އައްޑޫ މީދޫ ގިރާ ސަރަޙައްދުގައި ޖިއޯބޭގްސް ޖަހާފައިވަނީ ޒިންމާދާރުކަމާއެކުގައި ނޫން ކަމަށް ޢިމާރާތްކުރުމާއި ބިނާރާ ބެހޭ ވަޒީރު ޑރ. އަބްދުﷲ މުއްޠަލިބް މިއަދު ވިދާޅުވެއްޖެއެވެ.
ރައްޔިތުންގެ މަޖިލީހުގައި މެންބަރުންގެ ސުވާލުތަކަށް ޖަވާބު ދެއްވަމުން ވަޒީރު މުއްޠަލިބު މިއަދު ވިދާޅުވީ އައްޑޫ މީދޫ ގިރާ ސަރަޙައްދަކީ ބޮޑެތި ރާޅުޖަހާ ފުއްޓަރު ސަރަޙައްދު ކަމަށެވެ. އެހެންކަމުން އެ ސަރަޙައްދުގައި ހަމައެކަނި ޖިއޯ ބޭގްސް ޖެހުމަށްފަހު ދޫކޮށްލުމަކީ ޒިންމާދާރުކަމާއެކު ކޮށްފައިވާ ކަމެއް ނޫން ކަމަށްވެސް ވަޒީރު ވިދާޅުވިއެވެ.
ވަޒީރު މިއަދު ވިދާޅުވީ އެސަރަޙައްދުގައި ޖަހަން ޖެހޭނީ ބޮޑުހިލަ ތޮއްޓެއް ކަމަށާއި އެހެންކަމުން އެކަން ރަނގަޅު ކުރުމުގެ މަސައްކަތް އެވުޒާރާއިން ކުރަމުންދާނެ ކަމަށެވެ.
“މިއީ ދަޢުލަތުގެ މުދަލަށް ގެއްލުންލިބޭފަދަ ކަންތައްތަކެއް. ރައްޔިތުންގެ މުދަލަށް ގެންލުންލިބޭފަދަ ކަންތައްތަކަށް އިސްކަންދޭ އުސޫލުން އެކަން ކުރިއަށް ގެންދާނީ.” ވަޒީރު މިއަދު ވިދާޅުވިއެވެ.
އޭގެ އިތުރުން ވަޒީރު މިއަދު ވިދާޅުވީ ބައެއް ކޮންޓެކްޓަރުން މަސައްކަތްތަކުގެ އެޑްވާންސް ޕޭމަންޓް ނެގުމަށްފަހު އެއްވެސް މަސައްކަތެއް ނުކޮށް ފިލާކަމަށްވެސް ތުހުމަތު ކުރަށްވާފައެވެ.
އަދި އެފައިސާއިން ވިޔަފާރި ކުރުމަށްފަހު އައު ޕްރޮޖެކްޓްތައް ނަންގަވަން މަސައްކަތް ކުރަށްވާ ފަރާތްތަކެއްވެސް އުޅުއްވާ ކަމަށާއި އެއީ ހިތާމަ ކުރަށްވާ ކަމެއްކަމަށް މިއަދުގެ މަޖިލީހުގެ ޖަލްސާގައި ވަޒީރު ވަނީ ވިދާޅުވެފައެވެ.
ވަޒީރު މިއަދު ވިދާޅުވީ އެސަރަޙައްދުގައި ޖަހަން ޖެހޭނީ ބޮޑުހިލަ ތޮއްޓެއް ކަމަށާއި އެހެންކަމުން އެކަން ރަނގަޅު ކުރުމުގެ މަސައްކަތް އެވުޒާރާއިން ކުރަމުންދާނެ ކަމަށެވެ.
“މިއީ ދަޢުލަތުގެ މުދަލަށް ގެއްލުންލިބޭފަދަ ކަންތައްތަކެއް. ރައްޔިތުންގެ މުދަލަށް ގެންލުންލިބޭފަދަ ކަންތައްތަކަށް އިސްކަންދޭ އުސޫލުން އެކަން ކުރިއަށް ގެންދާނީ.” ވަޒީރު މިއަދު ވިދާޅުވިއެވެ.
އަދި އެފައިސާއިން ވިޔަފާރި ކުރުމަށްފަހު އައު ޕްރޮޖެކްޓްތައް ނަންގަވަން މަސައްކަތް ކުރަށްވާ ފަރާތްތަކެއްވެސް އުޅުއްވާ ކަމަށާއި އެއީ ހިތާމަ ކުރަށްވާ ކަމެއްކަމަށް މިއަދުގެ މަޖިލީހުގެ ޖަލްސާގައި ވަޒީރު ވަނީ ވިދާޅުވެފައެވެ.
ކިޔުންތެރިންގެ ހިޔާލު