ރައީސް ޑރ. މުޙައްމަދު މުޢިއްޒު މިއަހަރުގެ ޖެނުއަރީމަހު ޗައިނާއަށް ކުރެއްވި ފުރަމަނާ ދަތުރުފުޅަށްފަހު ރާއްޖެއާއި ޗައިނާގެ ގުޅުމަށް އިތުރު ބަދަހިކަމެއް އައިސްފައިވާ ކަމަށް ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ވާންގް ލިޒިން މިއަދު ވިދާޅުވެއްޖެއެވެ.
ސަފީރު ވާންގް ލިޒިން މިހެން ވިދާޅުވީ އެކަމަނާގެ ސަފީފުކަމުގެ ދައުރު ހަމަވުމާއި ގުޅިގެން މީސްމީޑިއާގައި މިއަދު ޙިއްސާކުރެއްވި ވަދާޢީ މެސެޖުގައެވެ.
ޗައިނާ ސަފީރުގެ ވަދާޢީ މެސެޖުގައި ވިދާޅުވީ ރާއްޖެއާއި ޗައިނާގެ ގުޅުން މިހާރު އައު ހަރުފަތަކަށް ގޮސްފައިވާ ކަމަށާއި ދެ ޤައުމުގެ ވެރިންގެ އިރުޝާދާއެކު މި ގުޅުން އިތުރަށް ވަރުގަދަވެގެންދާނެ ކަމަށް އުންމީދުކުރައްވާ ކަމަށެވެ. އަދި ޗައިނާއާއި ރާއްޖޭގެ ގުޅުމުގެ ކުރިމަގު އޮތީ ވަރަށް އުޖާލާކޮށް ކަމަށާއި ދެޤައުމުގެ ގުޅުން އިތުރަށް ބަދަހިވަމުންދާ މަންޒަރު ފެނުމަކީ ލިބުނު ވަރަށް ބޮޑު އުފަލެއް ކަމަށް ސަފީރު ވިދާޅުވެފައިވެއެވެ.
ޗައިނާ އާއި ރާއްޖޭގެ ގުޅުން ބަދަހިވެފައިވާ މިންވަރުގެ މައްޗަށް އަލިއަޅުއްވާ ލައްވަމުން ސަފީރު ވިދާޅުވީ، ވިލިމާލޭގައި ތަރައްޤީކުރާ 100 އެނދުގެ ހޮސްޕިޓަލުގެ މަޝްރޫޢާއި މާލޭގެ މަގުތައް ޒަމާނީ ފެންވަރަށް ތަރައްޤީކުރުމުގެ މަޝްރޫޢު ހަލުވި ދުވެލީގައި ކުރިއަށްދާނެ ކަމަށެވެ. އަދި ފަތުރުވެރިކަމާއި، ދަނޑުވެރިކަމާއި މަސްވެރިކަމުގެ ދާއިރާއިން ކުރެވޭ މަސައްކަތްތައްވެސް ސަފީރު ފާހަގަކުރެއްވިއެވެ.
ހަމައެއާއެކު ސަފީރު ވަނީ ކުރިމަގުގައިވެސް ދެގައުމުގެ ގުޅުމަށް އިތުރު އާރޯކަން ލިބިގެންދާނެކަމަށް ޔަޤީންކުރަށްވާ ކަމަށް ވިދާޅުވެފައެވެ.
ސަފީރުގެ މެސެޖުގައި، 2022 ވަނަ އަހަރު ޗައިނާއާއި ރާއްޖޭގެ ގުޅުމަށް 50 އަހަރު ފުރުނުކަން ފާހަގަކުރެއްވިއެވެ. އަދި މިއަހަރަކީ ޗައިނާގެ ރައީސް ޝީ ޖިންޕިން ރާއްޖެއަށް ކުރެއްވި ފުރަމާނަ ދަތުރުފުޅަށް 10 އަހަރު ފުރޭ އަހަރުކަން ފާހަގަކުރައްވައި، އެ ދަތުރުފުޅުގެ ތެރެއިން ސިނަމާލެ ބްރިޖުގެ މަސައްކަތާއި، ވެލާނާ އިންޓަރނޭޝަނަލް އެއާޕޯޓު ތަރައްޤީކުރުމުގެ މަޝްރޫޢު ފެށުނު ކަމަށް ވިދާޅުވިއެވެ.
އޭގެ އިތުރުން އެކަމަނާގެ ސަފީރުކަމުގެ ދައުރުގައި ރާއްޖެއިން ލިބުނު އެއްބާރުލުމަށް ސަފީރު ވާންގް ލިޒިން ވަނީ ޝުކުރު އަދާކުރަށްވާފައެވެ.
ޗައިނާ ސަފީރުގެ ވަދާޢީ މެސެޖް މީސްމީޑިއާ މެދުވެރިކުރަށްވައި ޙިއްސާ ކުރަށްވާފައިވާއިރު މިދިޔަ އަންގާރަ ދުވަހު ސަފީރު ވާންގް ލިޒިން ވަނީ ރައީސް ޑރ. މުހައްމަދު މުއިއްޒުގެ އަރިހަށް ވަދާޢީ ޒިޔާރަތް ކުރަށްވާފައެވެ.
ޗައިނާ ސަފީރު ވާންގް ލިޒިންގެ ސަފީރުކަމުގެ މަގާމަށް ވަޑައިގެންނެވީ 3 އަހަރުގެ ދައުރަކަށް ސެޕްޓެމްބަރު 6، 2021 ގައެވެ.
ޗައިނާ ސަފީރުގެ ވަދާޢީ މެސެޖުގައި ވިދާޅުވީ ރާއްޖެއާއި ޗައިނާގެ ގުޅުން މިހާރު އައު ހަރުފަތަކަށް ގޮސްފައިވާ ކަމަށާއި ދެ ޤައުމުގެ ވެރިންގެ އިރުޝާދާއެކު މި ގުޅުން އިތުރަށް ވަރުގަދަވެގެންދާނެ ކަމަށް އުންމީދުކުރައްވާ ކަމަށެވެ. އަދި ޗައިނާއާއި ރާއްޖޭގެ ގުޅުމުގެ ކުރިމަގު އޮތީ ވަރަށް އުޖާލާކޮށް ކަމަށާއި ދެޤައުމުގެ ގުޅުން އިތުރަށް ބަދަހިވަމުންދާ މަންޒަރު ފެނުމަކީ ލިބުނު ވަރަށް ބޮޑު އުފަލެއް ކަމަށް ސަފީރު ވިދާޅުވެފައިވެއެވެ.
It is indeed a great honor for me to serve as the Chinese Ambassador to such a beautiful and friendly country. I feel reluctant but have to bid farewell to all Maldivian friends!
— Ambassador Wang Lixin (@China_Amb_Mdv) December 5, 2024
Over the past three years and 3.5 months, I am very pleased to have witnessed the important… pic.twitter.com/ll3LyJE84a
ޗައިނާ އާއި ރާއްޖޭގެ ގުޅުން ބަދަހިވެފައިވާ މިންވަރުގެ މައްޗަށް އަލިއަޅުއްވާ ލައްވަމުން ސަފީރު ވިދާޅުވީ، ވިލިމާލޭގައި ތަރައްޤީކުރާ 100 އެނދުގެ ހޮސްޕިޓަލުގެ މަޝްރޫޢާއި މާލޭގެ މަގުތައް ޒަމާނީ ފެންވަރަށް ތަރައްޤީކުރުމުގެ މަޝްރޫޢު ހަލުވި ދުވެލީގައި ކުރިއަށްދާނެ ކަމަށެވެ. އަދި ފަތުރުވެރިކަމާއި، ދަނޑުވެރިކަމާއި މަސްވެރިކަމުގެ ދާއިރާއިން ކުރެވޭ މަސައްކަތްތައްވެސް ސަފީރު ފާހަގަކުރެއްވިއެވެ.
ހަމައެއާއެކު ސަފީރު ވަނީ ކުރިމަގުގައިވެސް ދެގައުމުގެ ގުޅުމަށް އިތުރު އާރޯކަން ލިބިގެންދާނެކަމަށް ޔަޤީންކުރަށްވާ ކަމަށް ވިދާޅުވެފައެވެ.
ސަފީރުގެ މެސެޖުގައި، 2022 ވަނަ އަހަރު ޗައިނާއާއި ރާއްޖޭގެ ގުޅުމަށް 50 އަހަރު ފުރުނުކަން ފާހަގަކުރެއްވިއެވެ. އަދި މިއަހަރަކީ ޗައިނާގެ ރައީސް ޝީ ޖިންޕިން ރާއްޖެއަށް ކުރެއްވި ފުރަމާނަ ދަތުރުފުޅަށް 10 އަހަރު ފުރޭ އަހަރުކަން ފާހަގަކުރައްވައި، އެ ދަތުރުފުޅުގެ ތެރެއިން ސިނަމާލެ ބްރިޖުގެ މަސައްކަތާއި، ވެލާނާ އިންޓަރނޭޝަނަލް އެއާޕޯޓު ތަރައްޤީކުރުމުގެ މަޝްރޫޢު ފެށުނު ކަމަށް ވިދާޅުވިއެވެ.
އޭގެ އިތުރުން އެކަމަނާގެ ސަފީރުކަމުގެ ދައުރުގައި ރާއްޖެއިން ލިބުނު އެއްބާރުލުމަށް ސަފީރު ވާންގް ލިޒިން ވަނީ ޝުކުރު އަދާކުރަށްވާފައެވެ.
ޗައިނާ ސަފީރު ވާންގް ލިޒިންގެ ސަފީރުކަމުގެ މަގާމަށް ވަޑައިގެންނެވީ 3 އަހަރުގެ ދައުރަކަށް ސެޕްޓެމްބަރު 6، 2021 ގައެވެ.
ކިޔުންތެރިންގެ ހިޔާލު