ރައީސް އަބްދުﷲ ޔާމީން އަބްދުލްގައްޔޫމް ވެރިކަމުން ވަޑައިގެންނެވީ އެމަނިކުފާނުގެ ވެރިކަމުގައި ނުއަގުގައި ވިއްކި 85 ރަށްތަކުގެ ފައިސާކޮޅު ވެސް ހިއްޕަވައިގެން ކަމަށް ރައީސް އިބްރާހިމް މުހައްމަދު ޞާލިޙް ވިދާޅުވެއްޖެ އެވެ.
އެމަނިކުފާން މިހެން ވިދާޅުވީ ހޯރަފުށީ އެއާޕޯޓު ހުޅުވުމަށް ބޭއްވި ރަސްމިއްޔާތުގައި ވާހަކަދައްކަވަމުންނެވެ. ރައީސް ވިދާޅުވީ ކުރީ ސަރުކާރުން 85 ރަށް ރިސޯޓު ހެދުމުގެ ނަމުގައި ވިއްކާފައިވާ ކަމަށާއި، އެރަށްތަށް ހެދިފައި ނުވާކަމަށެވެ. އަދި އެރަށްތަކުން ދަޢުލަތަށް ޢާމްދަނީއެއްވެސް ނުލިބޭ ކަމަށް ރައީސް ވިދާޅުވިއެވެ.
ރައީސް ވިދާޅުވީ މި ސަރުކާރުން ރިސޯޓު ހެދުމަށް އެއްވެސް ފަޅު ރަށެއް ދޫކޮށްފައި ނުވާނެ ކަމަށެވެ. އަދި ސަރުކާރުގެ އަމާޒު ސާފު ކަމަށާއި، ސަރުކާރުން މިތިބީ ރައްޔިތުންނަށް ޚިދުމަތްކުރަން އައިސް ކަމަށް ރައީސް ވިދާޅުވިއެވެ.
"ރައީސް ޔާމީންގެ ވެރިކަމުގައި އެ ދޫކުރި ރަށްތަށް ނުއަގުގައި ދޫކޮށް، އެދޫކުރި ރަށްތަކުގެ ފައިސާކޮޅުވެސް ހިފައިގެން ވަޑައިގެންނެވީ. ފައިސާކޮޅުވެސް ހިފައިގެން ވަޑައިގެންނެވީ. އެވެސް ބަޖެޓްގައި ހުރިނަމަތާ މި ދަތިޙާލުގައި އޭގެންވެސް އަޅުގަނޑުމެންނަށް ޚަރަދު ކުރެވޭނީ." ރައީސް ވިދާޅުވިއެވެ.
ސަރުކާރުން ހަރުމުދާ ވިއްކާ ކަމަށް އިދިކޮޅު ފަރާތްތަކުން ކުރަމުންދާ ތުހުމަތުތަކަށް ރައްދުދެއްވަމުން ރައީސް އިބްރާހިމް މުޙައްމަދު ޞާލިޙް ވިދާޅުވީ، އަންނަ އަހަރުގެ ބަޖެޓުގައި މަޝްރޫޢުތައް ހިންގުމަށް ކަނޑައަޅާފައިވާ ޢަދަދުތަކަކީ ހަމަޖެހިފައި ހުރި ފައިސާ ކަމަށެވެ. އަދި އެމަނިކުފާނުގެ ފައިނޭންޝަލް ޓީމަށް ފުރިހަމަ އިތުބާރު އެބައޮތް ކަމަށާއި، އިރާދަކުރެއްވިއްޔާ ހަރުމުދާ ނުވިއްކާ މިރާއްޖެ އަމާން އައްސޭރިއަކަށް ގެންގޮސްދޭނެ ކަމަށް ރައީސް ވިދާޅުވިއެވެ.
ރައީސް ވިދާޅުވީ، ސަރުކާރުން ރައްޔިތުންގެ މަޖިލީހަށް ހުށައަޅާފައިވާ ބަޖެޓަކީ މިއަދުގެ ޙާލަތަށް ބަލައި ހުށައެޅޭނެ އެންމެ ރަނގަޅު ބަޖެޓް ކަމަށެވެ. އެގޮތުން މި ދަތި އުނދަގޫ ވަގުތު ސަރުކާރުން ކޮށްދޭންޖެހޭ އެންމެ މުހިންމު ކަމަކީ ރައްޔިތުންނަށް އެހީތެރިކަން ފޯރުކޮށްދިނުން ކަމަށް ރައީސް ވިދާޅުވިއެވެ. އަދި ވޭތުވެދިޔަ ތަނުގައި އެކަން ވަރަށް ފުރިހަމައަށް ކޮށްފައިވާނެ ކަމަށް އެމަނިކުފާން ވިދާޅުވިއެވެ.
ރައީސް ވިދާޅުވީ މި ސަރުކާރުން ރިސޯޓު ހެދުމަށް އެއްވެސް ފަޅު ރަށެއް ދޫކޮށްފައި ނުވާނެ ކަމަށެވެ. އަދި ސަރުކާރުގެ އަމާޒު ސާފު ކަމަށާއި، ސަރުކާރުން މިތިބީ ރައްޔިތުންނަށް ޚިދުމަތްކުރަން އައިސް ކަމަށް ރައީސް ވިދާޅުވިއެވެ.
"ރައީސް ޔާމީންގެ ވެރިކަމުގައި އެ ދޫކުރި ރަށްތަށް ނުއަގުގައި ދޫކޮށް، އެދޫކުރި ރަށްތަކުގެ ފައިސާކޮޅުވެސް ހިފައިގެން ވަޑައިގެންނެވީ. ފައިސާކޮޅުވެސް ހިފައިގެން ވަޑައިގެންނެވީ. އެވެސް ބަޖެޓްގައި ހުރިނަމަތާ މި ދަތިޙާލުގައި އޭގެންވެސް އަޅުގަނޑުމެންނަށް ޚަރަދު ކުރެވޭނީ." ރައީސް ވިދާޅުވިއެވެ.
ރައީސް ވިދާޅުވީ، ސަރުކާރުން ރައްޔިތުންގެ މަޖިލީހަށް ހުށައަޅާފައިވާ ބަޖެޓަކީ މިއަދުގެ ޙާލަތަށް ބަލައި ހުށައެޅޭނެ އެންމެ ރަނގަޅު ބަޖެޓް ކަމަށެވެ. އެގޮތުން މި ދަތި އުނދަގޫ ވަގުތު ސަރުކާރުން ކޮށްދޭންޖެހޭ އެންމެ މުހިންމު ކަމަކީ ރައްޔިތުންނަށް އެހީތެރިކަން ފޯރުކޮށްދިނުން ކަމަށް ރައީސް ވިދާޅުވިއެވެ. އަދި ވޭތުވެދިޔަ ތަނުގައި އެކަން ވަރަށް ފުރިހަމައަށް ކޮށްފައިވާނެ ކަމަށް އެމަނިކުފާން ވިދާޅުވިއެވެ.
ކިޔުންތެރިންގެ ހިޔާލު