އިމިގްރޭޝަނުން އިއްޔެ ހުޅުމާލޭގެ ދެވަނަ ފިޔަވަހީގެ ހިޔާ ފުލެޓުތަކުގައި ހިންގަމުންދާ ވިޔަފާރިތަކެއް ފާސްކޮށް ގަވާޢިދާ ޚިލާފަށް އުޅޭ ދެ ބިދޭސީއަކު އަތުލައިގެންފިއެވެ.

އިމިގްރޭޝަނުން މިއަދު ބުނީ އެ ރެއިޑްގައި 13 ތަނެއް ބަލައި ފާސްކޮށް، ގަވައިދާ ޚިލާފަށް އުޅޭ ތިން ބިދޭސީއަކު އެއިދާރާގެ ބެލުމުގެ ދަށަށް ގެންގޮސްފައިވާ ކަމަށެވެ.

އިއްޔެގެ އޮޕަރޭޝަންގައި 8 ފިހާރަ އާއި، 4 ކެފޭ، ރެސްޓޯރަންޓު، ބޭކަރީ އަދި ސެލޫނެއް ބަލައި ފާސްކޮށްފައިވާ ކަމަށް އިމިގްރޭޝަނުން މަޢޫލޫމާތު ދީފައިވެއެވެ. އަދި އޭގެ ތެރެއިން ދެ ތަނެއްގައި ގަވާއިދާ ޚިލާފަށް މަސައްކަތް ކުރަމުންދިޔަ ތިން މީހަކު އިމިގްރޭޝަންގެ ބެލުމުގެ ދަށަށް ގެންގޮސްފައިވެއެވެ.

ހުޅުމާލޭ ފޭސް 2ގެ ހިޔާ ފުލެޓުތަކުގައި ހިންގަމުންދާ ވިޔަފާރިތަކަށް ހާއްސަކޮށް އިއްޔެ ވަނީ ރެއިޑު އޮޕަރޭޝަނެއް ހިންގާފައި. އެގޮތުން 08 ފިހާރަ، 04 ކެފޭ/ރެސްޓޯރަންޓު/ބޭކަރީ އަދި 01 ސެލޫން ބަލައި ފާސްކޮށްފައިވޭ. މީގެތެރެއިން ދެ ތަނެއްގައި ގަވާއިދާ ހިލާފަށް މަސައްކަތް ކުރަމުންދިއަ 03… pic.twitter.com/dWyO3wHO9B

— Maldives Immigration (@ImmigrationMV) December 22, 2024

އިމިގްރޭޝަނުން ޤަވާއިދާ ޚިލާފަށް އުޅެމުންދިޔަ 3 ބިދޭސީން އިއްޔެ އަތުލައިގެންފައިވާއިރު ރާއްޖޭގައި ގަވާއިދާ ހިލާފަށް އުޅެމުންދާ ބިދޭސީން ހޯދުމަށް ސަރުކާރުގެ އިދާރާތަކާ އިމިގްރޭޝަނާ ގުޅިގެން ހިންގަމުންދާ ރެއިޑު ތަކުން އަތުލައިގަނެވޭ މީހުންނާމެދު އިމިގްރޭޝަނުން ދަނީ ހަރުކަށި ފިޔަވަޅުތައް އަޅަމުންނެވެ.

އެގޮތުން މިއަހަރުގެ މިހާތަނަށް ވަނީ ގަވާއިދާ ހިލާފަށް އުޅެމުންދިޔަ 5000 އަށްވުރެ ގިނަ ބިދޭސީން ޑީޕޯޓު ކޮށްފައެވެ.