އިޒްރޭލުން ޣައްޒާއަށް ދެމުންއައި ނިރުބަވެރި ހަމަލާތައް މެދުކަނޑާލައި، އެ ހަމަލާތައް ހުއްޓުމަން އެކުލަވާލި އެއްބަސްވުމަށް އަމަލު ކުރަން ފަށައިފިއެވެ.
ރިޕޯޓުތައް ބުނާ ގޮތުގައި މި އެއްބަސްވުމަށް އަމަލު ކުރަން ފަށާފައިވަނީ އެކަމަށް ފުރަތަމަ ކަނޑައެޅި ގަޑިއާ އަޅާބަލާއިރު ތިން ގަޑިއިރު ފަހުންނެވެ. އެގޮތުން މި އެއްބަސްވުމަށް އަމަލު ކުރަން ފަށާފައިވަނީ ރާއްޖެ ގަޑިން މިއަދު 14:15 ގައެވެ.
ސުލްހައިގެ އެއްބަސްވުމަށް އަމަލު ކުރުން ލަސްވެފައިވަނީ އެއްބަސްވުމުގެ ފުރަތަމަ މަރުހަލާގެ ފުރަތަމަ ދުވަހު ހަމާސްއިން މިނިވަން ކުރަން ބުނާ އަސީރުންގެ ނަންތައް އެއްބަސްވުމުގައި ބުނާ ގޮތައް އާންމު ކުރުން ލަސްވުމާ ގުޅިގެން ކަމަށް ރިޕޯޓުތަކުގައި ވެއެވެ. މިކަމާ ގުޅިގެން ހަމާސް އިން ބުނެފައިވަނީ އަސީރުންގެ ނަންތައް ހިމެނޭ ލިސްޓު އާންމު ކުރުން ލަސްވީ ދިމާވި ޓެކްނިކަލް މައްސަލަތަކެއްގެ ސަބަބުން ކަމަށެވެ.
އަދި މިއަދު މިނިވަން ކުރުމަށް ހަމަޖެހިފައިވާ އަސީރުންގެ ލިސްޓު އާންމު ކުރުމުން އިޒްރޭލުގެ ބޮޑުވަޒީރު ނަތަންޔާހޫ ވަނީ ހަނގުރާމަ މެދުކަނޑާލުމާ ބެހޭ އެއްބަސްވުމަށް އަމަލު ކުރަން ފަށާފައެވެ. ހަމާސް އިން މިއަދު މިނިވަންކުރާ ތިން އަސީރުންގެ ނަން އާންމު ކުރުމާއެކު ހަމަލާތައް މެދުކަނޑާލާފައިވާއިރު، އިސްރާއީލުން މިއަދު މިނިވަންކުރަންޖެހޭ ތިން އަސީރުން ރާއްޖެ ގަޑިން 19:00 ގައި މިނިވަން ކުރަން ވަނީ ހަމަޖެހިފައެވެ.
މި އެއްބަސްވުމަށް އަމަލު ކުރަން ފެށުމާ ހަމައަށް އިޒްރޭލުން ދިޔައީ ޣައްޒާއަށް ހަމަލާތައް ދެމުންނެވެ. އެގޮތުން މިފަހުން ދިން ހަމަލާތަކުގައި 10 އަށްވުރެ ގިނަ މީހުން ޝަހީދުވެފައިވާއިރު، 25 އަށްވުރެ ގިނަ މީހުން ޒަޚަމް ވެފައިވާ ކަމަށް ރިޕޯޓުތަކުގައި ވެއެވެ.
ހަނގުރާމަ މެދުކަނޑާލަން އެކުލަވާލި އެއްބަސްވުމަށް އަމަލު ކުރަން ފަށާފައިވާކަން ސުލްހައިގެ މަޝްވަރާތަކުގެ މެދުވެރިއެއްގެ ރޯލު އަދާކުރި ޤަތަރު ސަރުކާރުންވެސް ވަނީ މީޑިއާތަކަށް ކަށަވަރު ކޮށްދީފައެވެ.
ހަނގުރާމަ ހުއްޓުވާލުމަށް އެކުލަވާލި އެއްބަސްވުމުގެ ދަށުން ހަމަލާތައް ހުއްޓާލުމުގެ އިތުރުން ހަމާސްއިން ރަހީނު ކޮށްފައިވާ އިޒްްރޭލު މީހުން މިނިވަންކޮށް، އިޒްރޭލުން ހައްޔަރު ކޮށްފައިވާ ފަލަސްތީނުގެ ރައްޔިތުންވެސް މިނިވަންކުރަން ޖެހެއެވެ.
ސުލްހައިގެ އެއްބަސްވުމަށް އަމަލު ކުރަން ފެށުމާއެކު ޣައްޒާގެ ރައްޔިތުންނަށް އެހީ ފޯރުކޮށްދޭން ފަށާފައިވާ ކަމަށް ރިޕޯޓުތައް ބުނެއެވެ. އެގޮތުން ބަލާއިރު އދ. އިން އެހީގެ ގޮތުގައި ފޮނުވި އެއްޗެހީގެ އިތުރުން ވޯލްޑް ފުޑް ޕްރޮގްރާމުން ފޮނުވި އެހީވެސް ޣައްޒާއަށް ފޯރުކޮށްދޭން ފަށާފއިވާ ކަމަށް ރިޕޯޓުތަކުގައި ވެއެވެ. މި އެއްބަސްވުމުގެ ސަބަބުން ފަލަސްތީނުގެ ރައްޔިތުންނަށް ވަނީ އާ އުންމީދެއް ލިބިފައެވެ.
ސުލްހައިގެ އެއްބަސްވުމަށް އަމަލު ކުރުން ލަސްވެފައިވަނީ އެއްބަސްވުމުގެ ފުރަތަމަ މަރުހަލާގެ ފުރަތަމަ ދުވަހު ހަމާސްއިން މިނިވަން ކުރަން ބުނާ އަސީރުންގެ ނަންތައް އެއްބަސްވުމުގައި ބުނާ ގޮތައް އާންމު ކުރުން ލަސްވުމާ ގުޅިގެން ކަމަށް ރިޕޯޓުތަކުގައި ވެއެވެ. މިކަމާ ގުޅިގެން ހަމާސް އިން ބުނެފައިވަނީ އަސީރުންގެ ނަންތައް ހިމެނޭ ލިސްޓު އާންމު ކުރުން ލަސްވީ ދިމާވި ޓެކްނިކަލް މައްސަލަތަކެއްގެ ސަބަބުން ކަމަށެވެ.
އަދި މިއަދު މިނިވަން ކުރުމަށް ހަމަޖެހިފައިވާ އަސީރުންގެ ލިސްޓު އާންމު ކުރުމުން އިޒްރޭލުގެ ބޮޑުވަޒީރު ނަތަންޔާހޫ ވަނީ ހަނގުރާމަ މެދުކަނޑާލުމާ ބެހޭ އެއްބަސްވުމަށް އަމަލު ކުރަން ފަށާފައެވެ. ހަމާސް އިން މިއަދު މިނިވަންކުރާ ތިން އަސީރުންގެ ނަން އާންމު ކުރުމާއެކު ހަމަލާތައް މެދުކަނޑާލާފައިވާއިރު، އިސްރާއީލުން މިއަދު މިނިވަންކުރަންޖެހޭ ތިން އަސީރުން ރާއްޖެ ގަޑިން 19:00 ގައި މިނިވަން ކުރަން ވަނީ ހަމަޖެހިފައެވެ.
މި އެއްބަސްވުމަށް އަމަލު ކުރަން ފެށުމާ ހަމައަށް އިޒްރޭލުން ދިޔައީ ޣައްޒާއަށް ހަމަލާތައް ދެމުންނެވެ. އެގޮތުން މިފަހުން ދިން ހަމަލާތަކުގައި 10 އަށްވުރެ ގިނަ މީހުން ޝަހީދުވެފައިވާއިރު، 25 އަށްވުރެ ގިނަ މީހުން ޒަޚަމް ވެފައިވާ ކަމަށް ރިޕޯޓުތަކުގައި ވެއެވެ.
ހަނގުރާމަ މެދުކަނޑާލަން އެކުލަވާލި އެއްބަސްވުމަށް އަމަލު ކުރަން ފަށާފައިވާކަން ސުލްހައިގެ މަޝްވަރާތަކުގެ މެދުވެރިއެއްގެ ރޯލު އަދާކުރި ޤަތަރު ސަރުކާރުންވެސް ވަނީ މީޑިއާތަކަށް ކަށަވަރު ކޮށްދީފައެވެ.
ސުލްހައިގެ އެއްބަސްވުމަށް އަމަލު ކުރަން ފެށުމާއެކު ޣައްޒާގެ ރައްޔިތުންނަށް އެހީ ފޯރުކޮށްދޭން ފަށާފައިވާ ކަމަށް ރިޕޯޓުތައް ބުނެއެވެ. އެގޮތުން ބަލާއިރު އދ. އިން އެހީގެ ގޮތުގައި ފޮނުވި އެއްޗެހީގެ އިތުރުން ވޯލްޑް ފުޑް ޕްރޮގްރާމުން ފޮނުވި އެހީވެސް ޣައްޒާއަށް ފޯރުކޮށްދޭން ފަށާފއިވާ ކަމަށް ރިޕޯޓުތަކުގައި ވެއެވެ. މި އެއްބަސްވުމުގެ ސަބަބުން ފަލަސްތީނުގެ ރައްޔިތުންނަށް ވަނީ އާ އުންމީދެއް ލިބިފައެވެ.
ކިޔުންތެރިންގެ ހިޔާލު