ގދ. ހޯނޑެއްދޫގެ އެކިތަންތަނުގައި ރޯކުރާ މީހުންނާމެދު ފިޔަވަޅު އަޅާނެ ކަމުގެ އިންޒާރު އެރަށު ކައުންސިލުން ދީފިއެވެ.
ހޯނޑެއްދޫ ކައުންސިލުން އިއްޔެ ނެރެފައިވާ ބަޔާނެއްގައި ބުނެފައިވަނީ އެރަށުގެ އެކިތަންތަނުގައި ޢާއްމުކޮށް ރޯކުރަމުންދާ މައްސަލަ ކައުންސިލްގެ ސަމާލުކަމަށް އައިސްފައިވާ ކަމަށެވެ. އަދި އެކަމަކީ އަލިފާނުގެ ނުރައްކާތެރި ހާދިސާތައް ހިނގުމަށް މަގުފަހިވެދާނެ ކަމެއްކަމަށްވެސް ކައުންސިލްގެ ބަޔާނުގައި ވެއެވެ.
ހަމައެހެންމެ އެކަމުގެ ސަބަބުން ދަނޑުބިންތަކާއި ރައްޔިތުންގެ ރުއްގަހަށާއި މުދަލަށް ބޮޑެތިގެއްލުން ތަކެއް ލިބުމުގެ ފުރުސަތު އޮތްކަމަށާއި އެހެންކަމުން އެކަން އެގޮތަށް ނުކުރުމަށް ކައުންސިލުން ވަނީ އިލްތިމާސްކޮށްފައެވެ.
ހޯނޑެއްދޫ ކައުންސިލުން އިތުރަށް ބުނެފައިވަނީ ރަށުގެ އެކި ތަންތަނުގައި އަލިފާން ރޯކުރުމުގެ ސަބަބުން އުފެދޭ ދުމުން އަވައްޓެރިންނަށް އުނދަގޫވާނެ ކަމަށާއި އެގޮތަށް އަލިފާން ރޯކުރުމަކީ ޤާނޫނީ ގޮތުންވެސް މަނާކަމެއް ކަމަށެވެ.
“ޤަވާއިދާ ޚިލާފަށް އެކަށީގެންވާ ރައްކައުތެރިކަމުގެ ފިޔަވަޅު އެޅުމެއްނެތި، އާންމު ތަންތާގައި އަލިފާން ރޯކުރުމަކީ މަނާކަމެއްކަމުގައި ވާތީ، މިއަދުން ފެށިގެން ހޯނޑެއްދޫގެ އެއްވެސް ތަނެއްގައި އިސްވެ ހަވާލާދީފައިވާ ޤަވާއިދާ ހިލާފަށް އަމަލުކުރާ ފަރާތްތަކާމެދު އެ ޤަވާއިދުގެ ދަށުން ފިޔަވަޅު އަޅަމުންދާނެ." ހޯނޑެއްދޫ ކައުންސިލްގެ ބަޔާނުގައިވެއެވެ.
ހޯނޑެއްދޫ ކައުންސިލުން މިފަދަ ބަޔާނެއް ނެރެފައިވާއިރު ރާއްޖޭގެ ބޮޑެތި ބައެއް ރަށްރަށުގެ ހުސްބިންތަކުގައި އަލިފާން ރޯކުރުމުގެ މައްސަލަތައް ދޭތެރެ ދޭތެރެއިން ދަނީ ފެންމަތި ވަމުންނެވެ.
ހަމައެހެންމެ އެކަމުގެ ސަބަބުން ދަނޑުބިންތަކާއި ރައްޔިތުންގެ ރުއްގަހަށާއި މުދަލަށް ބޮޑެތިގެއްލުން ތަކެއް ލިބުމުގެ ފުރުސަތު އޮތްކަމަށާއި އެހެންކަމުން އެކަން އެގޮތަށް ނުކުރުމަށް ކައުންސިލުން ވަނީ އިލްތިމާސްކޮށްފައެވެ.
ހޯނޑެއްދޫ ކައުންސިލުން އިތުރަށް ބުނެފައިވަނީ ރަށުގެ އެކި ތަންތަނުގައި އަލިފާން ރޯކުރުމުގެ ސަބަބުން އުފެދޭ ދުމުން އަވައްޓެރިންނަށް އުނދަގޫވާނެ ކަމަށާއި އެގޮތަށް އަލިފާން ރޯކުރުމަކީ ޤާނޫނީ ގޮތުންވެސް މަނާކަމެއް ކަމަށެވެ.
ހޯނޑެއްދޫ ކައުންސިލުން މިފަދަ ބަޔާނެއް ނެރެފައިވާއިރު ރާއްޖޭގެ ބޮޑެތި ބައެއް ރަށްރަށުގެ ހުސްބިންތަކުގައި އަލިފާން ރޯކުރުމުގެ މައްސަލަތައް ދޭތެރެ ދޭތެރެއިން ދަނީ ފެންމަތި ވަމުންނެވެ.
ކިޔުންތެރިންގެ ހިޔާލު