އެމްޑީޕީގެ ކުރީގެ ޗެއަރޕާސަން ރީކޯ މޫސަ އާއި ޕާޓީގެ ކުރީގެ ރައީސް މުޙައްމަދު ނަޝީދު
އެމްޑީޕީގެ ކުރީގެ ޗެއަރޕާސަން ރީކޯ މޫސަ އާއި ޕާޓީގެ ކުރީގެ ރައީސް މުޙައްމަދު ނަޝީދު
އެމްޑީޕީގެ ޢާއްމު މެންބަރުންގެ ރޫޙާ ޚިލާފަށް ޕާޓީގެ ޗެއަރޕާސަނަށް ގޮތް ނުނިންމެވޭނެ ކަމަށް ވިދާޅުވެ އެމްޑީޕީގެ ޗެއަރޕާސަން ފައްޔާޒް އިސްމާޢީލަށް އެމްޑީޕީގެ ކުރީގެ ޗެއަރޕާސަން ރީކޯ މޫސާ މަނިކު ރައްދު ދެއްވައިފިއެވެ.

ރީކޯ މޫސަ މިހެން ވިދާޅުވީ ރާއްޖެއަށް އެންމެ ރަނގަޅު ގޮތަކީ އެމްޑީޕީއާއި ޑިމޮކްރެޓްސް ގުޅިގެން ސިޔާސީ މަސައްކަތް ކުރުން ކަމަށް ރައީސް ނަޝީދު ވިދާޅުވުމާ ގުޅިގެން އެމްޑީޕީގެ ޗެއަރޕާސަން ފައްޔާޒް އެކަމަށް މަރުޙަބާ ވިދާޅުވުމާ ގުޅިގެންނެވެ.

އެކަމާ ގުޅިގެން ރީކޯ ވިދާޅުވީ ސަރުކާރު ހިންގާ ޕާޓީއާއެކު ބަދަހި ގުޅުމެއް އޮންނަ އެއްވެސް ސިޔާސީ ޕާޓީއަކާއެކު އެމްޑީޕީން މަސައްކަތް ކުރުމަކީ އެޕާޓީން ޤަބޫލުކުރާ ޑިމޮކްރަސީ ދަންނަ ކަމެއް ނޫން ކަމަށެވެ.

“ނިމިދިޔަ ރިޔާސީ އިންތިޚާބުގައި އެމްޑީޕީއަށް ގިނަ ވޯޓުތަކެެއް ގެއްލުވާލި ބަޔަކާ ގުޅުމުގެ ކުރިން ކޮންގްރެސްއެއް ބާއްވާ މެމްބަރުން ދެކޭގޮތް ހޯދާނަން.” ރީކޯ ވިދާޅުވިއެވެ.

އޭގެ އިތުރުން ރީކޯ ވިދާޅުވީ އެމްޑީޕީގެ ޗެއަރޕާސަންގެ މަޤާމުގައި ހުންނަ މީހަކަށް ޕާޓީގެ ޢާއްމު މެމްބަރުންގެ ރޫޙާ ޚިލާފަށް ވެރިކަން ކުރާ ޕާޓީގެ ބައިވެރިންނާ އެއްގަލަށް އެރުމުގެ އެއްވެސް ޙައިސިއްޔަތެއް ނުލިބޭނެ ކަމަށެވެ.

ރީކޯ މިހެން ވިދާޅުވެފައިވާއިރު ފައްޔާޒް މިއަދު ވިދާޅުވީ 2023 ވަނަ އަހަރުގެ ރިޔާސީ އިންތިޚާބުގައި ރައީސް ނަޝީދާއި ޑިމޮކްރެޓުން ޢަމަލުކުރި ގޮތުން އެމްޑީޕީގެ މެންބަރުންގެ ނުރުހުން ރައީސް ނަޝީދަށް އޮތްކަމަށެވެ. އެހެން ނަމަވެސް އެމްޑީޕީގެ ދޮރަކީ އެންމެނަށްވެސް ހުޅުވިފައިވާ ދޮރެއް ކަމަށާއި އެހެންކަމުން ރައީސް ނަޝީދަށްވެސް މަރުޙަބާ ވިދާޅުވާނެ ކަމަށް ފައްޔާޒް ވިދާޅުވިއެވެ.



ކިޔުންތެރިންގެ ހިޔާލު



ޓްރެންޑިން