ރާއްޖޭގައި ތެލުގެ ވިޔަފާރިކުރާ ހޯކްސް ކުންފުނީގެ ތެޔޮ ބޯޓެއްގައި ވަގަށް ސިނގިރޭޓު އެތެރެކުރި މައްސަލާގައި ބާއްވާ ރައްޔިތުންގެ މަޖިލީހުގެ 241 ކޮމިޓީގެ ބައްދަލުވުން ސިއްރު ކޮށްފިއެވެ.
ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީ (241 ކޮމިޓީ)ގެ މިއަދުގެ ބައްދަލުވުމަށް ޙާޟިރު ކޮށްފައިވަނީ ދިވެހި ފުލުހުންގެ ޚިދުމަތުގެ ބޭފުޅުންނެވެ.
މިއަދުގެ ކޮމިޓީ ބައްދަލުވުން ސިއްރު ކުރުމަށް ހުށައެޅުއްވީ ތުޅާދޫ ދާއިރާގެ މެންބަރު އަބްދުލްހަންނާނު އަބޫބަކުރެވެ. އޭނާ އެގޮތަށް ހުށައެޅުއްވީ މި މައްސަލައަކީ މިހާރުވެސް ތަހުގީގު ކުރަމުންދާ މައްސަލައަކަށް ވާތީއެވެ.
މެންބަރު ހަންނާނުގެ ހުށައެޅުއްވުމަށް ތާޢީދު ކުރެއްވީ ހުޅުދޫ ދާއިރާގެ މެންބަރު މުހައްމަދު ޝާހިދެވެ. އެ ހުށަހެޅުން ފާސްކުރީ ކޮމިޓީއަށް ހާޒިރުވެ ތިއްބެވި މެންބަރުންގެ އިއްތިފާގުންނެވެ.
މީގެ ކުރިން މިމައްސަލާގައި ދާޚިލީ ވަޒީރާއި ކަސްޓަމްސް ހާޒިރުކޮށްގެން އޮކްޓޯބަރު 30ގައި ބޭއްވި ކޮމިޓީ ބައްދަލުވުން ވެސް ވަނީ ސިއްރު ކޮށްފައެވެ.
މި މައްސަލާގައި ކަސްޓަމްސުން ބުނެފައިވަނީ އޮކްޓޯބަރު 25 ގައި ހިންގި ހާއްސަ އޮޕަރޭޝަނެއްގައި ތިލަފުށިން 8475 ސިނގިރޭޓު ކާޓޫން އަތުލައިގަތް ކަމަށެވެ.
މި ސިނގިރޭޓުތައް ރާއްޖެއަށް ގެނެސްފައިވަނީ ހޯކްސް ޕްރައިވެޓް ލިމިޓެޑުގެ އެޖެންޓުކަމުގެ ދަށުން އެ ކުންފުނީގެ ތެޔޮ ބޯޓެއްގައި ކަމަށާާއި، ސިނގިރޭޓުތައް ތިލަފުއްޓަށް ގެންގޮސް އުފުލީ ހޯކްސްގެ އުޅަނދެއްގައި ކަމަށާއި މުދާ ބޭލީ ވެސް އެ ކުންފުނީގެ ގުދަނަކަށް ކަމަށް ކަސްޓަމްސުން މަޢުލޫމާތު ދީފައިވެއެވެ.
މިކަމާ ގުޅިގެން ހޯކްސްއިން ބުނީ އެ ކުންފުންޏަކީ ސިނގިރޭޓު ވިޔަފާރި ކުރާ ކުންފުންޏެއް ނޫން ކަމަށާއި މައްސަލައާ ގުޅިގެން ކުންފުނީގެ 14 މުވައްޒަފަކަށް ފިޔަވަޅު އަޅާފައިވާ ކަމަށެވެ.
މިއަދުގެ ކޮމިޓީ ބައްދަލުވުން ސިއްރު ކުރުމަށް ހުށައެޅުއްވީ ތުޅާދޫ ދާއިރާގެ މެންބަރު އަބްދުލްހަންނާނު އަބޫބަކުރެވެ. އޭނާ އެގޮތަށް ހުށައެޅުއްވީ މި މައްސަލައަކީ މިހާރުވެސް ތަހުގީގު ކުރަމުންދާ މައްސަލައަކަށް ވާތީއެވެ.
މެންބަރު ހަންނާނުގެ ހުށައެޅުއްވުމަށް ތާޢީދު ކުރެއްވީ ހުޅުދޫ ދާއިރާގެ މެންބަރު މުހައްމަދު ޝާހިދެވެ. އެ ހުށަހެޅުން ފާސްކުރީ ކޮމިޓީއަށް ހާޒިރުވެ ތިއްބެވި މެންބަރުންގެ އިއްތިފާގުންނެވެ.
މި މައްސަލާގައި ކަސްޓަމްސުން ބުނެފައިވަނީ އޮކްޓޯބަރު 25 ގައި ހިންގި ހާއްސަ އޮޕަރޭޝަނެއްގައި ތިލަފުށިން 8475 ސިނގިރޭޓު ކާޓޫން އަތުލައިގަތް ކަމަށެވެ.
މި ސިނގިރޭޓުތައް ރާއްޖެއަށް ގެނެސްފައިވަނީ ހޯކްސް ޕްރައިވެޓް ލިމިޓެޑުގެ އެޖެންޓުކަމުގެ ދަށުން އެ ކުންފުނީގެ ތެޔޮ ބޯޓެއްގައި ކަމަށާާއި، ސިނގިރޭޓުތައް ތިލަފުއްޓަށް ގެންގޮސް އުފުލީ ހޯކްސްގެ އުޅަނދެއްގައި ކަމަށާއި މުދާ ބޭލީ ވެސް އެ ކުންފުނީގެ ގުދަނަކަށް ކަމަށް ކަސްޓަމްސުން މަޢުލޫމާތު ދީފައިވެއެވެ.
މިކަމާ ގުޅިގެން ހޯކްސްއިން ބުނީ އެ ކުންފުންޏަކީ ސިނގިރޭޓު ވިޔަފާރި ކުރާ ކުންފުންޏެއް ނޫން ކަމަށާއި މައްސަލައާ ގުޅިގެން ކުންފުނީގެ 14 މުވައްޒަފަކަށް ފިޔަވަޅު އަޅާފައިވާ ކަމަށެވެ.
ކިޔުންތެރިންގެ ހިޔާލު