އެމްޑީޕީގެ ކުރީގެ ޗެއާޕާސަން އަދި ކުރީގެ ޑިފެންސް މިނިސްޓަރު މާރިޔާ އަހުމަދު ދީދީ، މި ސަރުކާރުގެ ސިޔާސަތުތަކަށް ވަރަށް ބޮޑަށް ފާޑުވިދާޅުވެ، ރައްޔިތުންނަށް އޮޅުވާލަމުންދާ ކަމަށް ތުހުމަތު ކުރައްވައިފިއެވެ.
ފުވައްމުލަކުގައި ބޭއްވި އެމްޑީޕީގެ ޚާއްސަ ޖަލްސާއެއްގައި ވާހަކަދައްކަވަމުން މާރިޔާ ވިދާޅުވީ، މި ސަރުކާރުގެ ދޮރުން ދޮރަށް ހިނގުމާއި ސިޔާސަތު އެކުލަވާލުމުގެ ކަންކަމަކީ އެމްޑީޕީގެ ކައިރިން ދަސްކޮށްގެން ކުރާ ކަންކަން ކަމަށާއި، ނަމަވެސް އެ ސިޔާސަތުތައް ތަންފީޒު ކުރަން މި ސަރުކާރަށް ނޭނގޭ ކަމަށެވެ.
މާރިޔާގެ ވާހަކަފުޅުގައި ފާހަގަކުރެއްވި ގޮތުގައި، ވޭތުވެދިޔަ ދެ އަހަރެއްހާ ދުވަހުގެ ތެރޭގައި ރައްޔިތުންގެ މަޖިލީހުން 170 ބިލިއަން ރުފިޔާގެ ބަޖެޓެއް ފާސްކޮށްދީފައިވީ ނަމަވެސް، ރަށުގެ ތަރައްގީއަށް އެދެވޭ އެއްވެސް މަސައްކަތެއް ކުރެވިފައި ނުވެއެވެ. އޭނާ ވިދާޅުވީ، ރަށުގެ ތާރު އެޅުމާއި، އެއާޕޯޓްގެ މަސައްކަތްތަކާއި، ގެސްޓްހައުސް ސިޔާސަތަކީވެސް އެމްޑީޕީގެ ވެރިކަމުގައި ފެށިފައިވާ ކަންކަން ކަމަށެވެ.
މި ސަރުކާރުން ހުރިހާ ކަމެއްގައި "ސަރުކާރާ ގުޅިގެން" ނޫނީ ކަންކަން ނުވާނެ ކަމަށް ބުނެ ރައްޔިތުންނަށް ބިރުދައްކަމުންދާ ކަމަށްވެސް އޭނާ ތުހުމަތު ކުރެއްވިއެވެ.
ޚާއްސަކޮށް، ރައީސް ޑރ. މުހައްމަދު މުއިއްޒު ތުރުކީއަށް ކުރެއްވި ދަތުރުފުޅަށްފަހު، ރޯދަމަހަށް ތުރުކީން ކާބޯތަކެތި އަންނާނެ ކަމަށް ވިދާޅުވި ވިދާޅުވުމަށް މާރިޔާ ވަނީ ވަރަށް ބޮޑަށް ފާޑުވިދާޅުވެފައެވެ.
އޭނާ ވިދާޅުވީ، ރައްޔިތުން މަގުމަތީގައި ބަލަބަލާ ތިއްބާ ފެނިގެންދިޔައީ "މޭޑް އިން އިންޑިއާ" ޖަހާފައި ހުރި ހަނޑޫ، ހަކުރު، ފުށް ބަހަމުންދިޔަ މަންޒަރު ކަމަށެވެ. އަދި މެދުއިރުމަތިން ހޮޅިޖަހާފައި ތެޔޮ އަންނާނެ ކަމަށް ބުނެ ހެދީ އިތުރުފުޅެއް ކަމަށާއި، މިފަދަ އިތުރުފުޅުތައް ދީނީ ކަންކަމާ ހަވާލުވެވަޑައިގެން ތިއްބެވި މިނިސްޓަރުންވެސް ހައްދަވަމުންދާ ކަމީ ހިތާމަހުރި ކަމެއް ކަމަށް މާރިޔާ ވިދާޅުވިއެވެ.
ޖަލްސާ ނިންމަވާލައްވަމުން މާރިޔާ ވަނީ، ކުރިއަށް އޮތް އިންތިޚާބުގައި އެމްޑީޕީގެ "ތިލަފަތަށް" ވޯޓު ދެއްވުމަށާއި، ސަރުކާރުގެ ނުފޫޒުތަކަށް "ނޫނެކޭ" ބުނުމަށް ފުވައްމުލަކުގެ ރައްޔިތުންނަށް ގޮވާލައްވާފައެވެ. އޭނާ ވިދާޅުވީ، ރާއްޖޭގެ އިއްޒަތާއި ކަރާމާތް ދިފާއުކުރެވެން އޮތީ އެމްޑީޕީއަށް މި އިންތިޚާބު ކާމިޔާބު ކޮށްދީގެން ކަމަށެވެ.
މާރިޔާގެ ވާހަކަފުޅުގައި ފާހަގަކުރެއްވި ގޮތުގައި، ވޭތުވެދިޔަ ދެ އަހަރެއްހާ ދުވަހުގެ ތެރޭގައި ރައްޔިތުންގެ މަޖިލީހުން 170 ބިލިއަން ރުފިޔާގެ ބަޖެޓެއް ފާސްކޮށްދީފައިވީ ނަމަވެސް، ރަށުގެ ތަރައްގީއަށް އެދެވޭ އެއްވެސް މަސައްކަތެއް ކުރެވިފައި ނުވެއެވެ. އޭނާ ވިދާޅުވީ، ރަށުގެ ތާރު އެޅުމާއި، އެއާޕޯޓްގެ މަސައްކަތްތަކާއި، ގެސްޓްހައުސް ސިޔާސަތަކީވެސް އެމްޑީޕީގެ ވެރިކަމުގައި ފެށިފައިވާ ކަންކަން ކަމަށެވެ.
މި ސަރުކާރުން ހުރިހާ ކަމެއްގައި "ސަރުކާރާ ގުޅިގެން" ނޫނީ ކަންކަން ނުވާނެ ކަމަށް ބުނެ ރައްޔިތުންނަށް ބިރުދައްކަމުންދާ ކަމަށްވެސް އޭނާ ތުހުމަތު ކުރެއްވިއެވެ.
ޚާއްސަކޮށް، ރައީސް ޑރ. މުހައްމަދު މުއިއްޒު ތުރުކީއަށް ކުރެއްވި ދަތުރުފުޅަށްފަހު، ރޯދަމަހަށް ތުރުކީން ކާބޯތަކެތި އަންނާނެ ކަމަށް ވިދާޅުވި ވިދާޅުވުމަށް މާރިޔާ ވަނީ ވަރަށް ބޮޑަށް ފާޑުވިދާޅުވެފައެވެ.
ޖަލްސާ ނިންމަވާލައްވަމުން މާރިޔާ ވަނީ، ކުރިއަށް އޮތް އިންތިޚާބުގައި އެމްޑީޕީގެ "ތިލަފަތަށް" ވޯޓު ދެއްވުމަށާއި، ސަރުކާރުގެ ނުފޫޒުތަކަށް "ނޫނެކޭ" ބުނުމަށް ފުވައްމުލަކުގެ ރައްޔިތުންނަށް ގޮވާލައްވާފައެވެ. އޭނާ ވިދާޅުވީ، ރާއްޖޭގެ އިއްޒަތާއި ކަރާމާތް ދިފާއުކުރެވެން އޮތީ އެމްޑީޕީއަށް މި އިންތިޚާބު ކާމިޔާބު ކޮށްދީގެން ކަމަށެވެ.
ކިޔުންތެރިންގެ ހިޔާލު