ގަވައިދާ ހިލާފަށް އުޅޭ ބިދޭސީންގެ މައްސަލަތައް ރިޕޯޓްކުރުމަށް އިމިގްރޭޝަނުން ތައާރަފްކުރި "އިމިގްޜޭޝަން ވޮޗް" ޕޯޓަލަށް ހުށަހެޅި މައްސަލަތަކުގެ އަދަދު 1000 އިން މައްޗަށް އަރައިފި އެވެ.

އިމިގްރޭޝަން ވޮޗް ތައާރަފްކުރީ މިދިޔަ ޖުލައި މަހު 17 ވަނަ ދުވަހުއެވެ. އެ ޕޯޓަލަށް ހުށަހެޅުނު މައްސަލަތަކުގެ ތަފްސީލު އިމިގްރޭޝަނުން މިއަދު ވަނީ އެކްސްގައި ހާމަކޮށްފަ އެވެ.

އެގޮތުން މިދިޔަ މަހުގެ 30 ވަނަ ދުވަހާ ހަަމައަށް 1017 މައްސަލަ ރިޕޯޓްކޮށްފައިވާ ކަަމަށް އިމިގްރޭޝަނުން ބުނެފައި ވެއެވެ.

އޭގެ ތެރެއިން އެންމެ ގިނައިން ރިޕޯޓްކޮށްފައިވަނީ ގަވައިދާ ހިލާފަށް ވިޔަފާރިކުރުމުގެ މައްސަަލަތަކެވެ. އެގޮތުން އެފަދަ 239 މައްސަލަ ހުށަޙަޅާފައި ވެއެވެ.

އެއަށް ފަހު ދެން އެންމެ ގިނައިން ހުށަހަޅާފައިވަނީ ހަށި ވިއްކުމުގެ މައްސަލަތަކެވެ. އެފަދަ 65 މައްސަލައެއް ހުށަހަޅާފައި ވެއެވެ.

އޭގެ އިތުރުން ބިދޭސީން ފިލުމުގެ 41 މައްސަލައަކާއި ޓޫރިސްޓް ވިސާއާ ހިލާފުވުމުގެ 14 މައްސަލައެއްވެސް ހުށަހަޅާފައި ވެއެވެ.

ބިދޭސީންގެ މައްސަަލަ ހައްލުކުރުމަށް ރެއިޑް އޮޕަރޭޝަންތައް ހިންގަމުންދާ އިރު ގަވައިދާ ހިލާފުވި 5000 އަށް ވުރެ ގިނަ ބިދޭސީން މި ސަރުކާރުން ވަނީ ޑީޕޯޓްކޮށްފަ އެވެ.