ކުރިއަށް އޮތް ކައުންސިލް އިންތިޚާބަށް ކުރިމަތިލުމަށް ބޭނުންވާ ކުށުގެ ރިކޯޑު ސާފުކުރުމުގައި ދައުލަތުގެ މުއައްސަސާތަކުގެ ފަރާތުން ބޮޑެތި ލަސްތަކެއް ކުރިމަތިވަމުންދާ ކަމަށް އެމްޑީޕީގެ ކެމްޕޭން ތަރުޖަމާނު އަބްދުﷲ ވަހީދު ވިދާޅުވެއްޖެއެވެ.
މިއަދު އެމްޑީޕީން ބޭއްވި ޕްރެސް ކޮންފަރެންސްގައި ވަހީދު ވިދާޅުވީ، މޯލްޑިވްސް ކަރެކްޝަނަލް ސާވިސް އާއި ޖުޑީޝަލް ސާވިސްގެ ފަރާތުން ރިކޯޑު ސާފުކުރުމަށް އިންތިހާއަށް ވަގުތު ނަގަމުންދާ ކަމަށެވެ.
އެގޮތުން ފޯމެއް ހުށަހެޅުމުން އެކަން ނިންމުމަށް 3 ދުވަހާއި 5 ދުވަހާ ދެމެދުގެ މުއްދަތެއް ހޭދަވާކަން ފާހަގަކުރައްވައި، އިންތިޚާބަށް ފޯމު ހުށަހެޅުމަށް އޮތް 16 ދުވަހުގެ ތެރެއިން ގިނަ ވަގުތުތަކެއް އެކަމަށް ހޭދަވާތީ އޭނާ ކަންބޮޑުވުން ފާޅުކުރެއްވިއެވެ. އަދި އީފާސް މެދުވެރިކޮށް ފޯމު ހުށަހަޅާއިރު ދިމާވާ މައްސަލަތަކުގެ ސަބަބުން ފޯމުތައް ރިޖެކްޓްވަމުން ދާކަންވެސް އޭނާ ފާހަގަކުރެއްވިއެވެ.
ހަމައެއާއެކު، ސަރުކާރު ހިންގާ ޕާޓީން އިންތިޚާބަށް ނުފޫޒު ފޯރުވަމުންދާ ކަމަށް ވަހީދު ވަނީ ވަރަށް ބޮޑަށް ތުހުމަތު ކުރަށްވާފައެވެ. އޭނާ ވިދާޅުވީ ސަރުކާރުން ނުފޫޒާއި ބާރު ބޭނުންކޮށްގެން އިންތިޚާބު ކާމިޔާބު ކުރުމަށް ގިނަ މަސައްކަތްތަކެއް ކުރަމުންދާ ކަމަށެވެ. އެގޮތުން އިންތިޚާބާ ދިމާކޮށް ގޯއްޗާއި ފްލެޓް ދިނުމަށް އިއުލާން ކުރުމާއި، އެތައް ސަތޭކަ ވަޒީފާއެއްގެ ފުރުސަތު ހުޅުވާލަމުންދާ ކަމަށް އޭނާ ވިދާޅުވިއެވެ. މިއީ ސީދާ އިންތިޚާބަށް ނުފޫޒު ފޯރުވުމުގެ އަމަލުތަކެއްގެ ގޮތުގައި އޭނާ ސިފަކުރެއްވިއެވެ.
ވަހީދުގެ ވާހަކައިގައި ދައުލަތުގެ މުއައްސަސާތަކުގެ މިނިވަންކަމާ މެދުވެސް ސުވާލު އުފެއްދެވިއެވެ. ޚާއްސަކޮށް އެންޓި-ކޮރަޕްޝަން ކޮމިޝަން (އޭސީސީ) އަށް ސަރުކާރުން ހިންގާ މިފަދަ ކަންކަން ނުފެންނަ ކަމަށް އޭނާ ވިދާޅުވިއެވެ. ލާމަރުކަޒީ ޤާނޫނަށް ގެނައި ބަދަލުތަކަށް އޭސީސީން މަރުޙަބާ ކިޔާފައިވީ ނަމަވެސް، ސަރުކާރުން އިންތިޚާބަށް ނުފޫޒު ފޯރުވުމަށް ހިންގާ އެއްވެސް ކަމެއް ބެލޭނެ ނުވަތަ ހުއްޓުވޭނެ މުއައްސަސާއެއް މިއަދު ރާއްޖޭގައި ނެތް ކަމަށް ވިދާޅުވެ، އޭނާ ވަނީ މުއައްސަސާތަކުގެ އިހުމާލަށް ވަރަށް ބޮޑަށް ފާޑުވިދާޅުވެފައެވެ.
"ލާމަރުކަޒީ ޤާނޫނާ މާލީ ބާރުވެރިކަން ހަނިކުރުމަށްޓަކައި ގެނައި ބަދަލާއި އެކުގަ އޭސީސީގެ ފަރާތުން ވަނީ ޤާނޫނަށް އެގެނައި ބަދަލަށް މަރުޙަބާކިޔާފަ. އެހެން ނަމަވެސް ކޮބާތޯ ސަރުކާރުން މިއަދު ކުރަމުންދާ ކަންކަން. ސަރުކާރުން މިއިންތިޚާބަށް ނުފޫޒު ފޯރުވުމަށްޓަކައި ހިންގާ އެއްވެސް ކަމެއް މިއަދު އެސީސީއަކަށް ނުފެނޭ. ނުބެލޭ." ވަޙީދު ވިދާޅުވިއެވެ.
ވަހީދު މިހެން ވިދާޅުވެފައިވާއިރު، ލޯކަލް ކައުންސިލް އިންތިޚާބަށް ކުރިމަތިލުމުގެ ފުރުސަތު އީސީން ހުޅުވާލާފައިވަނީ މި މަހުގެ 17 ވަނަ ދުވަހުއެވެ. ފޯމު ހުށަހެޅުމުގެ އެންމެ ފަހު ވަގުތަކީ އަންނަ މަހުގެ 1 ވާ ބުދަ ދުވަހުގެ މެންދުރުފަހު 3:30 އެވެ.
އެގޮތުން ފޯމެއް ހުށަހެޅުމުން އެކަން ނިންމުމަށް 3 ދުވަހާއި 5 ދުވަހާ ދެމެދުގެ މުއްދަތެއް ހޭދަވާކަން ފާހަގަކުރައްވައި، އިންތިޚާބަށް ފޯމު ހުށަހެޅުމަށް އޮތް 16 ދުވަހުގެ ތެރެއިން ގިނަ ވަގުތުތަކެއް އެކަމަށް ހޭދަވާތީ އޭނާ ކަންބޮޑުވުން ފާޅުކުރެއްވިއެވެ. އަދި އީފާސް މެދުވެރިކޮށް ފޯމު ހުށަހަޅާއިރު ދިމާވާ މައްސަލަތަކުގެ ސަބަބުން ފޯމުތައް ރިޖެކްޓްވަމުން ދާކަންވެސް އޭނާ ފާހަގަކުރެއްވިއެވެ.
ހަމައެއާއެކު، ސަރުކާރު ހިންގާ ޕާޓީން އިންތިޚާބަށް ނުފޫޒު ފޯރުވަމުންދާ ކަމަށް ވަހީދު ވަނީ ވަރަށް ބޮޑަށް ތުހުމަތު ކުރަށްވާފައެވެ. އޭނާ ވިދާޅުވީ ސަރުކާރުން ނުފޫޒާއި ބާރު ބޭނުންކޮށްގެން އިންތިޚާބު ކާމިޔާބު ކުރުމަށް ގިނަ މަސައްކަތްތަކެއް ކުރަމުންދާ ކަމަށެވެ. އެގޮތުން އިންތިޚާބާ ދިމާކޮށް ގޯއްޗާއި ފްލެޓް ދިނުމަށް އިއުލާން ކުރުމާއި، އެތައް ސަތޭކަ ވަޒީފާއެއްގެ ފުރުސަތު ހުޅުވާލަމުންދާ ކަމަށް އޭނާ ވިދާޅުވިއެވެ. މިއީ ސީދާ އިންތިޚާބަށް ނުފޫޒު ފޯރުވުމުގެ އަމަލުތަކެއްގެ ގޮތުގައި އޭނާ ސިފަކުރެއްވިއެވެ.
ވަހީދުގެ ވާހަކައިގައި ދައުލަތުގެ މުއައްސަސާތަކުގެ މިނިވަންކަމާ މެދުވެސް ސުވާލު އުފެއްދެވިއެވެ. ޚާއްސަކޮށް އެންޓި-ކޮރަޕްޝަން ކޮމިޝަން (އޭސީސީ) އަށް ސަރުކާރުން ހިންގާ މިފަދަ ކަންކަން ނުފެންނަ ކަމަށް އޭނާ ވިދާޅުވިއެވެ. ލާމަރުކަޒީ ޤާނޫނަށް ގެނައި ބަދަލުތަކަށް އޭސީސީން މަރުޙަބާ ކިޔާފައިވީ ނަމަވެސް، ސަރުކާރުން އިންތިޚާބަށް ނުފޫޒު ފޯރުވުމަށް ހިންގާ އެއްވެސް ކަމެއް ބެލޭނެ ނުވަތަ ހުއްޓުވޭނެ މުއައްސަސާއެއް މިއަދު ރާއްޖޭގައި ނެތް ކަމަށް ވިދާޅުވެ، އޭނާ ވަނީ މުއައްސަސާތަކުގެ އިހުމާލަށް ވަރަށް ބޮޑަށް ފާޑުވިދާޅުވެފައެވެ.
ވަހީދު މިހެން ވިދާޅުވެފައިވާއިރު، ލޯކަލް ކައުންސިލް އިންތިޚާބަށް ކުރިމަތިލުމުގެ ފުރުސަތު އީސީން ހުޅުވާލާފައިވަނީ މި މަހުގެ 17 ވަނަ ދުވަހުއެވެ. ފޯމު ހުށަހެޅުމުގެ އެންމެ ފަހު ވަގުތަކީ އަންނަ މަހުގެ 1 ވާ ބުދަ ދުވަހުގެ މެންދުރުފަހު 3:30 އެވެ.
ކިޔުންތެރިންގެ ހިޔާލު