ޚަބަރު

Share

މޫސުން ގޯސްވާނެކަމަށް ލަފާކޮށް ނ. އަތޮޅުން ފެށިގެން ދ. އަތޮޅަށް ހުދު ސަމާލު

އަހުމަދު ޝާހް   18 ޖެނުއަރީ 2025 - 12:45
ވިއްސާރަ ވިލާގަނޑެއް | ފޮޓޯ: އާޡިމް
ވިއްސާރަ ވިލާގަނޑެއް | ފޮޓޯ: އާޡިމް
މޫސުން ގޯސްވާނެކަމަށް ލަފާކޮށް ނ. އަތޮޅުން ފެށިގެން ދ. އަތޮޅަށް ހުދު ސަމާލު ނެރެފިއެވެ.

މޫސުމާ ބެހޭ ގައުމީ އިދާރާއިން ނ. އަތޮޅުން ފެށިގެން ދ. އަތޮޅާ ހަމައަށް ހުދު ސަމާލު ނެރެފައިވަނީ މިއަދު 12:30 އިން 18:30 ގެ ނިޔަލަށެވެ.

މޫސުމާ ބެހޭ ގައުމީ އިދާރާއިން ލަފާކޮށްފައިވަނީ މި ވަގުތުތަކުގައި އެ ސަރަހައްދުތަކަށް 24 މޭލަށް ގަދަވުމުގެ އިތުރުން ކަނޑުތައްވެސް ގަދަވާނެ ކަމަށެވެ.

މެޓް އޮފީހުން މިއަދު ވަނީ ތ. އަތޮޅުން ފެށިގެން ގދ. އަތޮޅަށް ރީނދޫ ސަމާލުވެސް ނެރެފައެވެ. އަދި އެ ސަރަހައްދުތަކަށް ބޯކޮށް ވާރޭވެހި، ގުގުރުމާއެކު ވިލާގަނޑުގައި ވައި 40 މޭލަށް ގަދަވުމުގެ އިތުރުން ކަނޑުތައްވެސް ގަދަވާނެ ކަމަށް މެޓް އޮފީހުން ނެރެފައިވާ އެލާޓްގައިވެއެވެ.

ރާއްޖެއަށް މިހާރު ކުރަމުންދާ ވިއްސާރައަކީ މިދިޔަ އާދީއްތަ ދުވަހުން ފެށިގެން ލަންކާ ސަރަހައްދުގައި އުފެދުނު ކޮޅިގަނޑެއްގެ ސަބަބުން ކުރަމުންދާ ވިއްސާރައެއްކަމަށް މޫސުމާ ބެހޭ ގައުމީ އިދާރާއިން ވަނީ ބުނެފައެވެ.

މޫސުން

މި ލިޔުމާ ގުޅޭ

Ad
Ad
Share

ކިޔުންތެރިންގެ ހިޔާލު



Ad

ފަހުގެ ލިޔުންތައް

Ad

ޓްރެންޑިން

Ad
Ad