މަސައްކަތް ކުރިއަށް ނުދާތީ ފެނަކައިން ވަކިކުރި ފެނާއި ނަރުދަމާގެ 19 މަޝްރޫޢު އެމްޑަބްލިއުއެސްސީ އަށް ޙަވާލު ކޮށްފައިވާ ކަމަށް ޢިމާރާތްކުރުމާއި ބިނާރާ ބެހޭ ވަޒީރު ޑރ. އަބްދުﷲ މުއްތަލިބް މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މެންބަރުންގެ ސުވާލުތަކަށް ޖަވާބު ދެއްވަމުން ވަޒީރު މުއްޠަލިބު ވިދާޅުވީ ފެނަކައާއި ޙަވާލު ކޮށްފައިވާ ފެނާއި ނަރުދަމާގެ ބައެއް މަޝްރޫޢުތައް 2023 ވަނަ އަހަރުގެ މެދުތެރެއިން ފެށިގެން ކުރިއަށް ނުދާތީ އެ ކޮންޓްރެކްޓް މިދިޔަ ޖޫން މަހު ބާތިލުކޮށްފައިވާ ކަމަށެވެ.
“އަޅުގަނޑުމެން ބޮޑު ރަސްމިއްޔާތެއް ބާއްވާފައެއް ނޫން ސޮއި ކުރީއެއް. ނަމަވެސް އެ ހުރިހާރަށެއް މިހާރުވާނީ އެމްޑަބްލިއުއެސްސީ އަށް ޙަވާލު ކޮށްފައި. އޭރުގައި އަޅުގަނޑުމެން ޓަރމިނޭޓްކުރި 19 ރަށެއް އަޅުގަނޑުމެން ސޮއިކޮށްފިން އެމްޑަބްލިއުއެސްސީ އާ އެއްކޮށް. މަސައްކަތް މޯބިލައިޒް ކުރުމަށް ވާންޖެހޭ ތައްޔާރީތައް އެމްޑަބްލިއުއެސްސީން ދަނީ ކުރަމުން.” ވަޒީރު މުއްޠަލިބު މިއަދު ވިދާޅުވިއެވެ.
އޭގެ އިތުރުން ވަޒީރު މިއަދު ވަނީ ކައުންސިލްތަކުންވެސް މަޝްރޫޢުތައް ކުރިއަށް ގެންދިއުމުގައި އެއްބާރުލުން ދެއްވުމަށް އެދިވަޑައިގެންފައެވެ. އެގޮތުން ސޮއިކޮށްފައި ހުންނަ މަޝްރޫޢުތަކުގެ ޑިޒައިނަށް ފަހުން ބަދަލު ގެނައުމަކީ ސަރުކާރާއި އެމްޓީސީއަށްވެސް ގެއްލުންވާނެ ކަމެއް ކަމަށް ވަޒީރު ވިދާޅުވިއެވެ.
އޭގެ އިތުރުން އެއީ ބަޖެޓް މެނޭޖު ކުރުމަށްވެސް ދަތިވާ ކަމެއްކަން ވަޒީރު މިއަދު ފާހަގަ ކުރެއްވިއެވެ.
ވަޒީރު މިއަދު މަޖިލީހުގައި މިހެން ވިދާޅުވެފައިވާއިރު މީގެ ކުރިން ވަޒީރު ވިދާޅުވެފައިވަނީ ފެނަކައިން ފެނާއި ނަރުދަމާގެ ޕްރޮޖެކްޓްތައް ވަކިކުރަން ނިންމީ ފެނަކައަކީ ފެނާއި ނަރުދަމާގެ ޕްރޮޖެކްޓްތައް ހިންގާނެ ކޮންޓްރެކްޓަރަކަށް ނުވާނެތީއާއި ހިދުމަތް ފޯރުކޮށްދޭ ސާވިސް ޕްރޮވައިޑަރަކަށް ވާތީ ކަމަށެވެ.
“އަޅުގަނޑުމެން ބޮޑު ރަސްމިއްޔާތެއް ބާއްވާފައެއް ނޫން ސޮއި ކުރީއެއް. ނަމަވެސް އެ ހުރިހާރަށެއް މިހާރުވާނީ އެމްޑަބްލިއުއެސްސީ އަށް ޙަވާލު ކޮށްފައި. އޭރުގައި އަޅުގަނޑުމެން ޓަރމިނޭޓްކުރި 19 ރަށެއް އަޅުގަނޑުމެން ސޮއިކޮށްފިން އެމްޑަބްލިއުއެސްސީ އާ އެއްކޮށް. މަސައްކަތް މޯބިލައިޒް ކުރުމަށް ވާންޖެހޭ ތައްޔާރީތައް އެމްޑަބްލިއުއެސްސީން ދަނީ ކުރަމުން.” ވަޒީރު މުއްޠަލިބު މިއަދު ވިދާޅުވިއެވެ.
އޭގެ އިތުރުން ވަޒީރު މިއަދު ވަނީ ކައުންސިލްތަކުންވެސް މަޝްރޫޢުތައް ކުރިއަށް ގެންދިއުމުގައި އެއްބާރުލުން ދެއްވުމަށް އެދިވަޑައިގެންފައެވެ. އެގޮތުން ސޮއިކޮށްފައި ހުންނަ މަޝްރޫޢުތަކުގެ ޑިޒައިނަށް ފަހުން ބަދަލު ގެނައުމަކީ ސަރުކާރާއި އެމްޓީސީއަށްވެސް ގެއްލުންވާނެ ކަމެއް ކަމަށް ވަޒީރު ވިދާޅުވިއެވެ.
ވަޒީރު މިއަދު މަޖިލީހުގައި މިހެން ވިދާޅުވެފައިވާއިރު މީގެ ކުރިން ވަޒީރު ވިދާޅުވެފައިވަނީ ފެނަކައިން ފެނާއި ނަރުދަމާގެ ޕްރޮޖެކްޓްތައް ވަކިކުރަން ނިންމީ ފެނަކައަކީ ފެނާއި ނަރުދަމާގެ ޕްރޮޖެކްޓްތައް ހިންގާނެ ކޮންޓްރެކްޓަރަކަށް ނުވާނެތީއާއި ހިދުމަތް ފޯރުކޮށްދޭ ސާވިސް ޕްރޮވައިޑަރަކަށް ވާތީ ކަމަށެވެ.
ކިޔުންތެރިންގެ ހިޔާލު