ދެހާސް އަށާވީސް ވަނަ އަހަރު ބާއްވާ ރިޔާސީ އިންތިހާބުގައި ވާދަކުރާނެ އެމްޑީޕީގެ ކެންޑިޑޭޓަކު ހޮވުމަށްޓަކައި ބާއްވާ އިންތިހާބުގައި ބައިވެރިވާން ބޭނުންވާ އެންމެން އެ ޕާޓީގެ މަގާމުތަކުން ފެއަށް ޖެެހެން އެމްޑީޕީގެ ކުރީގެ ޗެއާޕާސަން މޫސާ މަނިކު (ރީކޯ މޫސަ) ގޮވާލައްވައިފި އެވެ.
ރީކޯ އެކްސްގައި މިއަދު ވިދާޅުވީ ރިޔާސީ ރޭހުގައި ބައިވެރިވާން ބޭނުންވާ ކޮންމެ މެމްބަރަކަށް ވެސް ޕްރައިމަރީގައި ވާދަކުރުމުގެ ފުރުސަތު ލިބެންޖެހޭނެ ކަމަށެވެ. އަދި 2023ގައި ބޭއްވި ޕްރައމަރީއަށް ވީހެން 2028 އަށްޓަކާ ޕާޓީގެ ވެރިން ތަޅާފޮޅާ، ޕާޓީ ބަލިކަށިވާން މިފަހަރު އާންމު މެމްބަރުން ބޭނުންނުވާ ކަމަށް އޭނާ ވިދާޅުވި އެވެ.
"ރިޔާސީ ރޭހަށް ނުކުތުމުގެ ޝައުގު ހުރި ހުރިހާ ބޭފުޅުން ޕާޓީގެ މަގާމުތަކުން ފެއައް ޖެހި އެމްޑީޕީ ހިންގުން ރިޔާސީ ވެރިކަމުގެ ދަހިވެތިކަމެއް ނެތް ބަޔަކާ ހަވާލުކުރުމަށް އާދަޔާ ހިލާފު ކޮންގްރެސްއެއް ބޭއްވުމަށް ގައުމީ މަޖްލީހުގެ މެމްބަރުންނަށް ދަންނަވަމެވެ. މިކަން ޕާޓީ ލީޑާޝިޕާއި ގައުމީ މަޖުލީހުން ކުރިއަށް ނުގެންދެވޭނަމަ ޕާޓީގެއަސާސީ ގަވައިދުގެ ހުރިހާ މާއްދާތަކުން އާންމު މެމްބަރުންގެ ފުރިހަމަ ބާރު މެމްބަރުން ބޭނުން ކުރާނެއެވެ." ރީކޯ ވިދާޅުވި އެވެ.
ރިކޯ ވިދާޅުވީ އެމްޑީޕީގެ އާންމު މެމްބަރުން ބޭނުންވަނީ އެ ޕާޓީގެ ހަރަކާތްތައް ކުރިއައްގެންގޮސް ފަނޑުނުވެ އެ ޕާޓީ ވަރުގަދަކޮށް ދެމި އޮތުން ކަމަށެވެ. އަދި 2028 ވަނަ އަހަރު ވެރިކަމަށް އަންނާނީ އެމްޑީޕީންކަން ވާދަވެރިންނަށް ވެސް މިހާރު ޔަގީންވެފައިވާ ކަމަށް އޭނާ ވިދާޅުވި އެވެ.
ރިޔާސީ ރޭހަށް އެމްޑީޕީގެ ޕްރައިމަރީގައި ވާދަކުރައްވާނެކަން ފާޅުގައި މިހާތަނަށް އިއުލާންކުރެއްވީ އެ ޕާޓީގެ ޗެއާޕާސަން ފައްޔާޒް އިސްމާއިލް އެވެ. ނަމަވެސް އެމްޑީޕީގެ ރައީސް އަބްދުﷲ ޝާހިދާއި ކުރީގެ ރައީސް އިބްރާހިމް މުހައްމަދު ސޯލިހުވެސް ވާދަކުރައްވާނެ ކަމަށް އަޑުތައް ފެތުރިފައިވާ އިރު ދެ ބޭފުޅުން އެކަމާ ގުޅޭ ގޮތުން އަދި ސީދާ ވަކި އެއްޗެއް ވިދާޅެއް ނުވެއެވެ.
ނަމަވެސް އެމްޑީޕީގެ އެތެރޭގައި އެފަދަ މަޝްވަރާތައް ކުރެވެމުން ދާކަން ވަނީ އެނގިފައެވެ. އެގޮތުން ޕާޓީގެ ގައުމީ މަޖިލީހުގެ ބައެއް މެންބަރުން ޕާޓީގެ ޗެއާޕާސަން މަގާމުން ދުރުކުރުމަށް މަސައްކަތް ކުރަމުން ގެންދާކަމުގެ އަޑުތަކެއް ވެސް ވަނީ ފެތުރިފައެވެ.
"ރިޔާސީ ރޭހަށް ނުކުތުމުގެ ޝައުގު ހުރި ހުރިހާ ބޭފުޅުން ޕާޓީގެ މަގާމުތަކުން ފެއައް ޖެހި އެމްޑީޕީ ހިންގުން ރިޔާސީ ވެރިކަމުގެ ދަހިވެތިކަމެއް ނެތް ބަޔަކާ ހަވާލުކުރުމަށް އާދަޔާ ހިލާފު ކޮންގްރެސްއެއް ބޭއްވުމަށް ގައުމީ މަޖްލީހުގެ މެމްބަރުންނަށް ދަންނަވަމެވެ. މިކަން ޕާޓީ ލީޑާޝިޕާއި ގައުމީ މަޖުލީހުން ކުރިއަށް ނުގެންދެވޭނަމަ ޕާޓީގެއަސާސީ ގަވައިދުގެ ހުރިހާ މާއްދާތަކުން އާންމު މެމްބަރުންގެ ފުރިހަމަ ބާރު މެމްބަރުން ބޭނުން ކުރާނެއެވެ." ރީކޯ ވިދާޅުވި އެވެ.
ރިކޯ ވިދާޅުވީ އެމްޑީޕީގެ އާންމު މެމްބަރުން ބޭނުންވަނީ އެ ޕާޓީގެ ހަރަކާތްތައް ކުރިއައްގެންގޮސް ފަނޑުނުވެ އެ ޕާޓީ ވަރުގަދަކޮށް ދެމި އޮތުން ކަމަށެވެ. އަދި 2028 ވަނަ އަހަރު ވެރިކަމަށް އަންނާނީ އެމްޑީޕީންކަން ވާދަވެރިންނަށް ވެސް މިހާރު ޔަގީންވެފައިވާ ކަމަށް އޭނާ ވިދާޅުވި އެވެ.
ނަމަވެސް އެމްޑީޕީގެ އެތެރޭގައި އެފަދަ މަޝްވަރާތައް ކުރެވެމުން ދާކަން ވަނީ އެނގިފައެވެ. އެގޮތުން ޕާޓީގެ ގައުމީ މަޖިލީހުގެ ބައެއް މެންބަރުން ޕާޓީގެ ޗެއާޕާސަން މަގާމުން ދުރުކުރުމަށް މަސައްކަތް ކުރަމުން ގެންދާކަމުގެ އަޑުތަކެއް ވެސް ވަނީ ފެތުރިފައެވެ.
ކިޔުންތެރިންގެ ހިޔާލު