2022 ވަނަ އަހަރުގެ ފީފާ ވޯލްޑް ކަޕް ބޭއްވި ގައުމުގެ ހައިސިއްޔަތުން އެ މުބާރާތުގައި ފުރަތަމަ ފަހަރަށް ވާދަކުރުމަށްފަހު، ގަތަރުން ވަނީ އޭޝިއާ ސަރަހައްދުގެ ކޮލިފައިންގެ ހަތަރުވަނަ ބުރު ކާމިޔާބުކޮށް، ފުރަތަމަ ފަހަރަށް އަމިއްލަ ހުނަރުން ވޯލްޑް ކަޕަށް ކޮލިފައިވެފައެވެ. ކޯޗު ހޫލެން ލޮޕެޓެގީގެ އިރުޝާދުގެ ދަށުން ކުޅުނު ގަތަރު ޓީމު، އޮމާނާ އެއްވަރުވުމަށްފަހު އަވަށްޓެރި ޔުނައިޓެޑް އެރަބް އެމިރޭޓްސް (ޔޫ.އޭ.އީ) އަތުން 2-1 އިން މޮޅުވެ، ގްރޫޕުގެ އެއްވަނަ ހޯދިއެވެ. މިއާއެކު ދުނިޔޭގެ އެންމެ ބޮޑު ފުޓްބޯޅަ މުބާރާތުން ގަތަރަށް މިވަނީ ޖެހިޖެހިގެން ދެވަނަ ފުރުސަތެއް ލިބިފައެވެ.
2022 ވަނަ އަހަރުގެ ފީފާ ވޯލްޑް ކަޕް ގަތަރުން ބޭއްވީ، ފުރިހަމަ އިންތިޒާމުތަކަކާއި މެހެމާންދާރީއާއެކު، މުޅި ދުނިޔޭގެ ސަމާލުކަން ގަލްފް ސަރަހައްދަށް ހުއްޓުވާލި އާދަޔާޚިލާފު މުބާރާތެއްގެ ގޮތުގައެވެ. ދުނިޔޭގެ އެންމެ ޝަރަފުވެރި މުބާރާތުގައި ފުރަތަމަ ފަހަރަށް ވާދަކުރި ގަތަރުގެ "މަރޫންސް" އަށް، އަމިއްލަ ފަސްގަނޑުގައި ދުނިޔޭގެ ވަރުގަދަ ޓީމުތަކާ ދެކޮޅަށް ކުޅެ، ސަޕޯޓަރުންގެ ކުރިމަތީގައި އަގުހުރި ތަޖުރިބާތަކެއް ލިބިގެން ދިޔައެވެ.
މިހާރު ގަތަރުން ތައްޔާރުވަމުންދަނީ އެ ގައުމުގެ ފުޓްބޯޅަ ތާރީޚުގައި އާ ސަފުހާއެއް ލިޔުމަށެވެ. މިފަހަރު އެ ގައުމު ކޮލިފައިވީ މުބާރާތް ބާއްވާ ގައުމުގެ އިމްތިޔާޒުގެ ބަދަލުގައި، ދަނޑުމަތީގައި ދެއްކި މޮޅު ކުޅުމުންނެވެ. ތަޖުރިބާކާރު ކުޅުންތެރިންނާއި ޒުވާން ހުނަރުވެރިން ހިމެނޭ މި ޓީމުގެ އަމާޒަކީ، 2022 ގެ ބައިވެރިވުމަކީ ފުޓްބޯޅައިގެ އެންމެ މަތީ ފަންތީގައި ގަތަރުން ދެމިތިބުމަށް ފެށި ދަތުރެއްކަން ސާބިތުކޮށްދިނުމެވެ.
2025 ވަނަ އަހަރުގެ މޭ މަހު ގަތަރުގެ ގައުމީ ޓީމާ ހަވާލުވި ހޫލެން ލޮޕެޓެގީ، މަދު މަސްތަކެއްގެ ތެރޭގައި އެ ޓީމު 2026 ގެ ވޯލްޑް ކަޕަށް ކޮލިފައިކޮށްދިނެވެ. މިއީ އާންމު ކޮލިފައިން މަރުހަލާއެއް ކަޑަތުކޮށް ގަތަރު ވޯލްޑް ކަޕަށް ކޮލިފައިވި ފުރަތަމަ ފަހަރެވެ. ލޮޕެޓެގީ އައްޔަންކުރުމަކީ ގަތަރު ފުޓްބޯޅަ އެސޯސިއޭޝަނުން ގެންގުޅޭ ތަރައްގީގެ ސިޔާސަތުގެ ބައެކެވެ. އޭނާއަކީ ދުނިޔޭގެ ބޮޑެތި ކްލަބުތަކާއި ގައުމީ ޓީމުތަކަށް އިރުޝާދު ދީފައިވާ ވަރަށް ތަޖުރިބާކާރު ކޯޗެކެވެ.
ލޮޕެޓެގީގެ ކާމިޔާބީތަކަށް ބަލާއިރު، 2016 އިން 2018 އަށް އޭނާ ވަނީ ސްޕެއިންގެ ގައުމީ ޓީމަށް އިރުޝާދުދީ، އެއްވެސް މެޗަކުން ބަލިނުވެ 2018 ގެ ވޯލްޑް ކަޕަށް އެ ގައުމު ކޮލިފައިކޮށްދީފައެވެ. އޭގެ ފަހުން ރެއާލް މެޑްރިޑާއި ސެވިއްޔާއަށް ކޯޗުކޮށްދީ، ސެވިއްޔާއާއެކު 2020 ވަނަ އަހަރުގެ ޔޫއެފާ ޔޫރޮޕާ ލީގު ކާމިޔާބުކުރިއެވެ. މީގެ އިތުރުން އިނގިރޭސި ޕްރިމިއާ ލީގުގެ ވުލްވްްސް އަދި ވެސްޓް ހޭމް ޔުނައިޓެޑުގައިވެސް އޭނާ މަސައްކަތް ކުރިއެވެ.
ކުރިން ގޯލްކީޕަރެއްގެ ގޮތުގައި ފެނިގެންދިޔަ ލޮޕެޓެގީއަކީ ރެއާލް މެޑްރިޑް އެކަޑަމީން އުފެދުނު ކުޅުންތެރިއެކެވެ. އޭނާ ވަނީ ބާސެލޯނާ އާއި ރަޔޯ ވަޔެކާނޯއަށް ކުޅުމުގެ އިތުރުން 1990 ގެ މެދުތެރޭގައި ސްޕެއިންގެ ގައުމީ ޓީމަށްވެސް ކުޅެފައެވެ. ލޮޕެޓެގީއަކީ ކަންކަމުގައި މަޑުމައިތިރި، ނަމަވެސް ޓެކްޓިކަލް ގޮތުން ވަރަށް ފުންނާބު އުސް މީހެކެވެ. މި ސިފަތައް މިހާރު ގަތަރުގެ ކުޅުމުގެ ވައްޓަފާޅިންވެސް ދަނީ ފެންނަމުންނެވެ.
ވޯލްޑް ކަޕްގައި ގަތަރުގެ މެޗުތައް:
13 ޖޫން: ގަތަރު - ސްވިޒަލޭންޑް (ސެން ފްރެންސިސްކޯ ބޭ އޭރިއާ ސްޓޭޑިއަމް)
18 ޖޫން: ކެނެޑާ - ގަތަރު (ބީ.ސީ ޕްލޭސް ވެންކޫވަރ)
24 ޖޫން: ބޮސްނިއާ އެންޑް ހެރްޒެގޮވިނާ - ގަތަރު (ސިއެޓްލް ސްޓޭޑިއަމް)
އޭޝިއާ ކޮލިފައިންގެ ހަތަރުވަނަ ބުރުގައި، އޮކްޓޫބަރު 14 ވަނަ ދުވަހު ޔޫ.އޭ.އީ އަތުން 2-1 އިން މޮޅުވެ، ގަތަރުން ވަނީ ވޯލްޑް ކަޕްގެ ސީދާ ޖާގައެއް ކަށަވަރުކޮށްފައެވެ. މި މެޗުގައި ގަތަރުގެ ބޫލަމް ޚޫޚީ އަދި ޕެޑްރޯ މިގޭލް ބޮލުން ޖެހި ދެ ލަނޑާއެކު، އެ ޓީމަށް ގްރޫޕުގެ އެއްވަނަ ލިބުނެވެ.
ކޮލިފައިންގެ ފެށުމުން ފެށިގެން ގަތަރުން ދިޔައީ ވަރުގަދަ ކުޅުމެއް ދައްކަމުންނެވެ. ދެވަނަ ބުރުގައި ކުޅުނު މެޗުތަކުގެ ތެރެއިން ފަސް މެޗުން މޮޅުވެ، އެއް މެޗު އެއްވަރުވެ، އެންމެ މެޗަކުން ބަލިވެގެން 16 ޕޮއިންޓާއެކު ގްރޫޕުގެ އެއްވަނަ ހޯދިއެވެ. ތިންވަނަ ބުރުގައިވެސް ރަނގަޅު ކުޅުމެއް ދެއްކި ނަމަވެސް، އީރާނާއި އުޒްބެކިސްތާނަށް ފަހު ހަތަރުވަނަ ލިބުމުން، ޖެހުނީ ހަތަރުވަނަ ބުރުގައި ވާދަކުރާށެވެ. ލޮޕެޓެގީގެ އިރުޝާދުގެ ދަށުން އެ ބުރުގައި ދެއްކި ހިތްވަރާއެކު، އޮމާނާއި ޔޫ.އޭ.އީ އާ ދެކޮޅަށް ކުޅުނު ދެ މެޗުން ހަތަރު ޕޮއިންޓް ހޯދައި، ހައްގު ޝަރަފާއެކު ވޯލްޑް ކަޕަށް ކޮލިފައިވިއެވެ.
ޤަތަރުން 2022 ވަނަ އަހަރުގެ ވޯލްޑްކަޕްގައި އަލް ބައިތު ސްޓޭޑިއަމްގައި 67،000 އަށްވުރެ ގިނަ ސަޕޯޓަރުންގެ ކުރިމަތީގައި ކުޅުނު ފުރަތަމަ މެޗަކީ ގަތަރުގެ ފުޓްބޯޅަ ތާރީޚުގައި ފާހަގަކޮށްލެވޭނެ ތާރީޚީ ވަގުތެކެވެ. ގިނަ އަހަރުތަކެއްގެ އިންތިޒާރަށްފަހު، އަމިއްލަ ގައުމުގައި ވޯލްޑް ކަޕްގެ ފުރަތަމަ މެޗު ކުޅުމުގެ ފުރުސަތު ލިބުނީ އުފާވެރި މާހައުލެއްގައެވެ. ފެލިކްސް ސަންޗޭޒްގެ އިރުޝާދުގެ ދަށުން، އެކުއެޑޯއާ ދެކޮޅަށް ކުޅުނު ފުރަތަމަ މެޗުން ގަތަރު ބަލިވީ 2-0 އިންނެވެ. ދެވަނަ މެޗުގައި ސެނެގޯލާ ދެކޮޅަށް ރަނގަޅަށް ކުޅުނު ނަމަވެސް، 3-1 އިން ބަލިވީއެވެ. ގްރޫޕް ސްޓޭޖުގެ ފަހު މެޗުގައި ނެދަލޭންޑްސް އަތުން ބަލިވީ 2-0 އިންނެވެ.
މުބާރާތުގެ ގްރޫޕް ސްޓޭޖުން އެއްވެސް ޕޮއިންޓެއް ނުލިބި ކެޓި ނަމަވެސް، ގަތަރަށް ލިބުނު އެންމެ ބޮޑު ކާމިޔާބީއަކީ ތަފާތު ތިން ބައްރުގެ ވަރުގަދަ ޓީމުތަކާ ދެކޮޅަށް ކުޅެގެން ލިބުނު ތަޖުރިބާއެވެ. މިއީ ހަތަރު އަހަރު ފަހުން، 2026 ގެ ވޯލްޑް ކަޕަށް އަމިއްލަ ހުނަރުން ކޮލިފައިވުމަށް އެޅުނު ވަރުގަދަ ބިންގަލެކެވެ.
މުހައްމަދު މުންތާރީގެ ނަން ގަތަރުގެ ފުޓްބޯޅަ ތާރީޚުގައި ލިޔެވިގެންދިޔައީ، ވޯލްޑް ކަޕެއްގައި އެ ގައުމުން ޖެހި ފުރަތަމަ ލަނޑު އޭނާ ކާމިޔާބު ކުރުމުންނެވެ. 2022 ގެ މުބާރާތުގައި ސެނެގޯލާ ދެކޮޅަށް ކުޅުނު މެޗުގެ 78 ވަނަ މިނެޓުގައި، އިސްމާއީލް މުހައްމަދު ނަގައިދިން ހުރަހަކުން އޭނާ މި ލަނޑު ޖެހީ ބޮލުންނެވެ.
ގަތަރުން 2022 ގެ ވޯލްޑް ކަޕްގައި ކުޅުނު ތިން މެޗުގެ ކޮންމެ މިނެޓެއްގައި (ޖުމްލަ 270 މިނެޓު) ދަނޑުމަތީގައި ހޭދަކުރީ އަބްދުލްކަރީމް ހަސަން، ބޫލަމް ޚޫޚީ އަދި އަކްރަމް އަފީފެވެ. މިއީ އެ ގައުމުގެ ވޯލްޑް ކަޕް ތާރީޚުގައި މިހާތަނަށް އެންމެ ގިނަ ވަގުތު ކުޅުނު ތިން ކުޅުންތެރިންނެވެ.
މިހާރު ގަތަރުން ތައްޔާރުވަމުންދަނީ އެ ގައުމުގެ ފުޓްބޯޅަ ތާރީޚުގައި އާ ސަފުހާއެއް ލިޔުމަށެވެ. މިފަހަރު އެ ގައުމު ކޮލިފައިވީ މުބާރާތް ބާއްވާ ގައުމުގެ އިމްތިޔާޒުގެ ބަދަލުގައި، ދަނޑުމަތީގައި ދެއްކި މޮޅު ކުޅުމުންނެވެ. ތަޖުރިބާކާރު ކުޅުންތެރިންނާއި ޒުވާން ހުނަރުވެރިން ހިމެނޭ މި ޓީމުގެ އަމާޒަކީ، 2022 ގެ ބައިވެރިވުމަކީ ފުޓްބޯޅައިގެ އެންމެ މަތީ ފަންތީގައި ގަތަރުން ދެމިތިބުމަށް ފެށި ދަތުރެއްކަން ސާބިތުކޮށްދިނުމެވެ.
2025 ވަނަ އަހަރުގެ މޭ މަހު ގަތަރުގެ ގައުމީ ޓީމާ ހަވާލުވި ހޫލެން ލޮޕެޓެގީ، މަދު މަސްތަކެއްގެ ތެރޭގައި އެ ޓީމު 2026 ގެ ވޯލްޑް ކަޕަށް ކޮލިފައިކޮށްދިނެވެ. މިއީ އާންމު ކޮލިފައިން މަރުހަލާއެއް ކަޑަތުކޮށް ގަތަރު ވޯލްޑް ކަޕަށް ކޮލިފައިވި ފުރަތަމަ ފަހަރެވެ. ލޮޕެޓެގީ އައްޔަންކުރުމަކީ ގަތަރު ފުޓްބޯޅަ އެސޯސިއޭޝަނުން ގެންގުޅޭ ތަރައްގީގެ ސިޔާސަތުގެ ބައެކެވެ. އޭނާއަކީ ދުނިޔޭގެ ބޮޑެތި ކްލަބުތަކާއި ގައުމީ ޓީމުތަކަށް އިރުޝާދު ދީފައިވާ ވަރަށް ތަޖުރިބާކާރު ކޯޗެކެވެ.
ލޮޕެޓެގީގެ ކާމިޔާބީތަކަށް ބަލާއިރު، 2016 އިން 2018 އަށް އޭނާ ވަނީ ސްޕެއިންގެ ގައުމީ ޓީމަށް އިރުޝާދުދީ، އެއްވެސް މެޗަކުން ބަލިނުވެ 2018 ގެ ވޯލްޑް ކަޕަށް އެ ގައުމު ކޮލިފައިކޮށްދީފައެވެ. އޭގެ ފަހުން ރެއާލް މެޑްރިޑާއި ސެވިއްޔާއަށް ކޯޗުކޮށްދީ، ސެވިއްޔާއާއެކު 2020 ވަނަ އަހަރުގެ ޔޫއެފާ ޔޫރޮޕާ ލީގު ކާމިޔާބުކުރިއެވެ. މީގެ އިތުރުން އިނގިރޭސި ޕްރިމިއާ ލީގުގެ ވުލްވްްސް އަދި ވެސްޓް ހޭމް ޔުނައިޓެޑުގައިވެސް އޭނާ މަސައްކަތް ކުރިއެވެ.
ކުރިން ގޯލްކީޕަރެއްގެ ގޮތުގައި ފެނިގެންދިޔަ ލޮޕެޓެގީއަކީ ރެއާލް މެޑްރިޑް އެކަޑަމީން އުފެދުނު ކުޅުންތެރިއެކެވެ. އޭނާ ވަނީ ބާސެލޯނާ އާއި ރަޔޯ ވަޔެކާނޯއަށް ކުޅުމުގެ އިތުރުން 1990 ގެ މެދުތެރޭގައި ސްޕެއިންގެ ގައުމީ ޓީމަށްވެސް ކުޅެފައެވެ. ލޮޕެޓެގީއަކީ ކަންކަމުގައި މަޑުމައިތިރި، ނަމަވެސް ޓެކްޓިކަލް ގޮތުން ވަރަށް ފުންނާބު އުސް މީހެކެވެ. މި ސިފަތައް މިހާރު ގަތަރުގެ ކުޅުމުގެ ވައްޓަފާޅިންވެސް ދަނީ ފެންނަމުންނެވެ.
ވޯލްޑް ކަޕްގައި ގަތަރުގެ މެޗުތައް:
13 ޖޫން: ގަތަރު - ސްވިޒަލޭންޑް (ސެން ފްރެންސިސްކޯ ބޭ އޭރިއާ ސްޓޭޑިއަމް)
18 ޖޫން: ކެނެޑާ - ގަތަރު (ބީ.ސީ ޕްލޭސް ވެންކޫވަރ)
24 ޖޫން: ބޮސްނިއާ އެންޑް ހެރްޒެގޮވިނާ - ގަތަރު (ސިއެޓްލް ސްޓޭޑިއަމް)
އޭޝިއާ ކޮލިފައިންގެ ހަތަރުވަނަ ބުރުގައި، އޮކްޓޫބަރު 14 ވަނަ ދުވަހު ޔޫ.އޭ.އީ އަތުން 2-1 އިން މޮޅުވެ، ގަތަރުން ވަނީ ވޯލްޑް ކަޕްގެ ސީދާ ޖާގައެއް ކަށަވަރުކޮށްފައެވެ. މި މެޗުގައި ގަތަރުގެ ބޫލަމް ޚޫޚީ އަދި ޕެޑްރޯ މިގޭލް ބޮލުން ޖެހި ދެ ލަނޑާއެކު، އެ ޓީމަށް ގްރޫޕުގެ އެއްވަނަ ލިބުނެވެ.
ކޮލިފައިންގެ ފެށުމުން ފެށިގެން ގަތަރުން ދިޔައީ ވަރުގަދަ ކުޅުމެއް ދައްކަމުންނެވެ. ދެވަނަ ބުރުގައި ކުޅުނު މެޗުތަކުގެ ތެރެއިން ފަސް މެޗުން މޮޅުވެ، އެއް މެޗު އެއްވަރުވެ، އެންމެ މެޗަކުން ބަލިވެގެން 16 ޕޮއިންޓާއެކު ގްރޫޕުގެ އެއްވަނަ ހޯދިއެވެ. ތިންވަނަ ބުރުގައިވެސް ރަނގަޅު ކުޅުމެއް ދެއްކި ނަމަވެސް، އީރާނާއި އުޒްބެކިސްތާނަށް ފަހު ހަތަރުވަނަ ލިބުމުން، ޖެހުނީ ހަތަރުވަނަ ބުރުގައި ވާދަކުރާށެވެ. ލޮޕެޓެގީގެ އިރުޝާދުގެ ދަށުން އެ ބުރުގައި ދެއްކި ހިތްވަރާއެކު، އޮމާނާއި ޔޫ.އޭ.އީ އާ ދެކޮޅަށް ކުޅުނު ދެ މެޗުން ހަތަރު ޕޮއިންޓް ހޯދައި، ހައްގު ޝަރަފާއެކު ވޯލްޑް ކަޕަށް ކޮލިފައިވިއެވެ.
ޤަތަރުން 2022 ވަނަ އަހަރުގެ ވޯލްޑްކަޕްގައި އަލް ބައިތު ސްޓޭޑިއަމްގައި 67،000 އަށްވުރެ ގިނަ ސަޕޯޓަރުންގެ ކުރިމަތީގައި ކުޅުނު ފުރަތަމަ މެޗަކީ ގަތަރުގެ ފުޓްބޯޅަ ތާރީޚުގައި ފާހަގަކޮށްލެވޭނެ ތާރީޚީ ވަގުތެކެވެ. ގިނަ އަހަރުތަކެއްގެ އިންތިޒާރަށްފަހު، އަމިއްލަ ގައުމުގައި ވޯލްޑް ކަޕްގެ ފުރަތަމަ މެޗު ކުޅުމުގެ ފުރުސަތު ލިބުނީ އުފާވެރި މާހައުލެއްގައެވެ. ފެލިކްސް ސަންޗޭޒްގެ އިރުޝާދުގެ ދަށުން، އެކުއެޑޯއާ ދެކޮޅަށް ކުޅުނު ފުރަތަމަ މެޗުން ގަތަރު ބަލިވީ 2-0 އިންނެވެ. ދެވަނަ މެޗުގައި ސެނެގޯލާ ދެކޮޅަށް ރަނގަޅަށް ކުޅުނު ނަމަވެސް، 3-1 އިން ބަލިވީއެވެ. ގްރޫޕް ސްޓޭޖުގެ ފަހު މެޗުގައި ނެދަލޭންޑްސް އަތުން ބަލިވީ 2-0 އިންނެވެ.
މުބާރާތުގެ ގްރޫޕް ސްޓޭޖުން އެއްވެސް ޕޮއިންޓެއް ނުލިބި ކެޓި ނަމަވެސް، ގަތަރަށް ލިބުނު އެންމެ ބޮޑު ކާމިޔާބީއަކީ ތަފާތު ތިން ބައްރުގެ ވަރުގަދަ ޓީމުތަކާ ދެކޮޅަށް ކުޅެގެން ލިބުނު ތަޖުރިބާއެވެ. މިއީ ހަތަރު އަހަރު ފަހުން، 2026 ގެ ވޯލްޑް ކަޕަށް އަމިއްލަ ހުނަރުން ކޮލިފައިވުމަށް އެޅުނު ވަރުގަދަ ބިންގަލެކެވެ.
ގަތަރުން 2022 ގެ ވޯލްޑް ކަޕްގައި ކުޅުނު ތިން މެޗުގެ ކޮންމެ މިނެޓެއްގައި (ޖުމްލަ 270 މިނެޓު) ދަނޑުމަތީގައި ހޭދަކުރީ އަބްދުލްކަރީމް ހަސަން، ބޫލަމް ޚޫޚީ އަދި އަކްރަމް އަފީފެވެ. މިއީ އެ ގައުމުގެ ވޯލްޑް ކަޕް ތާރީޚުގައި މިހާތަނަށް އެންމެ ގިނަ ވަގުތު ކުޅުނު ތިން ކުޅުންތެރިންނެވެ.
ކިޔުންތެރިންގެ ހިޔާލު