މާލޭ ސިޓީގައި ފަތުރުވެރިކަން އިޝްތިހާރު ކުރުމާ ގުޅޭގޮތުން މޭޔަރ ސިފާ މުޙައްމަދާއި، ފަތުރުވެރިކަމާބެހޭ ވަޒީރު އަބްދުﷲ މައުސޫމް މަޝްވަރާކުރަށްވައިފިއެވެ.

އޮންލައިންކޮށް މިއަދު ބޭއްވި މި ބައްދަލުވުމުގައި މަޝްވަރާކުރެވުނު ކަންތައްތަކުގެ ތެރޭގައި މާލޭ ސިޓީގައި ފަތުރުވެރިކަން އިތުރަށް އިޝްތިހާރު ކުރުމާއި، ފަތުރުވެރިންނަށް ޚާއްސަކޮށްގެން މާލޭގެ ޗާޓް ތަކާއި، ބިލްބޯޑްތައް ބެހެއްޓުމާއި، ފަތުރުވެރިންނަށް މަޢުލޫމާތު ފޯރުކޮށްދޭ ސަރަޙައްދުތައް ޤާއިމުކުރުމާއި، މާލެއަށް ޒިޔާރަތްކުރާ ފަތުރުވެރިންނަށް އިތުރު ފާޚާނާތައް ޤާއިމުކުރުން ހިމެނެއެވެ.

Mayor @SifaMohammed meets with Minister @Mausoom_Maus to discuss about promoting Toursim in Malé City, such as keeping new charts, billboards, setting up toilets, information points. @MoTmv pic.twitter.com/XQOosvwBgV

— Male' City Council (@MaleCitymv) October 4, 2020

މީގެ ކުރިން މާލޭ ސިޓީ ކައުންސިލުން ވަނީ ފަތުރުވެރިންނާއި ކްރޫޒްލައިނާތަކުން އަންނަ މީހުންނަށް ހާއްސަކޮށްގެން މަސްވެރިންގެ ޕާކްގައި އަށް ޕޭ ޓޮއިލެޓް ތަރައްގީކޮށްފަ އެވެ. އަންހެނުންނަށާއި ފިރިހެނުންނަށާއި އަދި ނުކުޅުދުންތެރިކަން ހުންނަ މީހުންނަށް އެތަން ހާއްސަކޮށްފައިވާ އިރު އެތަނުގައި ރެސްޓްރޫމެއް ވެސް ހުރެއެވެ.

ފާހާނާ ބަރީގެ އިތުރުން އެ ޓާމިނަލްގައި ޓޫރިސްޓުންނަށް ބޭނުންވާ މައުލޫމާތު ފޯރުކޮށްދޭނެ އިންތިޒާމްތަކާއި، ގެސްޓް ރިލޭޝަން އޮފީހެއްގެ އިތުރުން ފަތުރުވެރިން މަޑުކޮށްލައިގެން ތިބޭނެ ވަކި ސަރަހައްދުތަކެއް ވަނީ ހަދައިފައެވެ.