ޚަބަރު

Share

ފޭސް 2 ގައި ގަވާއިދާ ހިލާފަށް އުޅެމުންދިޔަ 04 ބިދޭސީއަކު އަތުލައިގެންފި

މަރްޔަމް ނަހްދާ ވަޙީދު   23 ޑިސެމްބަރު 2024 - 18:57
ހުޅުމާލެ ފޭސް 2 ގައި އިމިގްރޭޝަނުން ހިންގި ރެއިޑު އޮޕަރޭޝަންގެ ތެރެއިން: ފޮޓޯ، އިމިގްރޭޝަން
ހުޅުމާލެ ފޭސް 2 ގައި އިމިގްރޭޝަނުން ހިންގި ރެއިޑު އޮޕަރޭޝަންގެ ތެރެއިން: ފޮޓޯ، އިމިގްރޭޝަން
ހުޅުމާލެ ފޭސް 2 ގައި ގަވާއިދާ ހިލާފަށް އުޅެމުންދިޔަ 4 ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެސްފި އެވެ.

އިމިގްރޭޝަނުން މިއަދު އެކްސްގައި ހިއްސާ ކުރި ޕޯސްޓެއްގައި ބުނެފައިވަނީ ހުޅުމާލޭ ފޭސް 2 ގައި ހިންގަމުންދާ ވިޔަފާރިތަކަށް ހާއްސަކޮށްގެން އިއްޔެގެ ވަގުތެއްގައި ރެއިޑު އޮޕަރޭޝަންތަކެއް ހިންގާފައިވާ ކަމަށެވެ.

އަދި މި އޮޕަރޭޝަންތަކުގެ ދަށުން 26 ތަނެއް ބަލާ ފާސްކޮށް، ގަވާއިދާ ހިލާފަށް އުޅެމުންދިޔަ 04 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށް އެ އިދާރާއިން ވަނީ ބުނެފައެވެ.



ރާއްޖޭގައި ގަވާއިދާ ހިލާފަށް އުޅެމުންދާ ބިދޭސީން ހޯދުމަށް ސަރުކާރުން ކުރަމުންދާ މަސައްކަތުގެ ދަށުން އަތުލައިގަނެވޭ ބިދޭސީންނާމެދު އިމިގްރޭޝަނުން ދަނީ ހަރުކަށި ފިޔަވަޅު އަޅަމުންނެވެ.

އެގޮތުން މިއަހަރުގެ މިހާތަނަށް ގަވާއިދާ ހިލާފަށް އުޅެމުންދިޔަ 5000 އަށްވުރެ ގިނަ ބިދޭސީން ވަނީ ރާއްޖެ އަނބުރާ ނާދެވޭހެން ޑީޕޯޓު ކޮށްފައެވެ.

ބިދޭސީން އިމިގްރޭޝަން

މި ލިޔުމާ ގުޅޭ

Ad
Ad
Share

ކިޔުންތެރިންގެ ހިޔާލު



Ad

ފަހުގެ ލިޔުންތައް

Ad

ޓްރެންޑިން

Ad
Ad