އެމްޑީޕީގެ ޗެއާޕާސަން އިންތިހާބުގައި ވާދަކުރައްވާ މީކާއީލް އަހުމަދު ނަސީމް ބޮޑުތަނުން އެ އިންތިހާބު ކާމިޔާބު ކުރައްވާތަން ފެންނަމުންދާ ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ މެންބަރު މައުރޫފް ޒާކިރު (މަޓޭ) ވިދާޅުވެއްޖެއެވެ.

މައުރޫފް މިހެން ވިދާޅުވީ މިއަދު އެކްސްގައި ކުރެއްވި ޕޯސްޓެއްގައެވެ.އެކްސްގައި ކުރެއްވި ޕޯސްޓުގައި މައުރޫފް ވިދާޅުވީ، އިރާދަކުރެއްވިއްޔާ މީކާއީލް މި އިންތިހާބު ބޮޑުތަނުން ކާމިޔާބު ކުރައްވާތަން މިހާރު ފެންނަން ފަށާފައިވާ ކަމަށެވެ.

އަދި 2023 ވަނަ އަހަރު ޕާޓީގެ ތެރެއިން ކަންކަން ގެއްލުވާލައި، ޕާޓީ ރޫޅާލި ގޮތަށް، އަލުން އެފަދަ ފުރުސަތެއް މިފަހަރު ދެވެން ނެތް ކަމަށް ވެސް މައުރޫފްގެ ޕޯސްޓުގައި ވަނީ ބަޔާންކުރައްވާފައެވެ.

އިރާދަކުރެއްވިތީ ބޮޑުތަނުން މި އިންތިހާބް މީކާއީލް ކާމިޔާބު ކުރާތަން ފެންނަންފަށައިފި! 2023 ގެއްލުވާލާ ޕާޓީ ރޫޅާލިހެން އަލުން އެފުރުސަތު ދެވޭކަށްނެތް! https://t.co/K52fsifFcs

— Mauroof-TEAM (@MateyZakir) May 23, 2026

މައުރޫފްގެ މި ޕޯސްޓާއެކު ސިޔާސީ މަސްރަހުގައި ބޮޑު ސަމާލުކަމެއް ވަނީ ލިބިފައެވެ.

ހާއްސަކޮށް އެމްޑީޕީގެ އެތެރޭގެ މަސްރަހާއި ކުރިއަށް އޮތް ލޯކަލް ކައުންސިލް އިންތިހާބުތަކަށް އަމާޒުކޮށް ސިޔާސީ ބޭފުޅުން ގެންދަވަނީ ޚިޔާލު ފާޅުކުރައްވަމުންނެވެ.