ރައްޔިތުންނަށް ދެރަ ދިނުމުން ރައީސް މުހައްމަދު އަމީނަށް ހެދިގޮތް ރައީސް ޑރ. މުހައްމަދު މުއިއްޒަށް ވެސް ހަދަން ޖެހޭ ކަމަށް ބުނެ އެމްޑީޕީގެ އެކި ޕޯޑިއަމްތަކުގައި ދެއްކި ވާހަކައާ ގުޅޭ ކުއްލި މައްސަލައެއް ރައްޔިތުންގެ މަޖިލީހަށް ހުށަހަޅައިފިއެވެ.
އެ ވާހަކަތައް ކުޅުދުއްފުށި ސިޓީގައި އެމްޑީޕީން ބޭއްވި ޖަލްސާއެއްގައި މީހަކު ދެއްކި އިރު އިއްޔެ އެމްޑީޕީގެ ޗެއާޕާސަން ފައްޔާޒު އިސްމާއީލް ވެސް ހަމަ އެފަދައިން ވާހަކަ ދައްކަވައިފައެވެ.
އެހެންވެ އެ މައްސަލައިގައި މިއަދު މިލަންދޫ ދާއިރާގެ ޕީއެންސީގެ މެންބަރު ހަސަން މުފީދު މިއަދު ވަނީ މަޖިލީހަށް ކުއްލި މައްސަލައެއް ހުށަހަޅުއްވައިަފ އެވެ.
އެ މައްސަލަ ހުށަހަޅުއްވަމުން މުފީދު ވިދާޅުވީ ރައީސް ޑރ. މުހައްމަދު މުއިއްޒަކީ ވަރަށް ތަނަވަސް އަގުލަބިއްޔަތަކުން ރައްޔިތުން ހޮވާފައި ހުންނެވި ވެރިއެއް ކަމަށާއި އަދި އެމަނިކުފާނުގެ ދައުރު ނިމޭނެ ހިސާބު ޖުމްހޫރިއްޔާގެ ގާނޫނުއަސާސީގައި އޮތީ ބަޔާންކޮށްފައި ކަމަށެވެ.
އެހެން ނަމަވެސް ރައީސް މުއިއްޒުއަށް ހަދަން ޖެޙޭނީ އަމީންއަށް ހެދިގޮތް ކަމަށް ދެއްކި ވާހަކަތަކަށް އިޝާރާތް ކުރައްވައި މުފީދު ވިދާޅުވީ ޓެރަރިޒަމް މަނާކުރާ ގާނޫނުގެ ދަށުން ސީދާ ގޮތުންނާއި ނުސީދާ ގޮތުންވެސް ޓެރަރިޒަމްގެ އަމަލެއް ކުރުމަށް ހިތްވަރުދިނުމަކީ ކުށެއް ކަމަށް އޮތީ ބަޔާންކޮށްފައި ކަމަށެވެ.
އެހެންކަމުން ރައީސް މުއިއްޒަށް ހަދަން ޖެހޭނީ އަމީނަށް ހެދިގޮތް ކަމަށް ބުނެ ދައްކާފައިވާ ވާހަކަތަކަކީ ސިޔާސީ ފިކުރެއް ކުރިއަރުވައި އަދި އާންމުންގެ މެދުގައި ބިރުވެރިކަން އުފެއްދުމަށް ދެއްކި ވާހަކަތަކެއް ކަމަށް އޭނާ ވިދާޅުވިއެވެ. ހަމަ އެހެންމެ އެއީ އެހެން މީހެއްގެ ފުރާނައަށް ނުރައްކަލެއް ކުރިމަތިކުރުވުމުގެ މަގުސަދުގައި ދައްކާފައިވާ ވާހަކަތަކެއް ކަމަށް ވެސް އޭނާ ވިދާޅުވިއެވެ.
އެކަން ސަރުކާރުގެ ސަމާލުކަމަށް ގެނެސް ފިޔަވަޅު އެޅުމަށް ކުއްލި އެ މައްސަލައިގައި މުފީދު ގޮވާލެއްވިއެވެ.
އެ މައްސަލަ މަޖިލީހުން މިއަދު ބަލައިގަތީ 44 މެންބަރުންގެ ވޯޓާއެކުއެވެ. ނުފެންނަ ކަމަށް އަށް މެންބަރަކު ވޯޓު ދެއްވިއެވެ.
އެހެންވެ އެ މައްސަލައިގައި މިއަދު މިލަންދޫ ދާއިރާގެ ޕީއެންސީގެ މެންބަރު ހަސަން މުފީދު މިއަދު ވަނީ މަޖިލީހަށް ކުއްލި މައްސަލައެއް ހުށަހަޅުއްވައިަފ އެވެ.
އެ މައްސަލަ ހުށަހަޅުއްވަމުން މުފީދު ވިދާޅުވީ ރައީސް ޑރ. މުހައްމަދު މުއިއްޒަކީ ވަރަށް ތަނަވަސް އަގުލަބިއްޔަތަކުން ރައްޔިތުން ހޮވާފައި ހުންނެވި ވެރިއެއް ކަމަށާއި އަދި އެމަނިކުފާނުގެ ދައުރު ނިމޭނެ ހިސާބު ޖުމްހޫރިއްޔާގެ ގާނޫނުއަސާސީގައި އޮތީ ބަޔާންކޮށްފައި ކަމަށެވެ.
އެހެން ނަމަވެސް ރައީސް މުއިއްޒުއަށް ހަދަން ޖެޙޭނީ އަމީންއަށް ހެދިގޮތް ކަމަށް ދެއްކި ވާހަކަތަކަށް އިޝާރާތް ކުރައްވައި މުފީދު ވިދާޅުވީ ޓެރަރިޒަމް މަނާކުރާ ގާނޫނުގެ ދަށުން ސީދާ ގޮތުންނާއި ނުސީދާ ގޮތުންވެސް ޓެރަރިޒަމްގެ އަމަލެއް ކުރުމަށް ހިތްވަރުދިނުމަކީ ކުށެއް ކަމަށް އޮތީ ބަޔާންކޮށްފައި ކަމަށެވެ.
އެހެންކަމުން ރައީސް މުއިއްޒަށް ހަދަން ޖެހޭނީ އަމީނަށް ހެދިގޮތް ކަމަށް ބުނެ ދައްކާފައިވާ ވާހަކަތަކަކީ ސިޔާސީ ފިކުރެއް ކުރިއަރުވައި އަދި އާންމުންގެ މެދުގައި ބިރުވެރިކަން އުފެއްދުމަށް ދެއްކި ވާހަކަތަކެއް ކަމަށް އޭނާ ވިދާޅުވިއެވެ. ހަމަ އެހެންމެ އެއީ އެހެން މީހެއްގެ ފުރާނައަށް ނުރައްކަލެއް ކުރިމަތިކުރުވުމުގެ މަގުސަދުގައި ދައްކާފައިވާ ވާހަކަތަކެއް ކަމަށް ވެސް އޭނާ ވިދާޅުވިއެވެ.
އެ މައްސަލަ މަޖިލީހުން މިއަދު ބަލައިގަތީ 44 މެންބަރުންގެ ވޯޓާއެކުއެވެ. ނުފެންނަ ކަމަށް އަށް މެންބަރަކު ވޯޓު ދެއްވިއެވެ.
ކިޔުންތެރިންގެ ހިޔާލު