެފައިވަނީ އޭސީސީގެ މަޤާމުގެ ޒިންމާތައް މިނިވަންކަމާއި ނަޒާހަތްތެރިކަމާއެކު ޤާނޫނުއަސާސީ އަދި ޤާނޫނުގައި ބުނާގޮތަށް ތެދުވެރިކަމާއި އިހްލާސްތެރިކަމާއެކު ކުރަމުން ދަނިކޮށް، އެއްވެސް އަސާސެއް ނެތް ދޮގު ތުހުމަތުތަކެއް އެ ދެބޭފުޅުންގެ މައްޗަށް ކޮށްފައިވާ ކަމަށެވެ.
އެހެންކަމުން އޭސީސީގެ ޒިންމާތައް މިނިވަންކަމާއެކު އަދާކުރެވޭނެ މާހައުލެއް އޮތް ކަމަށް ނުފެންނާތީ އިސްތިއުފާ ދެއްވަން ނިންމެވީ ކަމަށް ސިޓީގައިވެއެވެ.
އޭގެއިތުރުން ބިންވެރިޔާ ސްކީމްގެ މައްސަލަ އިތުރަށް ތަހުގީގު ކުރުމަށް އިރުޝާދު ދީފައި ވަނިކޮށް އެ މައްސަލަ އިތުރަށް ތަހުގީގު ކުރުމަށް ފުރުސަތު ނުދީ ރައްޔިތުންގެ މަސްލަހަތު ހިމެނޭ ބޮޑު ކަމެއްގައި އަމިއްލަ މަސްލަހަތު އިސްކުރުމާއި އޭސީސީން ބަލަމުންދާ މައްސަލަތަކުގައި ވަކި ގޮތަކަށް މައްސަލަ ނިންމަން އެހެން މެންބަރުންނަށް ބާރުއެޅުމާއި ކުރީގެ ބަންޑާރަނައިބެއްގެ މައްޗަށް ތުހުމަތުކުރެވުނު މައްސަލައެއްގައި ދައުވާ ކުރެވޭ ވަރަށް ހެކި ހުރި ނަމަވެސް ދައުވާ ނުކުރެވޭނެ ކަމަށް ނިންމައި މައްސަލަ ފައިލް ކުރުންވެސް ހިމެނެއެވެ.
ސަލާމާއި ޠާހާ އޭސީސީން އިސްތިޢުފާ ދެއްވާފައިވާއިރު އެ ދެބޭފުޅުން މަޤާމުން ވަކިކުރުމަށް މިއަދުގެ ޖަލްސާގެ ވޯޓުގެ ގަޑީގައި ވޯޓަށް އަހަން ވަނީ އެޖެންޑާ ކޮށްފައެވެ.
ކިޔުންތެރިންގެ ހިޔާލު