ވެރިކަމާ ޙަވާލުވެ، ވަޢުދުތައް ފުއްދުމުގެ ޢަމަލީ މަސައްކަތް ފަށައިގަތީ، ވަރަށް ފުރިހަމަ ރޭވުންތެރިކަމެއްގެ ދަށުން ކަމަށާއި، ނަމަވެސް ކޯވިޑް-19 ހުރިހާ ކަމަކަށް ހުރަސް އަޅާފައިވާ ކަމަށް ރައީސުލް ޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
މިއަދު ފާހަގަކުރަމުންދާ ދިވެހިރާއްޖޭގެ 53 ވަނަ ޖުމްހޫރީ ދުވަހުގެ ތަހުނިޔާ ދިވެހިރާއްޖޭގެ ލޮބުވެތި ރައްޔިތުންނަށް ފޮނުއްވަވައި ރައީސް އިބްރާހިމް މުޙައްމަދު ޞާލިޙް ދެއްވި ޚިޠާބްގައި ވިދާޅުވީ، މިއަހަރުގެ ޖުމްހޫރީ ދުވަސް ފާހަގަކުރާއިރު، މިތިބެވުނީ، ދިވެހި ޖުމްހޫރިއްޔާގެ ހަތް ވަނަ ވެރިކަމަށް، ދެ އަހަރު ފުރުމާ އެންމެ 6 ދުވަހާ ކައިރިއަށް އާދެވިފައި ކަމަށެވެ. ނަމަވެސް ރޭވުންތެރިކަމާއެކު ފެށި ވެރިކަމަށް ކޯވިޑް-19 ގެ ސަބަބުން ހުރަސްއެޅިފައިވާ ކަމަށް ރައީސް ޞާލިޙް ވިދާޅުވިއެވެ.
"ރައްޔިތުން ކުރި އިތުބާރާއެކު، އަޅުގަނޑުމެން ވެރިކަމާ ޙަވާލުވެ، ވަޢުދުތައް ފުއްދުމުގެ ޢަމަލީ މަސައްކަތް ފަށައިގަތީ، ވަރަށް ފުރިހަމަ ރޭވުންތެރިކަމެއްގެ ދަށުން. ނަމަވެސް، މުޅި ދުނިޔެ ބަނަކުރަމުން ދިޔަ ކޯވިޑް-19ގެ ވިލާގަނޑު، މިއަހަރުގެ މާރިޗް މަހު ރާއްޖެއަށް ހިޔަނި އެޅުމާ ގުޅިގެން، އަޅުގަނޑުމެންގެ ހުރިހާ ކަމަކަށް ހުރަސް އެޅިގެން ދިޔަ." ރައީސް އިބްރާހީމް ވިދާޅުވިއެވެ.
ސަރުކާރުން މިވަގުތު އަސާސީ ޚިދުމަތްތައް ފޯރުކޮށްދެމުން ގެންދަނީ ކޯވިޑް-19އާ ދެކޮޅަށް މަސައްކަތްކުރަމުން ކަމަށާއި، ސަރުކާރުގެ އެއްވެސް މުވައްޒަފަކު ވަކިނުކޮށް، އަދި އެއްވެސް މުވައްޒަފެއްގެ މުސާރަވެސް ކުޑަނުކޮށް ކަން ރައީސް ފާހަގަކުރެއްވިއެވެ. މީގެ އިތުރުން ވަޒީފާ ގެއްލުނު މީހުންނަށް އެހީތެރިވުމާއެކު، ވިޔަފާރިތަކަށްވެސް އެހީތެރިކަން ފޯރުކޮށްދެމުން އަންނަކަން ރައީސް ފާހަގަކުރެއްވިއެވެ.
"ކޯވިޑްގެ މި ޙާލަތުގައިވެސް މާތް ﷲގެ ހެޔޮ ރަޙްމަތްފުޅު އަޅުގަނޑުމެންނަށް ވަރަށް ބޮޑު. ކާޑުގެ ބާވަތްތަކާއި ކެއިންބުއިމަށް ބޭނުންވާ އަސާސީ ތަކެތި ލިބުމުގައި އަޅުގަނޑުމެންނަށް އެއްވެސް ދަތިކަމެއް ނެތް. އަދި ބޭސްފަރުވާއަށް ބޭނުންވާ ސާމާނާއި ވަސީލަތްތައް ލިބުމުގައިވެސް، ރައްޔިތުންގެ ފުރާނަ ނުރައްކަލަށް ހުށަހެޅިގެންދާ ވަރުގެ ބޮޑު ދަތިކަމަކާ ކުރިމައްޗެއް ނުވެ." ރައީސް އިބްރާހީމް ވިދާޅުވިއެވެ.
ރައީސް ވިދާޅުވީ، ކޯވިޑް-19 މިވަގުތު ކޮންޓްރޯލް ކުރެވިފައިވާ މަދު ޤައުމުތަކުގެ ތެރޭގައި ރާއްޖެ ހިމެނިފައިވަނީ، ރާއްޖޭގެ ޞިއްޙީ ޚިދުމަތްތެރިންގެ ވަރަށް ބުރަ މަސައްކަތުން ކަމަށާއި، އަދި، މި ބަލި ކޮންޓްރޯލް ކުރުމަށް އެޅި ފިޔަވަޅުތައް ތަންފީޒުކުރުމުގައި، ރައްޔިތުން ދެއްވި ފުރިހަމަ އެއްބާރުލުމާއި އެހީތެރިކަމުގެ ސަބަބުން ކަމަށެވެ.
އެހެންނަމަވެސް، މި ހޯދުނު ކާމިޔާބީ އެ ގޮތުގައި ދެމެހެއްޓޭނީ، އަދި މިބަލި ރާއްޖެއިން ނައްތައިލެވޭނީ، އެޗް.ޕީ.އޭގެ ލަފަޔާއި އިރުޝާދުތަކާ އެއްގޮތަށް، ލޮބުވެތި ރައްޔިތުންގެ ޢަމަލުތައް ކުރިމަގުގައި ވެސް ބަހައްޓަވައިގެން ކަމަށް ވިދާޅުވެ، ރައީސްގެ ޚިޠާބުގައި ވަނީ ކޯވިޑް-19އާ ދެކޮޅަށް މަސައްކަތްކުރަމުން އަންނަ މުޅި ޓީމުގައި ހިމެނޭ އެންމެހައި ބޭފުޅުންނަށް ޝުކުރު ދަންނަވާފައެވެ.
"ރައްޔިތުން ކުރި އިތުބާރާއެކު، އަޅުގަނޑުމެން ވެރިކަމާ ޙަވާލުވެ، ވަޢުދުތައް ފުއްދުމުގެ ޢަމަލީ މަސައްކަތް ފަށައިގަތީ، ވަރަށް ފުރިހަމަ ރޭވުންތެރިކަމެއްގެ ދަށުން. ނަމަވެސް، މުޅި ދުނިޔެ ބަނަކުރަމުން ދިޔަ ކޯވިޑް-19ގެ ވިލާގަނޑު، މިއަހަރުގެ މާރިޗް މަހު ރާއްޖެއަށް ހިޔަނި އެޅުމާ ގުޅިގެން، އަޅުގަނޑުމެންގެ ހުރިހާ ކަމަކަށް ހުރަސް އެޅިގެން ދިޔަ." ރައީސް އިބްރާހީމް ވިދާޅުވިއެވެ.
ސަރުކާރުން މިވަގުތު އަސާސީ ޚިދުމަތްތައް ފޯރުކޮށްދެމުން ގެންދަނީ ކޯވިޑް-19އާ ދެކޮޅަށް މަސައްކަތްކުރަމުން ކަމަށާއި، ސަރުކާރުގެ އެއްވެސް މުވައްޒަފަކު ވަކިނުކޮށް، އަދި އެއްވެސް މުވައްޒަފެއްގެ މުސާރަވެސް ކުޑަނުކޮށް ކަން ރައީސް ފާހަގަކުރެއްވިއެވެ. މީގެ އިތުރުން ވަޒީފާ ގެއްލުނު މީހުންނަށް އެހީތެރިވުމާއެކު، ވިޔަފާރިތަކަށްވެސް އެހީތެރިކަން ފޯރުކޮށްދެމުން އަންނަކަން ރައީސް ފާހަގަކުރެއްވިއެވެ.
"ކޯވިޑްގެ މި ޙާލަތުގައިވެސް މާތް ﷲގެ ހެޔޮ ރަޙްމަތްފުޅު އަޅުގަނޑުމެންނަށް ވަރަށް ބޮޑު. ކާޑުގެ ބާވަތްތަކާއި ކެއިންބުއިމަށް ބޭނުންވާ އަސާސީ ތަކެތި ލިބުމުގައި އަޅުގަނޑުމެންނަށް އެއްވެސް ދަތިކަމެއް ނެތް. އަދި ބޭސްފަރުވާއަށް ބޭނުންވާ ސާމާނާއި ވަސީލަތްތައް ލިބުމުގައިވެސް، ރައްޔިތުންގެ ފުރާނަ ނުރައްކަލަށް ހުށަހެޅިގެންދާ ވަރުގެ ބޮޑު ދަތިކަމަކާ ކުރިމައްޗެއް ނުވެ." ރައީސް އިބްރާހީމް ވިދާޅުވިއެވެ.
އެހެންނަމަވެސް، މި ހޯދުނު ކާމިޔާބީ އެ ގޮތުގައި ދެމެހެއްޓޭނީ، އަދި މިބަލި ރާއްޖެއިން ނައްތައިލެވޭނީ، އެޗް.ޕީ.އޭގެ ލަފަޔާއި އިރުޝާދުތަކާ އެއްގޮތަށް، ލޮބުވެތި ރައްޔިތުންގެ ޢަމަލުތައް ކުރިމަގުގައި ވެސް ބަހައްޓަވައިގެން ކަމަށް ވިދާޅުވެ، ރައީސްގެ ޚިޠާބުގައި ވަނީ ކޯވިޑް-19އާ ދެކޮޅަށް މަސައްކަތްކުރަމުން އަންނަ މުޅި ޓީމުގައި ހިމެނޭ އެންމެހައި ބޭފުޅުންނަށް ޝުކުރު ދަންނަވާފައެވެ.
ކިޔުންތެރިންގެ ހިޔާލު