އަލިފާން ރޯވި ބޯޓު--
އަލިފާން ރޯވި ބޯޓު--
މާލެއިން ފުރައިގެން ތ. ހިރިލަންދޫއަށް ދަތުރުކުރަމުން ދަނިކޮށް އަލިފާން ރޯވި "ހޮޅުދޫ ބޯޓު" ފެތިއްޖެ އެވެ.

އަށާރަ މީހުންނާ އެކު ދަތުރުކުރި އެ ބޯޓުގައި އަލިފާން ރޯވުމުން އެންމެން ކަނޑަށް ފުންމާލި އިރު އޭގެ ތެރެއިން އެކަކު ވަނީ ގެއްލިފަ އެވެ. އެއީ ލ. މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދެވެ.

އެމްއެންޑީއެފުން މިއަދު ހެނދުނު ބުނީ މުޝްރިފް ހޯދުމަށް އެމްއެންޑީއެފް ކޯސްޓްގާޑް ޝިޕް ޢާޒީ، އެފްއައިސީ މާފަތް، އެޗްޕީ 114، ޑައިވަރުން ހަރަކާތްތެރިވަމުންދާ ކަމަށެވެ.

އޭގެ އިތުރުން އެއާ ކޯގެ ޑްރޯންއާއި އެމްއެންޑީއެފް ސެންޓްރަލް އޭރިއާ ކޮމާންޑްގެ ސިފައިން ގުޅިގެން ވައިގެ މަގުން ވެސް މުޝްފިގު ހޯދުމަށް މަސައްކަތް ކުރަމުންދާ ކަމަށް ބުނެފައި ވެއެވެ.

މި އާލިފާނުގެ ހާދިސާއާ ގުޅިގެން ދެ މީހަކަށް އަނިޔާވިއެވެ. އެ ދެ މީހުންނަށް ތ. ކަނޑޫދޫ ސިއްހީ މަރުކަޒުގައި ދަނީ ފަރުވާ ދެމުން ނެވެ.

އެ ބޯޓުގައި އަލިފާން ރޯވާން ދިމާވި ސަބަބެއް އަދި ސާފުވާގޮތެއް ނުވެއެވެ.



ކިޔުންތެރިންގެ ހިޔާލު



ޓްރެންޑިން