ފުވައްމުލައް ސިޓީގައި ކްރިއޭޓާ ހަބެއް ގާއިމުކުރުމަށް ބިޒްނަސް ސެންޓާ ކޯޕަރޭޝަން (ބީސީސީ) އާއި ފުވައްމުލައް ސިޓީ ކައުންސިލާ ދެމެދު އެއްބަސްވުމެއްގައި ސޮއިކޮށްފިއެވެ.

މުލަކުގައި ގާއިކުރާ ކްރިއޭޓާ ހަބް ހުޅުވަން ހަމަޖެހިފައި ވަނީ ލޯކަލް މާރުކޭޓުގެ ފުރަތަމަ ފަންގިފިލާގައެވެ. މިއަދު ބޭއްވި ހާއްސަ ރަސްމިއްޔާތެއްގައި ބީސީސީގެ ފަރާތުން މި އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އިބްރާހީމް ޒިޔާއު މުހައްމަދެވެ. ފުވައްމުލައް ސިޓީ ކައުންސިލުގެ ފަރާތުން އެއްބަސްވުމުގައި ސޮއިކުރެއްވީ މޭޔަރު އިސްމާއީލް ރަފީގެވެ.

މި ހަބް ގާއިމުކުރުމުގެ މަސައްކަތް ކުރާ ބީސީސީން ބުނީ، މާލޭގައި ހަދާ ކްރިއޭޓާ ހަބްގެ އިތުރުން ރާއްޖޭގެ އެކި ސަރަހައްދުތަކުގައިވެސް ކްރިއޭޓާ ހަބްތަކެއް ގާއިމުކުރުމުގެ މަގުސަދަކީ ރާއްޖޭގެ އެކި އަތޮޅުތަކުގައި ތިބި ފަންނުވެރިންނާއި ވީހާވެސް ގާތުން ހިދުމަތް ދެވޭނެ މަގު ފަހިކޮށްދިނުން ކަމަށެވެ.

ބީސީސީގެ މެނޭޖިން ޑިރެކްޓަރު އިބްރާހީމް ޒިޔާއު ވިދާޅުވީ، އަތޮޅުތަކުގައި ގާއިމުކުރެވޭ ކްރިއޭޓާ ހަބްތަކާއެކު ރައީސްގެ ތަސައްވުރާ އެއްގޮތަށް ރާއްޖޭގައި ފަންނުވެރި އިގުތިސާދެއް ބިޔާނުކުރުމަށް ކުރާ މަސައްކަތް ހަލުވި ވެގެންދާނެ ކަމަށެވެ. އަދި ފަންނުވެރިންނަށް ފުރުސަތުތައް ފަހިވުމާއެކު ދިމާވާ ދަތިތަކަށް ހައްލުވެސް ލިބިގެންދާނެ ކަމަށް އޭނާ ވިދާޅުވިއެވެ.