ހުޅުމާލޭގައި ސައްހަ ވިސާއެއް ނެތި މަސައްކަތް ކުރަމުންދިޔަ 08 ބިދޭސީއަކު އަތުލައިގެންފިއެވެ.

އިމިގްރޭޝަނުން މިއަދު އެކްސްގައި ހިއްސާ ކުރި ޕޯސްޓެއްގައި ބުނެފައިވަނީ ހުޅުމާލެ ފޭސް 1 އަދި 2 ގެ އެކި ސަރަހައްދުތަކުގައި ގަވާއިދާ ހިލާފަށް ވެހިކަލް ދޮވެ ސާފު ކުރުމުގެ މަސައްކަތް ކުރަމުންދާ ބިދޭސީންނަށް އަމާޒުކޮށް އިއްޔެ ރެއިޑު އޮޕަރޭޝަންތަކެއް ހިންގާފައިވާ ކަމަށެވެ.

އަދި މި ރެއިޑު ތަކުގައި ސައްހަ ވިސާއެއް ނެތި މަސައްކަތް ކުރަމުން ދިޔަ 08 ބިދޭސީއަކު ދެނެގަނެވިފައިވާ ކަމަށް އިމިގްރޭޝަނުން ވަނީ ބުނެފައެވެ. އަދި މިހާރު އެމީހުން ވަނީ އެ އިދާރާގެ ބެލުމުގެ ދަށަށް ގެންގޮސްފައި ކަަމަށްވެސް އިމިގްރޭޝަނުން ވަނީ ބުނެފައެވެ.

ހުޅުމާލޭގެ ފޭސް 1 އަދި 2ގެ އެކި ސަރަހައްދުތަކުގައި ގަވާއިދާ ހިލާފަށް ވެހިކަލް ދޮވެ ސާފުކުރުމުގެ މަސައްކަތް ކުރަމުންދާ ބިދޭސީންނަށް އަމާޒުކޮށް އިއްޔެ ވަނީ ރެއިޑު އޮޕަރޭޝަނެއް ހިންގާފައި. އެގޮތުން ސައްހަ ވިސާއެއް ނެތް 08 ބިދޭސީއަކު ވަނީ އިމިގްރޭޝަންގެ ބެލުމުގެ ދަށަށް ގެނެވިފައި. pic.twitter.com/EzVTRixd6M

— Maldives Immigration (@ImmigrationMV) December 24, 2024

ރާއްޖޭގައި ގަވާއިދާ ހިލާފަށް އުޅޭ ބިދޭސީން ހޯދުމަށް އިމިގްރޭޝަނުން ކުރަމުންދާ މަސައްކަތުން މިހާތަނަށް ވަނީ އެފަފަ 5000 އަށް ވުރެ ގިނަ ބިދޭސީން އަތުލައިގެންފައެވެ.

އަދި އެމީހުންނާ މެދު އިމިގްރޭޝަނުން ދަނީ ހަރުކަށި ފިޔަވަޅު އަޅަމުންނެވެ. އެގޮތުން މިހާތަނަށް ހޯދުނު ބިދޭސީން ވަނީ ރާއްޖެ އަނބުރާ ނާދެވޭހެން ޑީޕޯޓު ކޮށްފައެވެ.