ޝަރީއަތަށް ސާބިތުނުވާ ކަންކަމުގެ މައްޗަށް މަޖިލީހުގެ ތަޅުމުގައި ވާހަކަ ނުދެއްކެވުމަށް 20 ވަނަ މަޖިލީހުގެ ރައީސް އަބްދުއްރަޙީމް ޢަބްދުالله އިލްތިމާސް ކުރަށްވައިފިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި އަބްދުއްރަޙީމް ވިދާޅުވީ ހީވާ ހީވުންތަކާއި ސޯޝަލްމީޑިއާގައި ފެތުރޭ ހަބަރުތަކުގެ މައްޗަށް ބިނާކޮށް މަޖިލީހުގެ ތަޅުމުގައި ވާހަކަ ދެއްކެވުމަކީ އެދެވިގެންވާ ކަމެއް ނޫންކަމަށެވެ.
“ޝަރީއަތަށް ސާބިތުނުވާ ކަންކަމުގެ މައްޗަށް ބިނާކޮށް ވާހަކަ ދެއްކުމަކީ އެއީ ކޮށްގެން ވާނެ ކަމެއް ނޫން. މިތަނުގައި އަޅުގަނޑުމެން މި މުހާތަބު ކުރަނީ ވެސް އިއްޒަތްތެރި މެންބަރު ކިޔާފައި. އެހެންވީމާ އިއްޒަތްތެރި މެންބަރުންގެ އިއްޒަތް ހިފެހެއްޓޭ ގޮތަށް ހުރިހާ މެންބަރުންގެ އަމަލުތައް ބެހެއްޓުމަށް ދަންނަވަން.” އަބްދުއްރަޙީމް ވިދާޅުވިއެވެ.
މަޖިލީސް ރައީސް މިހެން ވިދާޅުވީ މިއަދުގެ ޖަލްސާގައި ގަލޮޅު ދެކުނު ދާއިރާގެ މެންބަރު މީކާއީލް އަޙްމަދު ނަސީމް އެންސްޕާގެ ޢިމާރާތް ކުއްޔަށް ހިފުމުގައި ތުހުމަތު ކުރެވޭ ކޮރަޕްޝަންގެ ވާހަކަ ދެއްކެވުމުންނެވެ. އެ މައްސަލަ މިހާރުވަނީ އޭސީސީން ތަޙުޤީޤު ކުރަންވެސް ފަށާފައެވެ.
މަޖިލީހުގެ ރައީސް މަޖިލީހުގެ ތަޅުމުގައި މިފަދަ އިލްތިމާސެއް ކުރަށްވާފައިވާއިރު އެންސްޕާގެ އޮފީސް ހިންގުމަށް ކުއްޔަށް ހިފާފައިހުރި ތަނެއްގައި ސަރުކާރު އިސްވެރިންގެ މަސްލަހަތު ހިމެނޭ ޓީވީ ސްޓޭޝަނެއް ހިންގާ ކަމަށް ކުރެވޭ ތުހުމަތާ ގުޅިގެން މީކާއިލް މިއަދު ހުށަހެޅުއްވި ކުއްލި މައްސަލަ މަޖިލީހަށް ބަލައިގަނެފައެއް ނުވެއެވެ.
އެގޮތުން މީކާއިލްގެ ކުއްލި މައްސަލައިގައި އޮތީ، އެންސްޕާގެ އޮފީސް ހިންގުމަށް ޖޫން 25، ގައި ނެޝަނަލް ޓެންޑާ ބޯޑު މެދުވެރިކޮށް ކޮށްފައިވާ އިއުލާނާ ގުޅިގެން ބިޑު ހުށަހެޅި ފަރާތްތަކުގެ ތެރެއިން މޯލްޑިވްސް މީޑިއާ ހައުސް ޕްރައިވެޓް ލިމިޓެޑް ކިޔާ ކުންފުންޏަކަށް އެ ބިޑު އެވޯޑުކޮށް ފަސް އަހަރުދުވަހުގެ ކުލީގެ ގޮތުގައި 34.8 މިލިއަން ރުފިޔާއަށް އެ ކުންފުނީގެ އަތުން ހަތަރު ފްލޯ ކުއްޔަށް ހިފާފައިވާ ކަމަށެވެ.
އަދި އެއަށްފަހު އޭގެތެރެއިން ދެ ފްލޯއެއް މޯލްޑިވްސް މީޑިއާ ހައުސްއިން ނޮވެމްބަރު 28، ގައި ހިންގަން ފަށާފައިވާ އެމްއެމްޓީވީގެ އޮފީސް ހިންގުމަށް ކުއްޔަކާ ނުލައި އެ ކުންފުންޏަށް ދީފައިވާ ކަމަށް މީސްމީޑިއާގެ އެކި މަންސަތަކުގައި ތުހުމަތު ކުރެވެމުންދާ ކަމަށްވެސް މައްސަލާގައިވެއެވެ.
ނަމަވެސް މަޖިލީހުގެ ރައީސް ވިދާޅުވެފައިވަނީ އެމައްސަލައަކީ ރައްޔިތުންގެ މަޖިލީހުގެ ޤަވާއިދުގެ 197 ވަނަ މާއްދާާގެ ކ. ގައި ބަޔާންކުރާ ކުއްލި މައްސަލައެއްގައި ހުންނަންވާނެ ޝަރުތުތައް ފުރިހަމަނުވާ މައްސަލައެއް ކަމަށެވެ. އެހެންކަމުން މީކާއީލް ހުށައެޅުއްވި އެ މައްސަލަ ރިޔާސަތުން ބަލައިގަނެފައެއް ނުވެއެވެ.
މި މައްސަލާގައި އެންސްޕާއިން މީގެކުރިން ވަނީ ޢިމާރާތް ކުއްޔަށްހިފި މުޢާމަލާތާއި ގުޅިގެން ފަތުރަމުންދާ ޚަބަރުތައް ދޮގުކޮށްފައެވެ. އެގޮތުން އެންސްޕާގެ މުދަލާއި ފައިސާ އަދި މުވައްޒަފުން ބޭނުންކޮށްގެން ޓީވީ ޗެނަލެއް ހިންގަން އެހީތެރިވަމުން އަންނަ ކަމަށާއި، އެ ޗެނަލް ހިންގާ އިމާރާތުގެ ކުލި ދައްކަނީ އެންސްޕާ މެދުވެރިކޮށް ކަމަށްބުނެ ފަތުރާފައިވަނީ އަސްލެއް ނެތް ވާހަކަތަކެއް ކަމަށް އެންސްޕާއިން ބުނެފައިވެއެވެ.
އޭގެ އިތުރުން ޢިމާރާތް ކުއްޔަށް ހިފުމުގައި ދަޢުލަތުގެ މާލީ ވުޒާރާ ނޫން ފަރާތަކާއެކު މުޢާމަލާތެއް ކޮށްފައި ނުވާނެ ކަމަށްވެސް އެންސްޕާއިން މަޢުލޫމާތުދެއެވެ. އަދި އެއީ ކަނޑައެޅިފައިވާ އުސޫލުގެތެރެއިން ކުރެވިފައިވާ މުއާމަލާތެއް ކަމުގެ ޔަޤީންކަންވެސް އެންސްޕާއިން މީގެ ކުރިން ވަނީ ރައްޔިތުންނަށް ދީފައެވެ.
މަޢުލޫމާތު ލިބިފައިވާ ގޮތުގައި އެންސްޕާއަށް އޮފީސް އިމާރާތެއް ހޯދުމަށް އިޢުލާނު ކޮށްފައިވަނީ ޓެންޑަ ބޯޑު މެދުވެރިކޮށެވެ. އަދި އެންސްޕާގެ އޮފީސް ޢިމާރާތް ކުއްޔަށް ނަގާފައިވަނީ މަހަކަށް ބައިމިލިއަނަށްވުރެ އަގު ބޮޑުކޮށެވެ.
“ޝަރީއަތަށް ސާބިތުނުވާ ކަންކަމުގެ މައްޗަށް ބިނާކޮށް ވާހަކަ ދެއްކުމަކީ އެއީ ކޮށްގެން ވާނެ ކަމެއް ނޫން. މިތަނުގައި އަޅުގަނޑުމެން މި މުހާތަބު ކުރަނީ ވެސް އިއްޒަތްތެރި މެންބަރު ކިޔާފައި. އެހެންވީމާ އިއްޒަތްތެރި މެންބަރުންގެ އިއްޒަތް ހިފެހެއްޓޭ ގޮތަށް ހުރިހާ މެންބަރުންގެ އަމަލުތައް ބެހެއްޓުމަށް ދަންނަވަން.” އަބްދުއްރަޙީމް ވިދާޅުވިއެވެ.
މަޖިލީސް ރައީސް މިހެން ވިދާޅުވީ މިއަދުގެ ޖަލްސާގައި ގަލޮޅު ދެކުނު ދާއިރާގެ މެންބަރު މީކާއީލް އަޙްމަދު ނަސީމް އެންސްޕާގެ ޢިމާރާތް ކުއްޔަށް ހިފުމުގައި ތުހުމަތު ކުރެވޭ ކޮރަޕްޝަންގެ ވާހަކަ ދެއްކެވުމުންނެވެ. އެ މައްސަލަ މިހާރުވަނީ އޭސީސީން ތަޙުޤީޤު ކުރަންވެސް ފަށާފައެވެ.
އެގޮތުން މީކާއިލްގެ ކުއްލި މައްސަލައިގައި އޮތީ، އެންސްޕާގެ އޮފީސް ހިންގުމަށް ޖޫން 25، ގައި ނެޝަނަލް ޓެންޑާ ބޯޑު މެދުވެރިކޮށް ކޮށްފައިވާ އިއުލާނާ ގުޅިގެން ބިޑު ހުށަހެޅި ފަރާތްތަކުގެ ތެރެއިން މޯލްޑިވްސް މީޑިއާ ހައުސް ޕްރައިވެޓް ލިމިޓެޑް ކިޔާ ކުންފުންޏަކަށް އެ ބިޑު އެވޯޑުކޮށް ފަސް އަހަރުދުވަހުގެ ކުލީގެ ގޮތުގައި 34.8 މިލިއަން ރުފިޔާއަށް އެ ކުންފުނީގެ އަތުން ހަތަރު ފްލޯ ކުއްޔަށް ހިފާފައިވާ ކަމަށެވެ.
އަދި އެއަށްފަހު އޭގެތެރެއިން ދެ ފްލޯއެއް މޯލްޑިވްސް މީޑިއާ ހައުސްއިން ނޮވެމްބަރު 28، ގައި ހިންގަން ފަށާފައިވާ އެމްއެމްޓީވީގެ އޮފީސް ހިންގުމަށް ކުއްޔަކާ ނުލައި އެ ކުންފުންޏަށް ދީފައިވާ ކަމަށް މީސްމީޑިއާގެ އެކި މަންސަތަކުގައި ތުހުމަތު ކުރެވެމުންދާ ކަމަށްވެސް މައްސަލާގައިވެއެވެ.
މި މައްސަލާގައި އެންސްޕާއިން މީގެކުރިން ވަނީ ޢިމާރާތް ކުއްޔަށްހިފި މުޢާމަލާތާއި ގުޅިގެން ފަތުރަމުންދާ ޚަބަރުތައް ދޮގުކޮށްފައެވެ. އެގޮތުން އެންސްޕާގެ މުދަލާއި ފައިސާ އަދި މުވައްޒަފުން ބޭނުންކޮށްގެން ޓީވީ ޗެނަލެއް ހިންގަން އެހީތެރިވަމުން އަންނަ ކަމަށާއި، އެ ޗެނަލް ހިންގާ އިމާރާތުގެ ކުލި ދައްކަނީ އެންސްޕާ މެދުވެރިކޮށް ކަމަށްބުނެ ފަތުރާފައިވަނީ އަސްލެއް ނެތް ވާހަކަތަކެއް ކަމަށް އެންސްޕާއިން ބުނެފައިވެއެވެ.
އޭގެ އިތުރުން ޢިމާރާތް ކުއްޔަށް ހިފުމުގައި ދަޢުލަތުގެ މާލީ ވުޒާރާ ނޫން ފަރާތަކާއެކު މުޢާމަލާތެއް ކޮށްފައި ނުވާނެ ކަމަށްވެސް އެންސްޕާއިން މަޢުލޫމާތުދެއެވެ. އަދި އެއީ ކަނޑައެޅިފައިވާ އުސޫލުގެތެރެއިން ކުރެވިފައިވާ މުއާމަލާތެއް ކަމުގެ ޔަޤީންކަންވެސް އެންސްޕާއިން މީގެ ކުރިން ވަނީ ރައްޔިތުންނަށް ދީފައެވެ.
މަޢުލޫމާތު ލިބިފައިވާ ގޮތުގައި އެންސްޕާއަށް އޮފީސް އިމާރާތެއް ހޯދުމަށް އިޢުލާނު ކޮށްފައިވަނީ ޓެންޑަ ބޯޑު މެދުވެރިކޮށެވެ. އަދި އެންސްޕާގެ އޮފީސް ޢިމާރާތް ކުއްޔަށް ނަގާފައިވަނީ މަހަކަށް ބައިމިލިއަނަށްވުރެ އަގު ބޮޑުކޮށެވެ.
ކިޔުންތެރިންގެ ހިޔާލު