މިހާރު ރާއްޖެ ތަޙައްމަލު ކުރަމުން މިދަނީ ކޯވިޑް-19 ގެ އެންމެ ނުރައްކާތެރި ރާޅު ކަމަށް ހެލްތު އިމަޖެންސީ އޮޕަރޭޝަން ސެންޓަރުގެ ތަރުޖަމާނު ޑރ. ނަޒްލާ ރަފީގު މިއަދު ވިދާޅުވެއްޖެ އެވެ.

ޑރ. ނަޒްލާ ކުރެއްވި ޓުވީޓެއްގައި ވިދާޅުވީ މިއީ ރާއްޖެއަށް ކުރިމަތިވި އެންމެ ނުރައްކާތެރި ރާޅު ކަމަށާއި، މި ރާޅުގެ ސަބަބުން ހޮސްޕިޓަލުގައި އެޑްމިޓްކޮށްގެން ފަރުވަދޭން ޖެހިފައިވާ މީހުންގެ އަދަދު އިންތިހާހަށް ގިނަވެފައިވާ ކަމަށެވެ. އަދި މިވަގުތު ބަލި މީހުންނަށް ފަރުވާދޭން ހުރީ މަދު ޢަދަދެއްގެ އެނދުކަމަށް އޭނާ ވިދާޅުވިއެވެ.

ޑރ. ނަޒްލާ ވަނީ ހުރިހާ ފަރާތްތަކުންގެ އެޗްޕީއޭއިން ކަނޑައަޅާފައިވާ ސަލާމަތީ މިންގަނޑުތަކަށް ތަބާވުމަށް ގޮވާލާފައެވެ. އަދި މިހާރު ފަރުވާކުޑަކޮށްލައިފިނަމަ އަތުނުޖެހޭ ހިސާބަށް ޙާލަތު ގޮސްދާނެ ކަމަށް އޭނާ ވިދާޅުވިއެވެ.

Its unbelievably simple to lower your risk of catching & spreading Covid19:
- wash your hands frequently w/ soap
- wear a mask
- stay 3ft apart from others
- keep your bubble small
- stay home as much as you can

And to protect yourself & others, get tested if you have symptoms

— Nazla Rafeeg (@nazla_r) February 12, 2021

އެޗްޕީއޭގެ އެންމެ ފަހުގެ ތަފާސްހިސާބުތައް ދައްކާގޮތުން އިއްޔެ އެކަނިވެސް ރާއްޖޭގައި 186 މީހުން ވަނީ ކޮވިޑަށް ޕޮޒިޓިވްވެފައެވެ. މިވަގުތު ހޮސްޕިޓަލުގައި އެޑްމިޓްކޮށްގެން 211 މީހަކަށް އަންނަނީ ފަރުވާ ދެމުންނެވެ. ރާއްޖޭގައި އެކްޓިވް ކޭސްގެ އަދަދު ވަނީ 2243 އަށް އަރާފައެވެ.

ކޯވިޑް-19 ގެ ޙާލަތު ރާއްޖޭގައި ވަރަށްބޮޑަށް ގޯސްވެފައިވާއިރު ރާއްޖޭގެ ރަށްރަށުގައި މާސްކް އެޅުން މަޖުބޫރުކޮށް އާއްމު ސިއްޙަތުގެ ކުއްލި ނުރައްކަލުގެ ޙާލަތު އިތުރު އެއްމަސް ދުވަހަށް ވަނީ ދަންމާލާފައެވެ. ސިއްޙީ މާހިރުން ވިދާޅުވަނީ ރާއްޖޭގައި ކޯވިޑް ފެތުރޭ ނިސްބަތް އިތުރުވެފައިވަނީ ކޯވިޑް ގެ އާ ވޭރިއަންޓް ރާއްޖޭގައި ފެތުރެމުންދާތީ ކަމަށް ލަފާކުރެވޭ ކަމަށެވެ.