ރާއްޖެ ބަނގުރޫޓްވުމުގެ ހާލަތުން މިހާރު އޮތީ ސަލާމަތްވެފައި ކަމަށް ފިނޭންސް މިނިސްޓަރު މޫސާ ޒަމީރު ވިދާޅުވެއްޖެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރަކު ކުރެއްވި ސުވާލަކަށް ޖަވާބު ދެއްވަމުން ފިނޭންސް މިނިސްޓަރު ޒަމީރު ވިދާޅުވީ މި ސަރުކާރުން ވެރިކަމާ ހަވާލުވިއިރު 124 ބިލިއަން ރުފިޔާގެ ދަރަނި އޮތް ކަމަށާއި އޭގެ ތެރެއިން ދެ ބައިކުޅަ އެއްބައިގެ ދަރަންޏަކީ ނިމިގެން ދިޔަ އެމްޑީޕީ ސަރުކާރުގައި ނެގި ދަރަނި ކަމަށެވެ.
އަދި ލިބޭ އާމްދަނީގެ 24 ޕަސެންޓް ވަނީ ދަރަންޏަށް ހޭދަކުރަން ޖެހިފައިކަމަށް ވެސް މިނިސްޓަރު ވިދާޅުވި އެވެ.
އަދި ދައްކަން ޖެހޭ ހުރިހާ ދަރަންޏެއް ދައްކައި ރައްޔިތުންނަށް ދޭން ޖެހޭ ހުރިހާ ހިދުމަތެއް ފޯރުކޮށްދީފިނަމަ ރާއްޖެ ބަނގުރޫޓުވާނެ ކަމަށް އައިއެމްއެފުން ބުނެފައިވާކަން މިސްޓަރ ފާހަގަކުރެއްވިއެވެ.
އެހެން ނަމަވެސް ރާއްޖޭގެ އާމްދަނީ ރަނގަޅުކޮށް, ހަރަދުތައް ބަލައިގެން ކުރުމާއެކު ދައްކަންޖެހޭ ބައެއް ދަރަނިތަކުގެ މުއްދަތުތައް އިތުރުކޮށް ރަހުމަތްތެރި ގައުމުތަކާއެކު މަސައްކަތް ކުރައްވައިގެން ބަނގުރޫޓުވުމުގެ ހާލަތުން ރާއްޖެ މިހާރު ސަލާމަތްކުރެވިފައިވާ ކަމަށް މިނިސްޓަރު ވިދާޅުވި އެވެ.
"މިހާރު އަޅުގަނޑަކަށް ހިއެއް ނުވޭ އެއްވެސް ބަޔަކު (ބަނގުރޫޓުވުމުގެ) ވާހަކަ ދައްކާހެނެއް، މިސާލަކަށް އިއްޔެ އައިއެމްއެފުން ވެސް ރޭޓިން އެޖެންސީތަކުން ވާހަކަދެއްކިއިރު ވެސް ބުނެފައި ހުންނާނެ ހަރަދު ކުޑަކުރާށޭ ހަރަދު ކުޑަކުރާށޭ، އެކަމަކު ރާއްޖެ ބަނގުރޫޓުވުމާއި އިންސޯލްވެންސީއަށް ދިޔުމާ ދޭތެރޭގައި ވާހަކަދެއްކުން މިހާރު ހުއްޓިއްޖެ." މިނިސްޓަރު ވިދާޅުވި އެވެ.
އަދި ލިބޭ އާމްދަނީގެ 24 ޕަސެންޓް ވަނީ ދަރަންޏަށް ހޭދަކުރަން ޖެހިފައިކަމަށް ވެސް މިނިސްޓަރު ވިދާޅުވި އެވެ.
އަދި ދައްކަން ޖެހޭ ހުރިހާ ދަރަންޏެއް ދައްކައި ރައްޔިތުންނަށް ދޭން ޖެހޭ ހުރިހާ ހިދުމަތެއް ފޯރުކޮށްދީފިނަމަ ރާއްޖެ ބަނގުރޫޓުވާނެ ކަމަށް އައިއެމްއެފުން ބުނެފައިވާކަން މިސްޓަރ ފާހަގަކުރެއްވިއެވެ.
"މިހާރު އަޅުގަނޑަކަށް ހިއެއް ނުވޭ އެއްވެސް ބަޔަކު (ބަނގުރޫޓުވުމުގެ) ވާހަކަ ދައްކާހެނެއް، މިސާލަކަށް އިއްޔެ އައިއެމްއެފުން ވެސް ރޭޓިން އެޖެންސީތަކުން ވާހަކަދެއްކިއިރު ވެސް ބުނެފައި ހުންނާނެ ހަރަދު ކުޑަކުރާށޭ ހަރަދު ކުޑަކުރާށޭ، އެކަމަކު ރާއްޖެ ބަނގުރޫޓުވުމާއި އިންސޯލްވެންސީއަށް ދިޔުމާ ދޭތެރޭގައި ވާހަކަދެއްކުން މިހާރު ހުއްޓިއްޖެ." މިނިސްޓަރު ވިދާޅުވި އެވެ.
ކިޔުންތެރިންގެ ހިޔާލު